Vaavanyisi 2:11 - Xitsonga (Bibele)

¹¹ Kutani Vaisraele va endla leswo biha emahlweni ka Yehovha, va tirhela Baali.

BIBELE Mahungu Lamanene

¹¹ Vaisraele va endla leswo biha emahlweni ka HOSI Xikwembu. Va tirhela swifaniso swa Baali,

Vaavanyisi 2:11 Referans Kwoze

Vaavanyisi 10:6

Kutani vana va Israele va engeta va endla leswo biha emahlweni ka Yehovha, va tirhela Baali na Astarte, ni swikwembu swa Siriya, ni swikwembu swa Sidoni, ni swikwembu swa Mowabu, ni swikwembu swa vana va Amoni, ni swikwembu swa Vafilista; va fularhela Yehovha, va tshika ku n'wi tirhela.

Vaavanyisi 6:1

Vana va Israele va engeta va endla leswo biha emahlweni ka Yehovha kutani Yehovha a va nyiketa emavokweni ya Vamidiyani hi malembe ya ntlhanu na mambirhi.

Vaavanyisi 4:1

Kuteloko Ehudi a file, vana va Israele va engeta va endla swo biha emahlweni ka Yehovha.

Vaavanyisi 3:7

Kutani vana va Israele va endla leswo biha emahlweni ka Yehovha, va rivala Yehovha, Xikwembu xa vona, va tirhela Baali na Axera.

Vaavanyisi 8:33

Kuteloko Gidiyoni a file, vana Vaisraele va engeta va tinyiketa vuoswi ni va Baali, va tivekela Baala-Beriti xi va xikwembu xa vona.

1 TIHOSI 18:18

Yena a ku: “A ndzi pfilunganyisi Israele, kambe hi wena ni yindlu ya tata wa wena, hikuva mi tshikile milawu ya Yehovha, mi landza va Baali.

Vaavanyisi 13:1

Kutani vana va Israele va engeta va endla leswo biha emahlweni ka Yehovha; Yehovha a va nyiketa emavokweni ya Vafilista hi malembe ya 40.

Yeremiya 9:14

kambe va tifambele hi ku nonon'hwa ka timbilu ta vona, ni ku landzela va Baali, hilaha va dyondzisiweke hakona hi vatata wa vona.”

Yeremiya 2:23

“U nga vurisa ku yini leswaku a ndzi tinyamisanga, a ndzi landzanga Baali xana? Languta mitila ya wena erivaleni; anakanya leswi u swi endleke, wena kamela ra matsambo leri tsutsumelaka lahaya ni lahaya.

Ezra 8:12

eka vana va Azigadi, Yohanani, n'wana Hakatani, a ri ni vavanuna va 110;

2 TIKRONIKA 33:6

A nghenisa vana va yena va xinuna endzilweni, enkoveni wa vana va Hinomu; a tinyiketa tinhlolo, ni vuloyi, ni mhondzo; a tiyisa lava vitanaka vafi, ni vangoma; a ya emahlweni hi ku endla ku tlurisa leswo biha emahlweni ka Yehovha ku n'wi pfuka.

2 TIKRONIKA 28:2

kambe a famba etindleleni ta tihosi ta Israele, a endlela va Baali swifaniso leswi chuluriweke.

1 SAMIELE 7:4

Kutani vana va Israele va susa va Baali ni va Astarte va tirhela Yehovha ntsena.

Vaavanyisi 10:10

Kutani vana va Israele va huwelela eka Yehovha, va ku: “Hi ku dyohele, hikuva hi fularhele Xikwembu xa hina, hi tirhela Baali.”

Vaavanyisi 3:12

Kutani vana va Israele va vuyela kambe va endla leswo biha emahlweni ka Yehovha; Yehovha a pfuxa Egiloni, hosi ya Mowabu, leswaku a lwa ni Vaisraele hikuva va endlile leswo biha emahlweni ka Yehovha.

