Vaavanyisi 19:23 - Xitsonga (Bibele)

²³ Kambe n'wini wa yindlu a humela eka vona, a ku eka vona: “E-e, vamakwerhu, mi nga endleni swo biha; leswi munhu loyi a hambukeleke eka mina, mi nga tshuki mi endla manyala yo nghasi.

BIBELE Mahungu Lamanene

²³ Kutani mukhalabye lowa n'wini wa muti a huma a ya laha a va ri kona, a ku ka vona: “E-e vamakwerhu, mi nga vi na tihanyi eka munhu loyi a ndzi endzeleke. Ndza mi kombela, mi nga endli mhaka leyi ya manyala!

Vaavanyisi 19:23 Referans Kwoze

2 SAMIELE 13:12

Yena a n'wi hlamula, a ku: “A hi swona, makwerhu, u nga ndzi khomisi tingana hikuva swi nga ka swi nga endleki eIsraeleni; u nga tshuki u endla manyala lawa.

Vaavanyisi 20:6

Kutani ndzi teka mbuya ya mina, ndzi yi endla swihlubyana, ndzi rhumela swihlubyana swa yona etikweni hinkwaro ra ndzhaka ya Israele, hikuva va Gibeya va endlile leswo biha ni manyala eIsraeleni.

Genesa 34:7

Kutani vana va Yakobo, loko va twa mhaka leyi, va vuya enhoveni, va vaviseka ngopfungopfu, va kariha swinene, hikuva Xikeme a a sandzile Israele siku a etleleke ni n'wana Yakobo, yi nga mhaka leyi nga fanelangiki.

Yoxuwa 7:15

Kutani loyi a nga ta kumiwa a ri ni leswo yila, u ta hisiwa ni hinkwaswo leswi nga swa yena, hikuva u tlurile ntwanano wa Yehovha, u endlile leswo biha ngopfu eIsraeleni.’ ”

Duteronoma 22:21

va ta humesa wansati enyangweni ya yindlu ya tata wa yena, kutani vanhu va muti wa yena va ta n'wi khandla hi maribye, a ko a fa, hikuva u endlile xivi lexikulu ngopfu eIsraeleni hi ku oswa endlwini ya tata wa yena. Hi sweswo u nga ta susa lowo biha exikarhi ka wena.

Genesa 19:8

Vonani, ndzi ni vanhwana vambirhi lava nga tivanangiki na wanuna; ndzi pfumeleleni ndzi mi humesela vona ehandle, mi va endla hilaha mi rhandzaka hakona. Kambe ntsena, mi nga tshuki mi endla nchumu eka vanhu volavo, hikuva va nghene kwalaho endzhutini wa lwangu ra mina.”