Vaavanyisi 16:2 - Xitsonga (Bibele)

² Kutani vanhu va Gaza va swi twa, va ku: “Samsoni u tile halenu.” Va n'wi rhendzela, va n'wi etlelela vusiku hinkwabyo enyangweni ya muti, va miyela vusiku hinkwabyo, va ku: “Mundzuku nimixo hi ta n'wi dlaya.”

BIBELE Mahungu Lamanene

² Vaaki va muti wa Gaza va twa leswaku Samsoni ú kwala mutini wa vona. Hiloko va n'wi sivelela, va n'wi tumbelela vusiku hinkwabyo enyangweni ya muti va miyerile, va ehleketa leswaku va ta n'wi yimela ri kondza ri xa, va ta n'wi dlaya.

Vaavanyisi 16:2 Referans Kwoze

1 SAMIELE 23:26

Sawulo a a famba hitlhelo rin'wana ra ntshava, kambe Davhida ni vanhu va yena, va famba hitlhelo rin'wana ra ntshava. Kakuloko Davhida a tsutsuma ku balekela Sawulo, Sawulo ni vanhu va yena a va ri karhi va lava ku rhendzelekela Davhida ni vanhu va yena ku va khoma.

Timhaka 9:24

Kambe Sawulo a tivisiwa leswi va swi kaneleke. A va n'wi tumbelela etinyangweni ta muti, nhlikanhi ni vusiku leswaku va ta n'wi dlaya;

Timhaka 23:15

Sweswi, n'wina ni Sinedri, tivisani ndhuna leyikulu leswaku a ta n'wi rhumela eka n'wina mundzuku, swi va tanihi loko mi rhandza ku vutisisa swin'wana etimhakeni ta yena; loko hi ri hina, hi ta va hi tilunghisile ku n'wi dlaya a nga si fika.”

Matewu 27:1

Kuteloko byi xile, vaprista hinkwavo ni vakulukumba va tiko va kanela ku dlaya Yesu.

Matewu 21:38

Kambe varimi loko va vona n'wana wa yena, va byelana, va ku: ‘Mudyandzhaka hi loyi; tanani hi n'wi dlaya, hi ta teka ndzhaka ya yena.’

1 SAMIELE 19:11

Kutani Sawulo a rhuma vanhu endlwini ya Davhida ku n'wi langutela ni ku n'wi dlaya nimixo. Kambe Mikala, nsati wa Davhida, a n'wi tivisa, a ku: “Loko u nga baleki vusiku lebyi, u ta dlawa nimixo.”

Vaavanyisi 15:18

Kutani a khomiwa ngopfu hi torha, a huwelela eka Yehovha, a ku: “Leswi u nga pfuna nandza wa wena swonghasi, xana sweswi ndzi nga fa hi torha ndzi wela emavokweni ya lava nga yimbangiki xana?”

Luka 21:20

“Kambe, kutakuloko mi vona Yerusalema a rhendzeriwe hi mavandla, mi ta tiva leswaku ku onhaka ka wona ku kusuhi.

Vaavanyisi 16:3

Loko a ri Samsoni, a etlela byi ko byi va vusiku lebyikulu, kavaloko a pfuka, a khoma timbanti ta nyangwa ya muti ni timhandze timbirhi ta tona, a ti hlomula ni xipfalo a swi rhwala emakatleni, a swi yisa enhlohlorhini ya ntshava leyi langutaneke na Hebroni.