Vaavanyisi 15:11 - Xitsonga (Bibele)

¹¹ Kutani vavanuna va Yuda va 3 000 va ngirimela ebakweni ra ribye ra Etamu, va ku eka Samsoni: “Xana a ku swi tivi leswaku Vafilista va hi fuma xana? U hi endlele yini sweswo?” A ku eka vona: “Ndzi va endlile hilaha va ndzi endleke hakona.”

BIBELE Mahungu Lamanene

¹¹ Kutani vavanuna va Yuda vo ringana 3 000 va rhelela va ya eka Samsoni ebakweni ra ribye ra Etamu, va fika va ku ka yena: “Wa swi tiva leswaku Vafilista va hi fuma. Kutani i mhaka muni leyi u hi vangeleke yona xana?” Samsoni a va hlamula a ku: “Leswi ndzi va endleke swona, hi sweswi na vona va rhangeke va ndzi endla swona.”

Vaavanyisi 15:11 Referans Kwoze

Vaavanyisi 14:4

Loko a ri tata wa yena ni mana wa yena, a va nga swi tivi leswaku mhaka yoleyo yi hume eka Yehovha; kasi Samsoni a a lava nkarhi wa ku lwa ni Vafilista; hikuva enkarhini wolowo, Vafilista a va fuma Vaisraele.

Vaavanyisi 13:1

Kutani vana va Israele va engeta va endla leswo biha emahlweni ka Yehovha; Yehovha a va nyiketa emavokweni ya Vafilista hi malembe ya 40.

Duteronoma 28:13

Yehovha u ta ku veka enhlokweni, ku nga ri encileni; u ta tshama u ri henhla, ku nga ri ehansi, loko u yingisa milawu ya Yehovha, Xikwembu xa wena, leyi ndzi ku lerisaka namuntlha ku yi hlayisa ni ku yi endla,

Levhitika 26:25

Ndzi ta rhumela ehenhla ka n'wina matlhari yo rihisela ntwanano wa mina; kutani, kutakuloko mi hlengeletanile emitini ya n'wina, ndzi ta rhuma ntungu exikarhi ka n'wina kutani mi ta nyiketiwa emavokweni ya nala.

Duteronoma 28:43

“Muluveri la nga ta luvela eka wena u ta tikurisa ehenhla ka wena ngopfungopfu; loko u ri wena u ta tsongahala hansihansi;

Vaavanyisi 15:10

Vavanuna va Yuda va ta, va ku: “Mi hi humele hi fumu hikwalaho ka yini xana?” Va ku: “Hi tile ku boha Samsoni, hi ta n'wi endla kukotisa leswi a nga endla eka hina.”

Vaavanyisi 15:12

Va ku eka yena: “Hi tile ku ta ku boha, hi ku nyiketa emavokweni ya Vafilista.” Samsoni a ku: “Ndzi hlambanyeleni leswaku mi nga ka mi nga ndzi pfukeli matimba mi ri n'wina!”

1 TIKRONIKA 4:3

Hi vona vana va xinuna va Etamu: Yizriele, Ixima, Yidibaxa; vito ra makwavo wa vona wa wansati a a ri Haseleli-Poni.