Vaavanyisi 2:13 - Xitsonga (Bibele)

¹³ Va fularhela Yehovha, va tirhela Baali ni va Astarte.

BIBELE Mahungu Lamanene

¹³ Va tshika HOSI Xikwembu, va ya tirhela swifaniso swa Baali ni swa Astarte.

Vaavanyisi 2:13 Referans Kwoze

Vaavanyisi 10:6

Kutani vana va Israele va engeta va endla leswo biha emahlweni ka Yehovha, va tirhela Baali na Astarte, ni swikwembu swa Siriya, ni swikwembu swa Sidoni, ni swikwembu swa Mowabu, ni swikwembu swa vana va Amoni, ni swikwembu swa Vafilista; va fularhela Yehovha, va tshika ku n'wi tirhela.

Pisalema 106:36

Va tirhela swikwembu swahava swa vona, Leswi va khunguvanyiseke.

Vaavanyisi 3:7

Kutani vana va Israele va endla leswo biha emahlweni ka Yehovha, va rivala Yehovha, Xikwembu xa vona, va tirhela Baali na Axera.

1 Vakorinto 8:5

Hikuva, hambi swi ri leswi vuriwaka swikwembu etilweni ni le misaveni, (hikuva swikwembu swi tele, ni tihosi ti tele),

2 TIHOSI 23:13

A nyamisa ni switsunga leswi langutaneke na Yerusalema evokweni ra ximatsi ra ntshava ya ku Lova, leswi Solomoni, hosi ya Israele, a swi akeleke Astarte, ma nga manyala ya Vasidoni, na Kemoxi, manyala ya Vamowabu, na Milikomo, manyala ya vana va Amoni.

1 TIHOSI 11:33

Ndzi ta endla sweswo hikuva va ndzi fularhele va khinsamile emahlweni ka Astarte, xikwembu xa Vasidoni ni le mahlweni ka Kemoxi, xikwembu xa Mowabu, ni le mahlweni ka Milikomo, xikwembu xa vana Vaamoni; a va fambangi etindleleni ta mina ku endla leswi lulameke emahlweni ka mina, ni ku hlayisa milawu ya mina ni ku lerisa ka mina hilaha Davhida tata wa Solomoni, a endleke hakona.

1 TIHOSI 11:5

Solomoni a landza Astarte, swikwembu swa Vasidoni, ni Milikomo, manyala ya Vaamoni.

1 SAMIELE 31:10

Va veka matlhari ya yena endlwini ya Astarte, kutani va hayeka ntsumbu wa yena erirhangwini ra Beta-Xani.

Vaavanyisi 2:11

Kutani Vaisraele va endla leswo biha emahlweni ka Yehovha, va tirhela Baali.

1 SAMIELE 7:3

Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”

1 SAMIELE 12:10

Kutani va huwelela eka Yehovha, va ku: ‘Hi dyohile, hikuva hi tshikile Yehovha, hi tirhele va Baali ni va Astarte. Sweswi hi ponise emavokweni ya valala va hina, kutani hi ta ku tirhela.’

2 TIKRONIKA 7:22

Va ta hlamula, va ku: “Hi leswi va tshikeke Yehovha, Xikwembu xa vatata wa vona, loyi a va humeseke etikweni ra Egipta, va namarheleke swikwembu swin'wana, va khinsama emahlweni ka swona, va swi tirhela; hikwalaho ka swona u rhumele ehenhla ka vona makhombo lawa hinkwawo.”

Tinhlayo 25:3

Israele a namarhela Baala-Peyori, kutani vukari bya Yehovha byi pfurhela Israele.

2 TIKRONIKA 12:2

Hi lembe ra vuntlhanu ra hosi Rhobuwamu, Xixaka, hosi ya Egipta, a tlhandluka ku ta hlasela Yerusalema, hikuva a va dyohele Yehovha.

2 TIKRONIKA 28:3

A hisa mirhi ya risuna enkoveni, wa vana va Hinomu, kutani a hisa vana va yena endzilweni, a landza manyala ya matiko lawa Yehovha a ma hlongoleke emahlweni ka vana va Israele.

2 TIKRONIKA 33:3

A pfuxa tindhawu leti tlakukeke leti vumbuluxiweke hi Hezekiya, tata wa yena; kutani a akela va Baali tialitari, a endla ni swifaniso swa Axera; a va a khinsamela vandla hinkwaro ra matilo, a swi tirhela.

Yeremiya 2:20

“Hikuva khale u tshovile joko ra wena, u tshunxile mapindza ya wena, kambe u ku: ‘A ndzi nga ha tirhi!’ hilaha u tinyikeke vuoswi eswitsungeni hinkwaswo leswi tlakukeke ni le hansi ka mirhi hinkwayo leyi nga ni matluka.

Yeremiya 16:11

U ta ku eka vona: ‘Hi leswi vatata wa n'wina va ndzi tshikeke, ku vula Yehovha, kutani va ya lava swikwembu swin'wana, va swi tirhela kambe va swi khinsamela; kambe, loko ndzi ri mina, va ndzi tshikile, kutani a va hlayisanga milawu ya mina.