Vaavanyisi 14:3 - Xitsonga (Bibele)

³ Kambe tata wa yena ni mana wa yena, va ku eka yena: “Xana a ku na wansati exikarhi ka vanhwana va vamakwenu ni le tikweni ra rikwenu hinkwaro xana, leswaku u ya titekela nsati eka Vafilista lava nga yimbangiki?” Samsoni a ku eka tata wa yena: “Ndzi tekele yena, hikuva u ndzi tsakisile.”

BIBELE Mahungu Lamanene

³ Kambe tata wa yena ni mana wa yena va ku ka yena: “Xana ko va hava vanhwanyana exikarhi ka maxaka ya ka hina kumbe etikweni ra ka hina hinkwaro, leswi u lavaka ku ya teka nsati exikarhi ka vahedeni lava va Vafilista, xana?” Kambe Samsoni a hlamula tata wakwe, a ku: “Ndzi tekeleni yena, hikuva mina ndzi tsakela yena!”

Vaavanyisi 14:3 Referans Kwoze

1 SAMIELE 17:36

Sweswo nandza wa wena u dlayile nghala hambi yi ri bere, kutani Mufilista loyi, wa khuna u ta kotisa xin'wana xa swona, hikuva u sandzile tinyimpi ta Xikwembu lexi hanyaka.”

Vaavanyisi 15:18

Kutani a khomiwa ngopfu hi torha, a huwelela eka Yehovha, a ku: “Leswi u nga pfuna nandza wa wena swonghasi, xana sweswi ndzi nga fa hi torha ndzi wela emavokweni ya lava nga yimbangiki xana?”

2 SAMIELE 1:20

Mi nga tshuki mi vikela Gati, Mi nga vuli mahungu emitsendzeleni ya Axikeloni. Vanhwanyana va Vafilista va nga ta tsaka, Vanhwana va vukhuna va nga ti tsakisisa.

1 SAMIELE 31:4

Kutani Sawulo a ku eka mutameri wa matlhari ya yena: “Hlomula banga ra wena u ndzi tlhava ha rona, leswaku lava nga yimbangiki va nga tshuki va ta ndzi tlhava, va tlanga ha mina.” Kambe mutameri wa matlhari ya yena a nga pfumelanga, hikuva a a chavile ngopfu. Kavaloko Sawulo a teka banga ra yena, a titlhava ha rona.

1 SAMIELE 17:26

Davhida a ku eka vavanuna lava yimeke ekusuhi na yena: “Xana va ta endla yini eka loyi a nga ta hlula Mufilista loyi, a susa xisandzu ehenhla ka Israele? I mani Mufilista loyi, la nga yimbangiki, leswi a sandzaka mavandla ya Xikwembu lexi hanyaka?”

1 SAMIELE 14:6

Yonatani a ku eka jaha leri ngi ri tamele matlhari ya yena a ku: “Tana, a hi ye, hi ya fika ekhokholweni ra lava nga yimbangiki, kumbe Yehovha u ta hi lwela, hikuva a ku na xilo lexi sivelaka Yehovha ku ponisa, hambi vanhu va tele, hambi va nga ri vangani.”

Genesa 34:14

Va ku eka vona: “Hi nga tsandzeka ku endlisa sweswo, ni ku nyika makwerhu eka nuna la nga yimbisiwangiki, hikuva xi nga va xisandzu eka hina.

Genesa 13:8

Kutani Abrama a byela Lota, a ku: “Ku nga tshuki ku humelela dzolonga exikarhi ka mina na wena, ni le xikarhi ka varisi va mina ni varisi va wena, hikuva hi vana va tata un'we.

Genesa 21:27

Kutani Abrahama a pambula swifuwo leswitsongo ni leswikulu, a nyika Abimeleke, va endla xinakulobye vona havambirhi.

Vaavanyisi 14:2

Kutani a tlhela, a tivisa tata wa yena ni mana wa yena, a ku: “Ndzi vonile wansati exikarhi ka vanhwanyana va Vafilista, eTimina, mi ndzi tekela yena sweswi, a va nsati wa mina.”

Yoxuwa 23:12

“Hikuva loko mi tlhelela endzhaku, ni loko mi namarhela leswi saleke swa matiko lawa lama tshameke exikarhi ka n'wina, ni loko mi tekelana vavasati na vona, kutani mi hlangana na vona, na vona va hlangana na n'wina,