Vaavanyisi 2:12 - Xitsonga (Bibele)

¹² Va fularhela Yehovha, Xikwembu xa vatata wa vona, la nga va humesa etikweni ra Egipta; va landzela swikwembu swin'wana, swi nga swikwembu swa matiko lawa ma va rhendzeleke, va swi khinsamela va karihisa Yehovha.

BIBELE Mahungu Lamanene

¹² va tshika HOSI, Xikwembu xa vatata wa vona lexi xi va humeseke etikweni ra Egipta, kutani va ya tirhela swikwembu swa vamatiko lava va va rhendzeleke; kutani Vaisraele va hlundzukisa HOSI Xikwembu hi ku humesela swikwembu leswi emagandzelo.

Vaavanyisi 2:12 Referans Kwoze

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Duteronoma 29:25

Va ta humula, va ku: ‘Hi leswi va tshikeke ntwanano wa Yehovha, Xikwembu xa vatata wa vona, lowu a wu tiyiseke na vona loko a va humesa etikweni ra Egipta;

Duteronoma 13:5

Muprofeta loyi, hambi mulorhi loyi, u ta dlawa hikuva u susumetile vanhu ku landzula Yehovha, Xikwembu xa n'wina (la mi humeseke etikweni ra Egipta, a va a mi kutsula endlwini ya vukhumbi), a lava ku ku hambukisa endleleni leyi Yehovha, Xikwembu xa wena, a ku leriseke ku famba ha yona, U ta susa lowo biha exikarhi ka n'wina.

Duteronoma 29:18

“Ku nga tshuki ku va xikarhi ka n'wina wanuna, hambi wansati hambi yindlu, ni loko ri ri rixaka leri mbilu ya rona yi hambukaka namuntlha eka Yehovha, Xikwembu xa hina, ku ya tirhela swikwembu swa matiko lawa; ku nga tshuki ku va xikarhi ka n'wina, ni rimitsu leri humesaka tsefu, ni ku pyopya;

Duteronoma 5:9

“ ‘U nga tshuki u xi khinsamela, ni loko ku ri ku xi tirhela; hikuva hi mina Yehovha, Xikwembu xa wena, xa rilondzo, lexi baka ku homboloka ka vatswari ehenhla ka vana va vona, ku yisa erixakeni ra vunharhu ni ra vumune eka lava ndzi vengaka;

Vaavanyisi 5:8

Kakuloko Vaisraele va hlawula swikwembu leswintshwa, Nyimpi yi humelela etinyangweni. Xana xitlhangu, kumbe tlhari a ri kumiwa Eka Vaisraele va 40 000 xana?

Duteronoma 33:17

Nkunzi ya yena ya mativula i ku kwetsima ka yena, Timhondzo ta yona i timhondzo ta nyarhi; U ta tlhava ha tona matiko hinkwawo swin'we, Ku ya fika emakun'wini ya misava. Hi byona vunyingi bya Efrayimi, Hi wona madzanadzana ya Manase.”

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Vaavanyisi 8:33

Kuteloko Gidiyoni a file, vana Vaisraele va engeta va tinyiketa vuoswi ni va Baali, va tivekela Baala-Beriti xi va xikwembu xa vona.

Vaavanyisi 10:11

Yehovha a ku eka vana va Israele: “Xana a ndzi mi lamulelangi emavokweni ya va Egipta, ni le ya Vaamori, ni le ya vana Vaamoni, ni le ya Vafilista xana?

Pisalema 78:58

Va vanga vukari bya xona hi swivandla leswi tlakukeke swa vona, Ni rilondzo ra xona hi swifaniso swa swikwembu swa vona.

Pisalema 106:36

Va tirhela swikwembu swahava swa vona, Leswi va khunguvanyiseke.

Eksoda 13:3

Kutani Muxe a ku eka tiko: “Anakanyani siku leri mi humesiweke ha rona Egipta, endlwini ya vukhumbi; hikuva Yehovha u mi humesile kona hi voko ra matimba; kambe mi nga tshuki mi dya leswi dzungaka hi siku lero.

Eksoda 13:9

Xi ta va xikombiso evokweni ra wena, ni xitsundzuxo exikarhi ka mahlo ya wena. Nawu wa Yehovha wu ta va enon'wini wa wena, hikuva Yehovha a ku humesile eEgipta hi voko ra matimba.

Eksoda 13:14

Kutakuloko n'wana wa wena a ku vutisa emikarhini yin'wana, a ku: ‘Mhaka leyi i yihi?’ U ta ku eka yena: ‘Yehovha u hi humesile hi voko ra matimba endlwini ya vukhumbi;

Eksoda 13:16

Xi ta va xikombiso evokweni ra wena, ni le mombyeni wa wena; hikuva Yehovha u hi humesile eEgipta hi voko ra matimba.”

Duteronoma 4:25

“Kungakuloko u velekile vana ni vatukulu, ni loko mi akile khale etikweni, kutani mi tionha, ni loko mi tivatlela swifaniso, swi va swikombiso swa xilo xihi ni xihi, mi endla leswi biheke emahlweni ka Yehovha, Xikwembu xa wena, ku swi pfukela,

Duteronoma 6:12

u ta chava ku rivala Yehovha la ku humeseke etikweni ra Egipta, endlwini ya vukhumbi.

Yeremiya 16:11

U ta ku eka vona: ‘Hi leswi vatata wa n'wina va ndzi tshikeke, ku vula Yehovha, kutani va ya lava swikwembu swin'wana, va swi tirhela kambe va swi khinsamela; kambe, loko ndzi ri mina, va ndzi tshikile, kutani a va hlayisanga milawu ya mina.