Vaavanyisi 17:4 - Xitsonga (Bibele)

⁴ Kavaloko Mika a tlherisa mali yoleyo eka mana wa yena, kutani mana wa yena a teka tixikele ta 200, a ti nyika muchuluri, a endla xifaniso lexi vatliweke ni xifaniso lexi chuluriweke, swi vekiwa endlwini ya Mika.

BIBELE Mahungu Lamanene

⁴ Kuteloko Mika a tlheriserile mali ya kona eka mana wa yena, yena a teka tisilivhere ta 200, a nyika mufuri wa swa silivhere, kutani munhu loyi a vatla xifaniso xa Xikwembu, a vumba ni xin'wana. Kutani swifaniso leswi swi ya vekiwa emutini wa Mika.

Vaavanyisi 17:4 Referans Kwoze

Vaavanyisi 17:3

Kuteloko a tlherisile tixikele teto ta 1 100, mana wa yena a ku: “Ndzi hlawulele Yehovha mali yoleyo, leswaku ku ta endleriwa n'wananga ha yona xifaniso lexi vatliweke ni xifaniso lexi chuluriweke, kutani sweswi, ndzi ti tlherisela eka wena.”

Vaavanyisi 17:5

Hi mukhuva wolowo, wanuna yeloyi, Mika, a a ri ni yindlu ya swikwembu; a tiendlela ni efodi, ni titerafi, kutani a hlawula un'wana wa vana va yena, a n'wi endla muprista wa yena.

Esaya 30:22

Kutani swifaniso swa n'wina leswi vatliweke leswi namekiweke hi silivhere, ni swifaniso swa n'wina leswi chuluriweke, leswi lemiweke hi nsuku, mi ta swi chela thyaka, mi swi cukumeta kukotisa manyala, mi ku: “Huma!”

Esaya 44:13

Muvatli u pima hi mpimo, u tsala xifaniso hi pitloti, a xi vatla hi nsendzo, a xi pima hi kompasi; kutani a endla xifaniso lexi fanaka ni munhu, munhu lowo saseka, ku xi rhurhela endlwini.

Duteronoma 27:15

“ ‘A ku rhukaniwe munhu la endlaka xifaniso lexi vatliweke, hambi xi ri lexi chuluriweke, xi ri xilo lexi yilaka eka Yehovha, wu ri ntirho wa mavoko ya mutirhi, kutani a xi veka endhawini leyi fihliweke!’ Kavaloko tiko hinkwaro ri ta hlamula ri ku: ‘Amen!’

Vaavanyisi 18:17

Kutani vavanuna lava yeke ku ya kambela tiko, va tlhandluka, va nghena, va teka xifaniso lexi vatliweke, ni efodi, ni titerafi, ni xifaniso lexi chuluriweke muprista, yena, a ri karhi a yimile enyangweni kun'we ni vavanuna va 600 lava hlomeke.

Habakuku 2:18

Xifaniso lexi vatliweke xi pfuna yini leswi muvatli wa xona a xi vatleke; ni xifaniso lexi chuluriweke, lexi dyondzisaka vunwa, leswaku muvatli a titshembela eka lexi vatliweke hi yena, a ta swi endla swikwembu leswi nga vulavuriki?