Genesa 38:7

Kambe Ere, n'wana wa mativula wa Yuda, a a ri munhu wo hunguka emahlweni ka Yehovha, kutani Yehovha a n'wi dlaya.

Genesa 13:13

Kasi vanhu va Sodoma a va bihile ngopfu, va ri vadyohi lavakulu emahlweni ka Yehovha.

Duteronoma 31:16

Yehovha a ku eka Muxe: “Waswivo, u ta ya etlela ni vatata wa wena; kambe tiko leri ri ta pfuka ri ya oswana ni swikwembu swin'wana swa misava leyi ri nga ta nghena eka yona; ri ta ndzi tshika, kutani ri ta tlula ntwanano wa mina lowu ndzi wu endleke na rona.

Vaavanyisi 6:25

Hi vusiku byebyo, Yehovha a ku eka yena: “Teka xinkuzana xa tata wa wena, ni nkunzi yin'wana ya ntlhanu wa malembe ni malembe mambirhi, u mbundzumuxa alitari ya Baali ya tata wa wena, u pandza xifaniso lexi nga eka yona.

1 TIHOSI 22:53

A endla leswo biha emahlweni ka Yehovha, a famba endleleni ya tata wa yena, ni le ndleleni ya mana wa yena, ni le ndleleni ya Yerobuwamu, n'wana Nebati, la nga dyohisa Israele.

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Pisalema 78:56

Kambe va ringa Xikwembu Lexi nge henhlahenhla, va xi dzumadzumela, Kutani a va hlayisangi ku lerisa ka xona.

Yeremiya 11:10

Va tlhelele eku biheni ka vatata wa vona va khale lava tshamaka va ala ku yingisa marito ya mina, kambe va famba va ya tirhela swikwembu swin'wana; yindlu ya Israele, na yona yindlu ya Yuda yi tshovile ntwanano lowu ndzi wu endleke ni vatata wa vona.

Tinhlayo 25:3

Israele a namarhela Baala-Peyori, kutani vukari bya Yehovha byi pfurhela Israele.

Duteronoma 4:25

“Kungakuloko u velekile vana ni vatukulu, ni loko mi akile khale etikweni, kutani mi tionha, ni loko mi tivatlela swifaniso, swi va swikombiso swa xilo xihi ni xihi, mi endla leswi biheke emahlweni ka Yehovha, Xikwembu xa wena, ku swi pfukela,

1 SAMIELE 7:3

Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”

1 SAMIELE 12:10

Kutani va huwelela eka Yehovha, va ku: ‘Hi dyohile, hikuva hi tshikile Yehovha, hi tirhele va Baali ni va Astarte. Sweswi hi ponise emavokweni ya valala va hina, kutani hi ta ku tirhela.’

1 TIHOSI 11:5

Solomoni a landza Astarte, swikwembu swa Vasidoni, ni Milikomo, manyala ya Vaamoni.

2 TIKRONIKA 28:3

A hisa mirhi ya risuna enkoveni, wa vana va Hinomu, kutani a hisa vana va yena endzilweni, a landza manyala ya matiko lawa Yehovha a ma hlongoleke emahlweni ka vana va Israele.

Yeremiya 2:20

“Hikuva khale u tshovile joko ra wena, u tshunxile mapindza ya wena, kambe u ku: ‘A ndzi nga ha tirhi!’ hilaha u tinyikeke vuoswi eswitsungeni hinkwaswo leswi tlakukeke ni le hansi ka mirhi hinkwayo leyi nga ni matluka.

Yeremiya 16:11

U ta ku eka vona: ‘Hi leswi vatata wa n'wina va ndzi tshikeke, ku vula Yehovha, kutani va ya lava swikwembu swin'wana, va swi tirhela kambe va swi khinsamela; kambe, loko ndzi ri mina, va ndzi tshikile, kutani a va hlayisanga milawu ya mina.

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!