Vaavanyisi 17:5 - Xitsonga (Bibele)

⁵ Hi mukhuva wolowo, wanuna yeloyi, Mika, a a ri ni yindlu ya swikwembu; a tiendlela ni efodi, ni titerafi, kutani a hlawula un'wana wa vana va yena, a n'wi endla muprista wa yena.

BIBELE Mahungu Lamanene

⁵ Wanuna loyi Mika a a ri ni xivandla xo khongelela eka xona, kutani a endla “efodi” na “titerafi”, a veka un'wana wa vana va yena leswaku a va muprista wa yena.

Vaavanyisi 17:5 Referans Kwoze

Vaavanyisi 18:14

Kutani vavanuna va ntlhanu lava yeke ku ya kambela tiko ra Layixi, va vutisa vamakwavo, va ku: “Xana a mi swi tivi leswaku efodi yi kona kwala etindlwini teto, ni titerafi, ni xifaniso lexi vatliweke ni lexi chuluriweke xana? Vonani sweswi leswi mi nga ta swi endla.”

Vaavanyisi 8:27

Kutani Gidiyoni a endla efodi ha swona, a yi veka eOfira, emutini wa varikwavo; kambe Vaisraele hinkwavo va endla vuoswi ha yona, wu va ntlhamu eka Gidiyoni ni ka hinkwavo, va yindlu ya yena.

Genesa 31:19

Enkarhini lowo, Labani a a yile eku tsemeleni ka tinyimpfu; kutani Rahele a yiva titerafi ta tata wa yena (swifaniso swa swikwembu swa tata wa yena).

Vaavanyisi 18:24

A ku: “Mi tekile swikwembu swa mina leswi ndzi swi endleke, ni muprista wa mina, mi fambile na swona; sweswi, ku sele yini eka mina xana? Mi ndzi vutisela yini sweswi loko mi ku: ‘U dyiwa hi yini?’ ”

Genesa 31:30

Kambe sweswi leswi u nga boha ndlela ya wena, hikuva u naverile ngopfu yindlu ya tata wa wena, xana u ndzi yivele yini swikwembu swa mina?”

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

Eksoda 29:9

Kutani u ta tsimba Aroni ni vana va yena hi mavamba, u va vehela swihuku, kutani vuprista byi ta va bya vona hi masiku hinkwawo; i ku lerisa loku nga heriki. U ta hlawurisa sweswo Aroni ni vana va yena.

Eksoda 28:15

“Kutani u ta endla nguvu ya xifuva, ya ku avanyisa, hi ntirho wa vutlhari; u ta yi endla hi mukhuva wu ri wun'we na efodi: u yi endla hi nsuku, ni xivunguvungu, ni scarlet, ni crimson, ni ntsembyana lowo saseka, leyi swuriweke.

Vaheveru 5:4

Kambe a ku na munhu la nga titekelaka vuhosi lebyi, loko a nga ri la vitiweke hi Xikwembu, kukotisa Aroni.

Hosiya 8:14

Israele u rivele muvumbi wa yena, kutani u akile tindlu ta vuhosi; na Yuda u andzisile ku aka miti leyi biyiweke; kambe ndzi ta rhuma ndzilo emitini ya vona, wu hisa tindlu ta vona ta vuhosi.

Ezra 1:7

Kambe hosi Korexe a humesa swingolongondzwana swa yindlu ya Yehovha leswi ngi swi tekiwile eYerusalema hi Nebukadnetsara; a a swi vekile endlwini ya xikwembu xa yena.

1 TIHOSI 12:31

Kutani a aka yindlu exivandleni lexi tlakukeke, a veka vaprista lava humaka ematlhelweni hinkwawo ya tiko, lava nga riki va yindlu ya Levhi.

1 SAMIELE 23:6

Kakuloko Abiyatara, n'wana Ahimeleke, a balekela eka Davhida eKeyila, efodi a yi ri evokweni ra yena.

Eksoda 28:4

“Tinguvu leti va nga ta ti endla hi leti: Nguvu ya xifuva, ni efodi, ni rhoko, ni baji, ni xihuku, ni vamba: va ta endlela Aroni, makwenu, ni vana va yena tinguvu leti hlawuriweke va ta tiva ku tirha ntirho wa vuprista emahlweni ka mina.

Eksoda 24:5

Kutani a rhuma majaha ya vana va Israele ku endla magandzelo lama hisiwaka, ni magandzelo ya ku khensa Yehovha hi tinkunzi.

Tinhlayo 3:10

U ta veka Aroni ni vana va yena leswaku va tirha ntirho wa vuprista, kambe wamatiko la nga ta tshinelela u ta dlawa.”

Vaavanyisi 17:4

Kavaloko Mika a tlherisa mali yoleyo eka mana wa yena, kutani mana wa yena a teka tixikele ta 200, a ti nyika muchuluri, a endla xifaniso lexi vatliweke ni xifaniso lexi chuluriweke, swi vekiwa endlwini ya Mika.

Vaavanyisi 18:30

Kutani vana va Dani va tiyimisela xifaniso lexi vatliweke. Kutani Yonatani, n'wana Gerixomu, n'wana Manase, ni vana va yena, a va ri vaprista va nyimba ya Dani, ku fikela siku tiko ri yisiwaka evukhumbini.

Esaya 44:13

Muvatli u pima hi mpimo, u tsala xifaniso hi pitloti, a xi vatla hi nsendzo, a xi pima hi kompasi; kutani a endla xifaniso lexi fanaka ni munhu, munhu lowo saseka, ku xi rhurhela endlwini.

Ezekiele 21:21

Oho fumu, u hlanganisa u tlhava eka lera xinene; angamela, u tlhava eka le ra ximatsi, ematlhelo hinkwawo laha ku kongomekaka kona.

1 SAMIELE 19:13

Kutani Mikala a teka terafi a yi veka esangwini, kutani a lunghisa dzovo ra mbuti enhlokweni, a swi funengeta hi nguvu.

1 TIHOSI 12:32

Hi n'hweti ya ntlhanu na tinharhu, hi siku ra khume na ntlhanu ra n'hweti, Yerobuwamu a endla nkhuvo lowu fanaka ni nkhuvo lowu endliwaka etikweni ra Yuda, a humesa magandzelo ealitarini. A endlisa sweswo eBetele, a humesela marhole lawa a ma endleke magandzelo, kutani a veka eBetele vaprista va tindlu ta swivandla leswi tlakukeke leti a ti akeke.

Ezekiele 21:26

Hikuva hosi ya Babilona yi yime entileni lowukulu emahandzeni ya tindlela letimbirhi leswaku yi endla ku bvumbha; yi vangamisa miseve, yi vutisa swifaniso, yi kamba xivindzi.