Vaavanyisi 15:6 - Xitsonga (Bibele)

⁶ Kutani Vafilista va vutisa, va ku: “Swi endliwe hi mani xana?” Va ku: “I Samsoni, mukon'wana wa nuna wa Timina, hi leswi a n'wi tekeleke nsati wa yena, a n'wi nyika nxangwana ya yena.” Kutani Vafilista va tlhandluka, va hisa nsati yeloyi, ni tata wa yena.

BIBELE Mahungu Lamanene

⁶ Vafilista va vutisana va ku: “Xana i mani a nga endla swilo leswi xana?” Van'wana va hlamula va ku: “I Samsoni mukon'wana wa va ka Timina, hikuva va tekile nsati wa Samsoni va n'wi nyika nxangwana ya yena.” Hiloko Vafilista va ya hisa nkata Samsoni ni tata wa yena.

Vaavanyisi 15:6 Referans Kwoze

Vaavanyisi 14:15

Kute hi ra ntlhanu na mambirhi, va ku eka nsati wa Samsoni: “Yengetela nuna wa wena, leswaku a hi hlamusela mawetana; loko swi nga ri tano, hi ta ku hisa wena ni yindlu ya tata wa wena. Xana mi hi vitanele halenu ku ta hi tekela swa hina, kumbe a swi tano xana?”

1 Vatesalonika 4:6

Munhu a nga tshuki a kandziyela makwavo, hambi ku ri ku n'wi dya, ni ku n'wi kanganyisa emhakeni, ni loko yi ri yin'we hikuva Hosi i murihiseri wa swilo hinkwaswo leswo tano, kukota leswi hi tshamaka hi mi byela khale hi ku vurisa loku tiyeke.

Swivuriso 22:8

La byalaka ku homboloka u ta tshovela maxangu, Kutani nhonga ya vukari bya yena yi ta hela.

Vaavanyisi 12:1

Kutani vavanuna va Efrayimi va hlengeletana va hundzela tlhelo ra le n'walungwini, va ta, va ku eka Yefta: “Siku u yeke ku ya lwa ni vana va Amoni, a ku hi vitananga ha vini, leswaku hi famba na wena? Sweswi hi ta ku hisela endlwini ya wena.”

Vaavanyisi 15:5

Kutani a lumeka swisa a tshiketa timhungubye emasin'wini ya Vafilista, a hisa tinhulu ta tinyandza ni koro leyi yimeke, ni masimu ya mitlhwari.

Vaavanyisi 15:7

Kutani Samsoni a ku eka vona: “Leswi mi endleke leswi, ndzi nga ka ndzi nga fambi, ndzi nga si tirihisela eka n'wina.”