Vaavanyisi 13:6 - Xitsonga (Bibele)

⁶ Kutani wansati a ya byela nuna wa yena, a ku: “Ku tile eka mina wanuna wa Xikwembu, xivumbeko xa yena a xi fana ni xivumbeko xa ntsumi ya Xikwembu hi ku chavisa, a ndzi n'wi vutisanga laha a humaka kona, kambe a nga ndzi byelangi vito ra yena.

BIBELE Mahungu Lamanene

⁶ Kavaloko wansati a ya eka nuna wa yena, a fika a ku: “Munhu wa Xikwembu a a tile eka mina. Xivumbeko xa yena a xi chavisa swinene, xi fana ni xivumbeko xa ntsumi ya Xikwembu. A ndzi n'wi vutisanga leswaku a a huma kwihi, na vito ra yena a nga ndzi byelanga.

Vaavanyisi 13:6 Referans Kwoze

1 SAMIELE 9:6

Kutani nandza a ku eka yena: “Waswivo, munhu wa Xikwembu u kona emutini lowu, kambe i munhu la dzuniwaka. Hinkwaswo leswi a swi vulaka swi humelela. Sweswi, a hi yeni kona, kumbe u ta hi tivisa ndlela leyi hi nga ta famba ha vona.”

Duteronoma 33:1

Hi kona ku katekisa ka Muxe wanuna wa Xikwembu, loko a katekisa vana va Israele, a nga si fa, a ku:

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

Timhaka 6:15

Kutani hinkwavo lava tshameke ehubyeni, loko va n'wi honolela mahlo, va vona mombo wa yena wu fana ni mombo wa ntsumi.

Luka 9:29

Kakuloko a ha khongela, xivumbeko xa mombo wa yena xi hundzuka, tinguvu ta yena ti basa, ti vangama.

Luka 1:19

Ntsumi yi n'wi hlamula, yi ku: “Hi mina Gabriele la yimaka emahlweni ka Xikwembu; ndzi rhumiwile ku ta vulavula na wena ni ku ku byela timhaka toleto letinene.

Daniele 10:11

kutani a ku eka mina: “Daniele, wanuna la rhandziwaka, yingisa marito lawa ndzi ku byelaka wona, kutani u yima laha u nga kona, hikuva sweswi ndzi rhumiwile eka wena.” Kuteloko a ndzi byele sweswo, ndzo yima ndzo ri karhi ndzi rhurhumela.

Daniele 10:5

Kutani ndzi tlakusa mahlo, ndzi languta, kutani maswivo, a ku ri ni wanuna kona, la ambaleke nguvu ya ntsembyana, a tibohe xisuti hi ringhole ra nsuku lowunene wa Ufazi.

Daniele 8:17

Kutani a tshinelela laha ndzi yimeke kona, kakuloko a ta, ndzi rhurhumela, ndzi wa hi mombo ehansi, kutani a ku eka mina: “Xiyaxiya, n'wana wa munhu, ku vona loku ku ta hetiseka eminkarhini ya makumu.”

2 TIHOSI 4:9

Kutani wansati a ku eka nuna wa yena: “Waswivo, ndza tiva leswaku munhu la hambukelaka eka hina hi masiku hinkwawo, i munhu wa Xikwembu.

1 Timotiya 6:11

Kambe, loko u ri wena munhu wa Xikwembu, papalata swilo leswo, u tsutsumela ku lulama, ni vukhongeri, ni ku pfumela, ni rirhandzu, ni ku yingisela, ni musa.

2 TIHOSI 4:16

Elixa a ku eka yena: “Haxawu, hi nkarhi lowo, u ta ntswontswa n'wana.” Yena a ku: “E-e, hosi yanga, u nga hembeli nandza wa wena!”

1 TIHOSI 17:24

Kutani Eliya a ku: “Vona, n'wana wa wena wa hanya.” Wansati a ku eka Eliya: “Sweswi, ndzi tiva leswaku u munhu wa Xikwembu, ni leswaku rito ra Yehovha leri nga enon'wini wa wena ri tiyile.”

1 TIHOSI 17:18

Kavaloko wansati a ku eka Eliya: “Ndzi ni mhaka yihi na wena, wena, munhu wa Xikwembu-ke? Xana u tile eka mina ku ndzi tsundzuxa ku dyoha ka mina, ni ku dlaya n'wana wa mina-ke?”

1 SAMIELE 2:27

Kutani munhu wa Xikwembu a ta eka Heli, a ku eka yena: Yehovha a vula sweswo, a ku: “Xana a ndzi tikombisanga eka yindlu ya tata wa wena loko va ri eEgipta, endlwini ya Faro xana?

Vaavanyisi 13:22

Manowaka a ku eka nsati wa yena: “Kunene hi ta fa, hikuva hi vonile Xikwembu.”

Vaavanyisi 13:8

Manowaka a khongela Yehovha, a ku: “Oho! N'wini wanga, munhu wa Xikwembu la rhumiweke hi wena a engeta a ta eka hina, a ta hi dyondzisa hilaha hi fanelaka ku endla hakona eka n'wana la nga ta tswariwa.”

Yoxuwa 14:6

Vana va Yuda va tshinelela Yoxuwa eGiligala, kutani Kalebe n'wana Yefune, Mukenizi, a ku eka yena: “Wa tiva rito leri Yehovha a ri byeleke Muxe, munhu wa Xikwembu, ehenhla ka mina, ni le henhla ka wena loko a ri eKadexe-Bariniya.

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Eksoda 3:2

Ntsumi ya Yehovha yi humelela eka yena emalangavini ya ndzilo, exikarhi ka xihlahla; kuteloko Muxe a langutile, a vona xihlahla xi pfurha hi ndzilo, kambe xihlahla xi nga heli.

Genesa 32:29

Yakobo a n'wi vutisa, a ku: “Ndzi byele vito ra wena”; kambe loyi a ku: “U ndzi vutisela yini vito ra mina?” Kutani a n'wi katekisa kona.

Genesa 18:2

A tlakusa mahlo, a languta, kutani a vona vavanuna vanharhu va yimile ekusuhi na yena; kuteloko a va vonile, a suka enyangweni ya ntsonga, a tsutsuma ku ya hlangana na vona, kutani a khinsama ehansi,

Vaavanyisi 6:11

Kutani ntsumi ya Yehovha yi ta, yi tshamisa ehansi ka nsinya wa munga lowu nga eOfira, wa Yowasi, Muabiezere. Gidiyoni, n'wana wa yena, a a ri karhi a hula mavele exikhuvutelweni, leswaku a ta ya fihlela Vamidiyani.

Vaavanyisi 13:3

Kutani ntsumi ya Yehovha yi humelela eka wansati, yi ku eka yena: “Languta, u mhika, a ku veleki, kambe u ta tika, u va u veleka n'wana wa wandzisanyana.

Vaavanyisi 13:7

U te eka mina: ‘Languta, u ta tika, u ta veleka n'wana wa wandzisanyana; sweswi, u nga tshuki u nwa vhinyo, hambi leswi pyopyisaka u nga tshuki u dya xilo lexi nga tengangiki, hikuva n'wana u ta va Munaziri wa Xikwembu, a ha ri ekhwirini ra mana wa yena, a ko a fa.’ ”

Vaavanyisi 13:10

Kutani wansati a hatlisa a tsutsuma, a ya tivisa nuna wa yena, a ku eka yena: “Languta, wanuna la nga ta eka mina tolweni u tlhele a humelela eka mina.”