Vaavanyisi 2:14 - Xitsonga (Bibele)

¹⁴ Kutani ku kariha ka Yehovha ku pfurhela Vaisraele, a va nyiketa emavokweni ya vaonhi lava va onhaka, kutani a va nyiketa emavokweni ya valala va vona lava va va rhendzeleke; va tsandzeka ku yima emahlweni ka valala va vona.

BIBELE Mahungu Lamanene

¹⁴ Hikokwalaho, HOSI Xikwembu xi karihela Vaisraele, kutani xi va tshika va hlaseriwa hi vaxanisi va vona, xi va nyiketa eka valala va vona lava va va rhendzeleke, va nga ha koti ku va hlula.

Vaavanyisi 2:14 Referans Kwoze

2 TIHOSI 17:20

Kutani Yehovha a cukumeta rixaka hinkwaro ra Israele, a va tsongahata, a va nyiketa emavokweni ya vayivi, a ko a va susa emahlweni ka yena.

Duteronoma 32:30

Xana munhu a nga hlongorisa ku yini va 1 000 xana? Ni vambirhi va nga hlongorisa va 10 000 xana? Loko ngi ribye ra vona ri nga va xavisanga, Ni loko Yehovha a nga va nyiketanga xana?

Vaavanyisi 10:7

Kutani ku kariha ka Yehovha ku pfurhela va Israele; a va nyiketa emavokweni ya Vafilista, ni le mavokweni ya vana va Amoni.

Vaavanyisi 4:2

Kutani Yehovha a va nyiketa emavokweni ya Yabini, hosi ya Kanana, la nga fuma Hasoro; mufambisi wa mavandla ya yena a a ri Sisera, a akile eHaroxete-Goyimi.

Levhitika 26:37

Va ta khunguvanyeka va wa ingi va ri emahlweni ka matlhari, va nga hlongorisiwi hi munhu, mi nga ka mi nga yimi emahlweni ka valala va n'wina.

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

Yeremiya 37:10

Hikuva loko ngi mi dlayile nyimpi hinkwayo ya Vakalediya lava lwaka na n'wina, ku sala vanhu va timbanga ntsena, a va ta pfuka un'wana ni un'wana etendeni ya yena, va hisa muti lowo hi ndzilo!’ ”

Esaya 50:1

Yehovha u vula a ku: “Ri kwihi papila ra ku tshika mana wa n'wina leri ndzi n'wi tshikeke ha rona xana? Kumbe ndzi mi xavisele mani wa lava ndzi nga va ni nandzu eka vona? Vonani, mi xavisiwile hikwalaho ka swidyoho swa n'wina, mana wa n'wina u hlongoriwile hikwalaho ka swivi swa n'wina!

Pisalema 44:12

U xavisele swahava tiko ra wena, U ri xavisele lexi nga riki xa nkoka.

2 TIKRONIKA 15:5

Emikarhini yoleyo vafambi a va nga ri na ku rhula, hikuva mikitsikitsi a yi tele exikarhi ka vaaki hinkwavo va matiko,

Vaavanyisi 1:34

Kutani Vaamori va va ni sindziso eka vana va Dani entshaveni, va nga va pfumeleri ku xikela erivaleni.

Vaavanyisi 1:19

Yehovha a va na Yuda, kutani a hlongorisa lava akeke etintshaveni, kambe a tsandzeka ku hlongorisa lava akeke erivaleni, hikuva a va ri ni tigolonyi ta nsimbhi.

Duteronoma 28:58

“Loko u nga tilanguteli ku landza marito hinkwawo ya nawu lowu, lama tsariweke ebukwini leyi, ni ku chava vito leri kwetsimaka ni leri chavisaka ra Yehovha, Xikwembu xa wena,

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

Duteronoma 28:20

“Yehovha u ta ku rhumela ku rhukana ni ku kanakana, ni ku chavisiwa emitirhweni hinkwayo leyi u nga ta yi sungula, ni leyi u nga ta yi tirha, u ko u herisiwa, u hatlisa u lova hikwalaho ka mitirho leyo biha ya wena, leyi u ndzi fularheleke ha yona.

