Vaavanyisi 10:11 - Xitsonga (Bibele)

¹¹ Yehovha a ku eka vana va Israele: “Xana a ndzi mi lamulelangi emavokweni ya va Egipta, ni le ya Vaamori, ni le ya vana Vaamoni, ni le ya Vafilista xana?

BIBELE Mahungu Lamanene

¹¹ HOSI Xikwembu xi ku ka Vaisraele: “Xana a ndzi mi ponisanga emavokweni ya Vaegipta, ni Vaamori, ni Vaamoni, ni Vafilista xana?

Vaavanyisi 10:11 Referans Kwoze

Vaavanyisi 3:31

Endzhaku ka Ehudi a ku ri na Xamgari, n'wana Anati, la nga dlaya Vafilista va 600 hi mbhingo wa tihavi; na yena a lamulela Israele.

Eksoda 14:30

Hi siku rero Yehovha a lamulela Israele emavokweni ya Vaegipta kutani Israele a vona mitsumbu ya Vaegipta eribuwini ra lwandle.

Vaheveru 11:29

Hi ku pfumela, va perile Lwandle ro Tshwuka kukotisa loko ku ri esaveni, kutani Vaegipta va ringeta ku endlisa sweswo, va nwela ematini.

1 SAMIELE 12:8

“Kuteloko Yakobo a nghenile eEgipta, ni loko vatata wa n'wina va huwelele eka Yehovha, Yehovha a rhuma Muxe na Aroni, kutani va humesa vatata wa n'wina eEgipta, va va akisa exivandleni lexi.

Tinhlayo 21:35

Kutani va lwa na yena, va n'wi hlula ni vana va yena, ni tiko ra yena hinkwaro, ku nga ponanga na un'we; kutani va teka tiko ra yena.

Vaavanyisi 2:12

Va fularhela Yehovha, Xikwembu xa vatata wa vona, la nga va humesa etikweni ra Egipta; va landzela swikwembu swin'wana, swi nga swikwembu swa matiko lawa ma va rhendzeleke, va swi khinsamela va karihisa Yehovha.

Vaavanyisi 3:28

Kutani a ku eka vona: “Ndzi landzeni, hikuva Yehovha u nyiketile Vamowabu, valala va n'wina, emavokweni ya n'wina.” Kutani va ngirimela va n'wi landza, va ya yimelela emahlalukweni ya Yordani, ku lavana na Mowabu, va nga pfumeleri munhu ku pela.