Vaavanyisi 10:6 - Xitsonga (Bibele)

⁶ Kutani vana va Israele va engeta va endla leswo biha emahlweni ka Yehovha, va tirhela Baali na Astarte, ni swikwembu swa Siriya, ni swikwembu swa Sidoni, ni swikwembu swa Mowabu, ni swikwembu swa vana va Amoni, ni swikwembu swa Vafilista; va fularhela Yehovha, va tshika ku n'wi tirhela.

BIBELE Mahungu Lamanene

⁶ Vaisraele va tlhela va endla leswo biha emahlweni ka HOSI Xikwembu: Va tirhela swifaniso swa Baali ni swa Astarte, swi nga swikwembu swa Vasiriya, ni Vasidoni, ni Vamowabu, ni Vaamoni, ni Vafilista. Vaisraele va tshika HOSI Xikwembu, va nga ha xi tirheli.

Vaavanyisi 10:6 Referans Kwoze

2 TIHOSI 23:13

A nyamisa ni switsunga leswi langutaneke na Yerusalema evokweni ra ximatsi ra ntshava ya ku Lova, leswi Solomoni, hosi ya Israele, a swi akeleke Astarte, ma nga manyala ya Vasidoni, na Kemoxi, manyala ya Vamowabu, na Milikomo, manyala ya vana va Amoni.

1 TIHOSI 11:33

Ndzi ta endla sweswo hikuva va ndzi fularhele va khinsamile emahlweni ka Astarte, xikwembu xa Vasidoni ni le mahlweni ka Kemoxi, xikwembu xa Mowabu, ni le mahlweni ka Milikomo, xikwembu xa vana Vaamoni; a va fambangi etindleleni ta mina ku endla leswi lulameke emahlweni ka mina, ni ku hlayisa milawu ya mina ni ku lerisa ka mina hilaha Davhida tata wa Solomoni, a endleke hakona.

1 TIHOSI 11:7

Kavaloko Solomoni a akela Kemoxi manyala ya Mowabu, na Moloko, manyala ya vana va Amoni, xivandla lexi tlakukeke entshaveni leyi langutanaka na Yerusalema.

1 TIHOSI 11:5

Solomoni a landza Astarte, swikwembu swa Vasidoni, ni Milikomo, manyala ya Vaamoni.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Pisalema 106:36

Va tirhela swikwembu swahava swa vona, Leswi va khunguvanyiseke.

2 TIHOSI 17:16

Va tshika milawu hinkwayo ya Yehovha, Xikwembu xa vona, kutani va tiendlela marhole lama chuluriweke va tiendlela ni swifaniso swa Axera va khinsama emahlweni ka vandla hinkwaro ra matilo, va tirhela Baali.

Vaavanyisi 16:23

Kutani tihosi ta Vafilista ti hlengeletana ku ta tlhavela Dagona, xikwembu xa vona, magandzelo lamakulu, ni ku endla nkhuvo, va ku: “Xikwembu xa hina xi hi nyiketile Samsoni, nala wa hina, emavokweni ya hina.”

2 TIKRONIKA 28:23

Yena hosi Akazi a humesela swikwembu swa Damaska leswi n'wi hluleke, magandzelo, a ku: “Leswi swikwembu swa tihosi ta Siriya swi ti pfunaka, ndzi ta swi tlhavela magandzelo, swi ta ndzi pfuna.” Kambe swi pfuna ku n'wi lovisa swin'we ni Vaisraele hinkwavo.

1 TIHOSI 16:31

A nga kolwanga ku endla swidyoho leswi endliweke hi Yerobuwamu, n'wana Nebati, kambe a engeta a teka Yezabele, n'wana Eti-Baali, hosi ya Vasidoni, kutani a ya tirhela Baali, a khinsama emahlweni ka yena.

1 SAMIELE 5:2

Kuteloko Vafilista va tekile areka ya Xikwembu, va yi nghenisa endlwini ya Dagona, va yi veka ekusuhi na Dagona.

Vaavanyisi 13:1

Kutani vana va Israele va engeta va endla leswo biha emahlweni ka Yehovha; Yehovha a va nyiketa emavokweni ya Vafilista hi malembe ya 40.