Tinhlayo 32:14

Kutani sweswi mi yima ematshan'weni ya vatata wa n'wina, mi ri rixaka ra vadyohi, mi lavela Israele ku engetela ku kariha ha Yehovha.

Levhitika 26:28

ndzi ta lwa na n'wina hi matimba, ndzi mi ba kambe kantlhanu na kambirhi, hikwalaho ka ku dyoha ka n'wina.

Vaavanyisi 2:20

Kutani ku kariha ka Yehovha ku pfurhela Vaisraele, a ku: “Leswi tiko leri ri onheke ntwanano lowu ndzi wu endleke ni vatata wa vona ri nga yingisanga rito ra mina,

Vaavanyisi 3:12

Kutani vana va Israele va vuyela kambe va endla leswo biha emahlweni ka Yehovha; Yehovha a pfuxa Egiloni, hosi ya Mowabu, leswaku a lwa ni Vaisraele hikuva va endlile leswo biha emahlweni ka Yehovha.

2 SAMIELE 7:11

ni ku suka siku ndzi leriseke vaavanyisi etikweni ra mina ra Israele; ndzi ku nyikile ni ku wisa eka valala hinkwavo va wena, kutani Yehovha a ku tivisa leswaku Yehovha u ta ku endlela yindlu.

2 TIHOSI 13:3

Vukari bya Yehovha byi pfurhela Israele, kutani a va nyiketa Hazaele, hosi ya Siriya, na Bene-Hadada, n'wana Hazaele, emikarhini yoleyo hinkwayo.

Nehemiya 9:27

Hikwalaho u va nyiketeke emavokweni ya valala va vona, va va xanisa. Emikarhini ya ku xanisiwa ka vona, va huwelela ka wena, kutani wena u va yingisile u ri ematilweni, hi mitsetselelo ya wena yo tala u va nyikile valamuleri va va lamulela emavokweni ya valala va vona.

Levhitika 26:17

Ndzi ta mi languta hi vukari; mi ta tlhaviwa hi valala va n'wina; lava mi vengaka va ta mi fuma, kutani mi ta baleka mi nga hlongorisiwi hi munhu.

Tinhlayo 32:13

Kutani Yehovha a karihela Israele, a n'wi fambisa emananga hi malembe ya mune wa makume, ku ko ku hela rixaka hinkwaro leri endleke swo biha emahlweni ka Yehovha.

Yoxuwa 23:16

Kutakuloko mi tlula ntwanano lowu Yehovha, Xikwembu xa n'wina, a mi leriseke wona, mi ya tirhela swikwembu swin'wana, mi khinsama emahlweni ka swona vukari bya Yehovha byi ta mi pfurhela kutani mi ta hatlisa mi fa etikweni lerinene leri a mi nyikeke rona.”

2 SAMIELE 24:1

Vukari bya Yehovha byi pfurhela kambe Vaisraele, kutani a va pfuka hi Davhida loko a ku: “Yana, u hlaya Vaisraele ni va Yuda.”

2 TIKRONIKA 28:5

Kutani Yehovha, Xikwembu xa yena, a n'wi nyiketa emavokweni ya hosi ya Siriya; Vasiriya va n'wi hlula, va khoma vanhu va yena lavo tala va va yisa eDamaska. A nyiketiwa ni le mavokweni ya hosi ya Israele, a hluriwa ngopfu hi yena.

Pisalema 44:11

U hi nyiketile kukotisa tinyimpfu leti dyiwaka, U hi hangalasile xikarhi ka vamatiko.

Esaya 42:24

La nyiketeke Yakobo eku phangiweni, na Israele eka lava n'wi hlanguriseke i mani? A hi Yehovha xana? Hi n'wi dyohele; kambe va arile ku famba etindleleni ta yena, a va yingisanga nawu wa yena.