Vaavanyisi 19:6 - Xitsonga (Bibele)

⁶ Hikwalaho, va tshamisa, va dya, va nwa kun'we havambirhi; kutani tata wa wansati a ku eka wanuna: “Etlela kambe vusiku lebyi haleno, mbilu ya wena yi ta tsaka.”

BIBELE Mahungu Lamanene

⁶ Kutani vavanuna lavambirhi va tshama swin'we, va dya ni ku nwa; hiloko tata wa nsati a ku ka Mulevhi: “Ndzi kombela leswaku u tlhela u xwa, u dya u tsaka.”

Vaavanyisi 19:6 Referans Kwoze

Vaavanyisi 19:9

Kutani wanuna a pfuka, a ku wa famba ni nsati wa yena, ni nandza wa yena; kambe mukon'wana wa yena, tata wa wansati a ku eka yena: “Vona, dyambu ri perile; etlelani vusiku lebyi halenu; vona dyambu ri ya eku peleni, etlelani vusiku lebyi halenu, mbilu ya wena yi ta tsaka. Ni mixo u ta pfukela riendzo ra wena, u tifambela eka rikwenu.”

Vaavanyisi 16:25

Kutani leswi timbilu ta vona ti tsakeke va ku: “A ku vitaniwe Samsoni a ta tlanga emahlweni ka hina.” Kutani va ya teka Samsoni ekhotsweni, a ta, a tlanga emahlweni ka vona; kambe a va n'wi yimisile exikarhi ka timhandze.

Rhuti 3:7

Kutani Bowazi a dya a nwa, a tsaka a ya tilata emakun'wini ya tinhulu. Kutani Rhuti a ta khwatsi, a funungula milenge ya yena, a tilata kona.

Estere 1:10

Hi siku ra ntlhanu na mambirhi, kuteloko mbilu ya hosi yi tsakile hi vhinyo, yi lerisa Mehumani, na Bizita, na Harabona, na Bigita, na Abagita, na Zetara, na Karakasi, ti nga tindhuna ta ntlhanu na timbirhi leti yimaka emahlweni ka hosi Ahasuwerusi ku n'wi tirhela,

Nhlavutelo 11:13

Enkarhini wolowo ku tsekatseka lokukulu ka misava ku va kona, kutani ku avanyisa ka khume ka muti ku hindzimuka, vanhu va ntlhanu wa magidigidi na magidigidi mambirhi 7 000 va dlawa hi ku tsekatseka kuloku ka misava; kutani van'wana va khomiwa hi ku chava, va dzunisa Xikwembu xa le tilweni.

Nhlavutelo 11:10

Kutani lava akeke emisaveni va ta tsakela ku fa ka vona, va tsakisisa, va ta rhumelana tinyiko, hikuva vaprofeta valavo vambirhi va xanisile lava akeke emisaveni.

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Luka 12:19

Kutani ndzi ta ku eka moya wa mina: Moya wanga, u ni swilo leswo tala leswi hlengeleteriweke malembe layo tala; wisa, u dya, u nwa, u tsaka.’

Pisalema 104:15

Ni vhinyo leyi tsakisaka mbilu ya munhu, Ni mafurha lama vangamisaka mombo wa yena, Ni vuswa lebyi tiyisaka mbilu ya munhu.

1 SAMIELE 25:36

Abigayele a fika eka Nabala, kutani waswivo, a a endla endlwini ya yena xifihlulo kukota xifihlulo xa hosi; kutani mbilu ya Nabala yi tsakile; a pyopyiwile ngopfu; kambe a nga n'wi byelanga nchumu, hambi lexitsongo, hambi lexikulu ri ko ri xa.

Vaavanyisi 9:27

Kutani va humela ehandle va tshovela masimu ya yona ya vhinya, va khuvuta mihandzu ya yona, va titsakela, va nghena endlwini ya xikwembu xa vona, va dya, va nwa, va rhuketela Abimeleke.

Vaavanyisi 19:7

Kambe wanuna a yima a ku wa famba; mukon'wana wa yena a n'wi sindzisa, kutani a tlhela, a etlela vusiku byebyo kona.

2 SAMIELE 13:28

Abixalomu a lerisa malandza ya yena, a ku: “Xiyani swinene, kutakuloko mbilu ya Aminoni yi tsakisiwa hi vhinyo, ni loko ndzi ku eka n'wina: ‘Dlayani Aminoni!’ Mi ta n'wi dlaya, mi nga chavi, a ndzi mi lerisanga sweswo xana? Tiyani timbilu, mi va tinhenha!”

1 TIHOSI 21:7

Kutani Yezabele, nsati wa yena, a ku: “Xana kunene hi wena la fumaka sweswi etikweni ra Israele xana? Pfuka u dya swakudya, u tsaka; mina ndzi ta ku nyika nsimu ya vhinya ya Naboto wa Yizriele.”