Vaavanyisi 6:1

Vana va Israele va engeta va endla leswo biha emahlweni ka Yehovha kutani Yehovha a va nyiketa emavokweni ya Vamidiyani hi malembe ya ntlhanu na mambirhi.

Vaavanyisi 4:1

Kuteloko Ehudi a file, vana va Israele va engeta va endla swo biha emahlweni ka Yehovha.

Vaavanyisi 3:7

Kutani vana va Israele va endla leswo biha emahlweni ka Yehovha, va rivala Yehovha, Xikwembu xa vona, va tirhela Baali na Axera.

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

Duteronoma 31:16

Yehovha a ku eka Muxe: “Waswivo, u ta ya etlela ni vatata wa wena; kambe tiko leri ri ta pfuka ri ya oswana ni swikwembu swin'wana swa misava leyi ri nga ta nghena eka yona; ri ta ndzi tshika, kutani ri ta tlula ntwanano wa mina lowu ndzi wu endleke na rona.

Duteronoma 31:17

Kambe vukari bya mina byi ta va pfurhela hi siku lero, kutani ndzi ta va tshika, ndzi va fihlela mombo wa mina, va ta dyiwa, kutani makhombo layo tala ni nhlomulo swi ta va wela ehenhla kutani va ta ku hi siku leri: ‘A hi leswi Xikwembu xa mina xi nga riki xikarhi ka hina leswi makhombo lawa ma ndzi weleke ehenhla xana?’

Yoxuwa 13:31

Ni hafu ya Giliyadi, na Axitaroto, na Edreyi, yi nga miti ya tiko ra Ogo eBaxani, yi nyikiwile vana va Makiri, n'wana Manase, ku ri ka hafu ya vana va Makiri, hi tindlu ta vona.

Vaavanyisi 10:5

Kutani Yayiro a fa, a lahliwa eKamona.

Vaavanyisi 11:24

Xana u nga ka u nga fumi leswi Kemoxi, xikwembu xa wena, xi ku fumisaka swona xana? Na hina hi kuma tiko ra hinkwavo lava Yehovha, Xikwembu xa hina, xi va hlongoriseke emahlweni ka hina.

Esaya 23:4

U va ni tingana, Sidoni, hikuva lwandle ni khokholo ra lwandle ri vurile, ri te: “A ndzi lumiwanga, a ndzi velekanga; a ndzi kurisanga timbhuri, a ndzi wundlanga vanhwana.”

Ezekiele 27:16

Vasiriya a va bindzula na wena ku xava mitirho ya wena leyinyingi, va tisa maribye layo saseka eswitolweni swa wena, ni xivunguvungu, ni tinguvu ta vubombi, ni ntsembyana, ni korale, ni rubi.

Duteronoma 13:6

“Kungakuloko makwenu, a nga n'wana wa mana wa wena, kumbe n'wana wa wena wa wanuna, hambi wanhwana wa wena, hambi nsati wa mbilu ya wena, hambi nakuloni loyi u n'wi rhandzaka kukotisa mbilu ya wena, a ku kokela exihundleni, a ku: ‘A hi yeni hi ya tirhela swikwembu swin'wana,’ leswi wena ni vatata wa wena mi nga swi tivangiki,

Duteronoma 13:8

u nga tshuki u n'wi pfumelela, u nga tshuki u n'wi yingisa, tihlo ra wena ri nga tshuki ri n'wi tsetselela; u nga ka u nga n'wi tweli vusiwana, u nga ka u nga n'wi funengeti.

Vaavanyisi 8:33

Kuteloko Gidiyoni a file, vana Vaisraele va engeta va tinyiketa vuoswi ni va Baali, va tivekela Baala-Beriti xi va xikwembu xa vona.

Yeremiya 2:20

“Hikuva khale u tshovile joko ra wena, u tshunxile mapindza ya wena, kambe u ku: ‘A ndzi nga ha tirhi!’ hilaha u tinyikeke vuoswi eswitsungeni hinkwaswo leswi tlakukeke ni le hansi ka mirhi hinkwayo leyi nga ni matluka.

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!