Vaavanyisi 17:1 - Xitsonga (Bibele)

¹ A ku ri ni wanuna entshaveni ya Efrayimi, vito ra yena a a ri Mika.

BIBELE Mahungu Lamanene

¹ A ku ri ni wanuna un'wana emangangeni ya Efrayimi. Vito ra yena a a ri Mika.

Vaavanyisi 17:1 Referans Kwoze

Vaavanyisi 18:2

Kutani vana va Dani va hlawula exikarhi ka vona hinkwavo vavanuna va ntlhanu va tinhenha, va huma eSora na Exitawulu, va va rhuma ku ya kambela tiko, ni ku ri lavisisa. Va ku eka vona: “Yanani mi ya kambela tiko.” Va ya, va ko va ta fika eka Mika, entshaveni ya Efrayimi, va etlela kona.

Vaavanyisi 10:1

Endzhaku ka Abimeleke, ku humelela Tola n'wana Puwa, n'wana Dodo, wanuna wa Isakara, a lamulela Israele, a akile eXamiri, entshaveni ya Efrayimi.

Yoxuwa 15:9

Ku suka enhlohlorhini ya ntshava, ndzilakana wu ya fika exihlobyeni xa mati ya Nefitowaka, kutani wu kongoma miti ya ntshava ya Efroni, kutani wu ya fika eBaala lowu nga Kiriyata-Yeyarimi;

Vaavanyisi 16:31

Kutani vamakwavo, ni hinkwavo, va yindlu ya tata wa yena, va ta n'wi susa, va n'wi tisa ku ta n'wi lahla esirheni ra tata wa yena, Manowaka, exikarhi ka Sora na Exitawulu. A avanyisile Israele hi malembe ya 20.

Vaavanyisi 17:2

A ku eka mana wa yena: “Tixikele ta silivhere ta 1 100 leti yiviweke eka wena, leti u nga vulavula hi ku kariha hikwalaho ka tona ndzi ri kona, vona, mali yoleyo yi le ka mina; hi mina loyi ndzi yi tekeke.” Mana wa yena a ku eka yena: “N'wananga a a katekisiwe hi Yehovha!”

Yoxuwa 21:21

Va va nyika Xikeme, muti wa xichavelo xa mudlayi ni tikwanyana ra wona, entshaveni ya Efrayimi, na Gezere ni tikwanyana ra wona,

Yoxuwa 24:30

Va n'wi lahla emindzilekaneni ya ndzhaka ya yena, eTiminata-Sera, entshaveni ya Efrayimi, en'walungwini ka ntshava ya Gaaxi.

Vaavanyisi 3:27

Kuteloko a fikile kona, a yimba nanga entshaveni ya Efrayimi, vana va Israele va ngirimela na yena entshaveni, a va rhangela emahlweni.

Vaavanyisi 18:13

Loko va suka kona, va ya fika eka Mika, entshaveni ya Efrayimi.

1 TIHOSI 4:8

Mavito ya tona hi lawa: N'wana Huru, entshaveni ya Efrayimi.