Vaavanyisi 13:12 - Xitsonga (Bibele)

¹² Manowaka a ku: “Kutaku lexi u xi vuleke loko xi endlakala, nawu lowu nga ta fuma n'wana ni ntirho wa yena wu ta va wihi xana?”

BIBELE Mahungu Lamanene

¹² Manowaka a n'wi vutisa a ku: “Loko swilo leswi u swi vulaka swi humelela, mufana loyi ú fanele ku hanyisa ku yini, naswona ú fanele ku tirha yini xana?”

Vaavanyisi 13:12 Referans Kwoze

Vaefesa 6:4

Na n'wina vatatana, mi nga tshuki mi dyisa vana va n'wina mbitsi, kambe va kuriseni eku layeni ni le ku dyondziseni ka Hosi.

Swivuriso 22:6

Dyondzisa jaha endleleni leyi a fanelaka ku famba ha yona; Ni loko a dyuhele a nga ka a nga hambuki.

Swivuriso 4:4

Tatana a ndzi dyondzisa, a ku eka mina: “Mbilu ya wena a yi hlayise marito ya mina; U yingisa ku lerisa ka mina, u ta hanya.

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Vaavanyisi 13:11

Manowaka, a landzela nsati wa yena hi le ndzhaku, a fika eka munhu wa Xikwembu, a ku eka yena: “Xana hi wena wanuna la nga vulavula ni nsati loyi xana?” A hlamula, a ku: “Hi mina.”

Vaavanyisi 13:13

Ntsumi ya Yehovha yi ku eka Manowaka: “Wansati a a titsone hinkwaswo leswi ndzi swi vuleke.

Pisalema 143:8

Ndzi nantswise rito ra tintswalo ta wena wa ha ri mixo! Hikuva ndzi tshembile wena. Ndzi kombise ndlela leyi ndzi fanelaka ku famba ha yona! Hikuva ndzi tlhandlukisela moya wa mina eka wena.