Vaavanyisi 18:7 - Xitsonga (Bibele)

⁷ Kutani vavanuna valavo, va ntlhanu va suka, va ya fika eLayixi, va vona vanhu va kona va tshamile va titsakela, va ri ni mikhuva ya Vasidoni, va tshama hi ku rhula va nga chavi nchumu; ku nga ri na munhu etikweni rero loyi a va fumaka hi nsele; va ri kule ni Vasidoni, va nga ri na mhaka ni vanhu van'wana.

BIBELE Mahungu Lamanene

⁷ Vavanuna lava va suka eka Mika, va famba va ya fika emutini wa Layixi; va vona vanhu va kona, va kuma leswaku a va tshamisekile hi ku rhula ku fana ni Vasidoni, naswona a va ri vanhu vo timiyelela vo ka va nga ehleketeleli munhu swo biha; vafumi va vona a va nga va karhati etikweni ra vona; Vasidoni a va ri kule na vona, naswona a va nga tirhisani ni vanhu van'wana.

Vaavanyisi 18:7 Referans Kwoze

Yoxuwa 19:47

Ndzilakana wa vana va Dani wu hume ehandle ka rikwavo, hikuva vana va Dani va humile va ya hlasela Lexeme, va wu teka, va wu heta hi vukari bya tlhari, kutani wu va wa vona, va aka kona; kavaloko va thya Lexeme Dani, hi vito ra Dani, tata wa vona.

Nhlavutelo 18:7

Mi n'wi xanisa, mi n'wi hlomukisa mbilu, mi n'wi ringanisela leswi a nga tidzunisa, ni leswi a nga titsakela ha swona. Hikuva u te embilwini ya yena: ‘Ndzi tshamile ndzi ri hosi, ndzi nga ri nsati wa noni, ndzi nga ka ndzi nga tivi nhlomulo’;

1 Petro 2:14

hambi ti ri tindhuna, hikuva hi tona leti rhumiwaka hi yona ku ta avanyisa lava endlaka swo biha ni ku dzunisa lava endlaka swinene.

Varhoma 13:3

Hikuva lava fumaka a va chaviwi hi lava endlaka swinene, kambe va chaviwa hi lava endlaka swo biha. Xana u rhandza leswaku u nga chavi vuhosi? Endla swinene, u ta khensiwa hi byona,

1 TIHOSI 1:6

Tata wa yena a nga n'wi tshinyanga ni siku ni rin'we, a ku: “U endlela yini sweswo?” Kambe, a a sasekile ngopfu emirini; Hagiti a a n'wi velekile endzhaku ka Abixalomu.

1 SAMIELE 3:13

Ndzi n'wi byerile leswaku ndzi ta avanyisa yindlu ya yena hilaha ku nga heriki hikwalaho ka xidyoho lexi a xi tivaka. Hikuva vana va yena va tilavele ndzhukano ehenhla ka vona, kambe a nga va layanga.

Vaavanyisi 18:6

Muprista a ku: “Yanani hi ku rhula; riendzo ra n'wina leri mi fambaka ha rona, ri le mahlweni ka Yehovha.”

Vaavanyisi 18:8

Kutani va tlhelela eka vamakwavo lava nga eSora na Exitawulu; vamakwavo, va ku: “Mi ri yini?”

Vaavanyisi 18:29

Va Dani va engeta va pfuxa muti, va aka kona. Kutani va thya vito ra muti lowu Dani, hi vito ra Dani, tata wa vona, la nga velekiwa i Israele. Vito ro rhanga ra muti a wu ri Layixi.

1 TIHOSI 16:31

A nga kolwanga ku endla swidyoho leswi endliweke hi Yerobuwamu, n'wana Nebati, kambe a engeta a teka Yezabele, n'wana Eti-Baali, hosi ya Vasidoni, kutani a ya tirhela Baali, a khinsama emahlweni ka yena.

1 TIKRONIKA 4:40

Va kuma vudyelo lebyi noneke lebyinene, ni tiko lerikulu ematlhelweni hinkwawo, tiko ro rhula leri etleleke, hikuva lava akeke kona eku sunguleni a va ri va rixaka ra Hamu.

Yeremiya 49:31

“Sukani, mi tlhandlukela eka tiko leri rhuleke, laha va akeke hi ku tshemba, ku vula Yehovha. A ku na tinyangwa, hambi tinghole eka vona, va ake swavo.