Vaavanyisi 11:10 - Xitsonga (Bibele)

¹⁰ Vakulukumba va Giliyadi va ku eka Yefta: “Yehovha a hi yingise emaritweni ya hina loko hi nga endli hilaha u vuleke hakona.”

BIBELE Mahungu Lamanene

¹⁰ Kutani vakulukumba va Giliyadi va ku ka Yefta: “Ha hlambanya emahlweni ka HOSI Xikwembu leswaku hi ta endla hilaha u vulaka hakona.”

Vaavanyisi 11:10 Referans Kwoze

Yeremiya 42:5

Va hlamula, va ku eka Yeremiya: Yehovha a ve yena mbhoni ya ntiyiso, loyi a dzunekaka, loko hina hi nga endli hinkwaswo hi rito leri a nga ta ri rhumela eka hina.

Genesa 31:50

Kutakuloko u xanisa vana va mina, kumbe loko u teka vasati van'wana ehandle ka vana va mina, a hi munhu la nga ta va na hina, kambe waswivo, hi xona Xikwembu lexi nga ta va mbhoni exikarhi ka mina na wena.”

Yeremiya 29:23

Hikuva va endlile manyala exikarhi ka Israele va oswanile ni vasati va vamakwavo, va vurile marito yo hemba hi vito ra mina, leswi ndzi nga va lerisangiki swona. Kambe ndzi tiva leswo, ndzi mbhoni ya swona, ku vula Yehovha.’ ”

Genesa 16:5

Kutani Sarayi a byela Abrama, a ku: “Ku sandziwa ka mina ku va ehenhla ka wena. Ndzi veke khumbi ranga exifuveni xa wena; kutani, kuteloko a vone leswaku u tikile, a sungula ku ndzi sola. A ku avanyise Xikwembu exikarhi ka mina na wena!”

2 Vakorinto 11:31

Xikwembu lexi nga Tata wa Hosi ya hina, Yesu Kriste, xi nga xona lexi khensiwaka hilaha ku nga heriki, xa swi tiva leswaku a ndzi hembi.

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Zakariya 5:4

Ndzi wu humesile, ku vula Yehovha wa tinyimpi, wu ta nghena endlwini ya khamba ni le ndlwini ya la hlambanyaka hi vito ra mina hi mavunwa; wu ta tshama exikarhi ka yindlu ya yena, wu ta yi herisa, ni timhandze ta yona, ni maribye ya yona.”

1 SAMIELE 24:12

Languta tatana, vona nguvu ya wena evokweni ra mina. Leswi ndzi xekeke nguvu ya wena ndzi nga ku dlayanga, tiva ni ku vona leswaku a ku na ku biha ni ku dlaya evokweni ra mina, ni leswaku a ndzi ku dyohelanga; kambe wena wa ndzi hlongorisa ku ndzi tekela vutomi.

1 SAMIELE 12:5

A ku eka vona: “Yehovha i mbhoni ya ku mi landzula, na yena muhlawuriwa wa yena i mbhoni namuntlha leswaku a mi kumangi nchumu emavokweni ya mina.” Kutani tiko ri ku: “Hi tona timbhoni.”

Duteronoma 1:16

“Enkarhini wolowo ndzi lerisile vaavanyisi va n'wina, ndzi te: ‘Yingisani timhaka ta vamakwenu, mi avanyisa hi ku lulama mitengo ya vona, hambi yi ri ya wamatiko loyi a nga ka n'wina.

Eksoda 20:7

“U nga tshuki u tlanga hi vito ra Yehovha Xikwembu xa wena, hikuva Yehovha a nga ka a nga tshiki nandzu wa la tlangaka hi vito ra yena.

Genesa 31:53

Xikwembu xa Abrahama, ni Xikwembu xa Nahoro, Xikwembu xa tata wa vona, a xi avanyise exikarhi ka hina.” Kutani Yakobo a hlambanya ha Loyi a nga chaviwa hi Isaka.

Genesa 21:23

Sweswi, ndzi hlambanyele kwala, hi Xikwembu, leswaku u nga ka u nga ndzi xisi, hambi va ri vana va mina ni vatukulu va mina. Kukotisa loko ndzi ku endlele hi tintswalo, na wena, endlisa sweswo na mina, ni tiko leri u endzelaka eka rona.”

Varhoma 1:9

Hikuva Xikwembu lexi ndzi xi tirhelaka emoyeni wa mina eEvhangelini ya N'wana wa xona, hi yona mbhoni ya mina loko ndzi ku: A ndzi tshiki ku mi anakanya,

Vaavanyisi 11:9

Yefta a ku eka vakulukumba va Giliyadi: “Leswi mi ndzi lavaka ku ya lwa ni vana va Amoni, loko Yehovha a va nyiketa emavokweni ya mina, ndzi ta va hosi ya n'wina.”

Mikiya 1:2

N'wina vamatiko hinkwawo, yingisani! Rhiya ndleve, wee misava, ni hinkwaswo leswi nga eka wena! Hosi Yehovha a ve yena mbhoni ya n'wina yi ri Hosi leyi nga endlwini ya yona leyo kwetsima!