Vaavanyisi 1:7 - Xitsonga (Bibele)

⁷ Adoni-Bezeki a ku: “Ku ni tihosi ta 70 leti tsemiweke makhudzu ya mavoko ni ya milenge, leti a ti tshama ti rholela mahlanhla ehansi ka tafula ra mina. Xikwembu xi ndzi tlherisele leswi ndzi swi endleke.” Kutani va n'wi yisa eYerusalema, a ya fela kona.

BIBELE Mahungu Lamanene

⁷ Kutani Adoni-Bezeki a ku: “Tihosi ta 70 leti ndzi ti tsemeke makhudzu ya milenge ni ya mavoko, a ti hamba ti rholela mahlanhla laha ndzi dyaka kona; kutani, leswi ndzi swi endleke eka tona, Xikwembu xi swi tlheriserile eka mina.” Kutani va famba na yena eYerusalema, a ya fela kona.

Vaavanyisi 1:7 Referans Kwoze

1 SAMIELE 15:33

Kambe Samiele a ku eka yena: “Hilaha u nga dlayela vavasati vana va vona, hikwalaho mana wa wena u ta pfumala n'wana.” Kavaloko Samiele a dlaya Agaga emahlweni ka Yehovha eGiligala.

Nhlavutelo 13:10

Loyi a yisaka van'wana evukhumbini, u ta ya evukhumbini; loyi a dlayaka hi tlhari, na yena u ta fanela ku dlawa hi tlhari, Hilaha ku nga vonakalaka ku tiyisela ni ku pfumela ka vakwetsimi.

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.

Varhoma 2:15

Va kombisa leswaku ntirho wa nawu wu tsariwile etimbilwini ta vona, ripfalo ra vona i mbhoni ya vona: ni miehleketo ya vona ya va tshinya, kumbe yi va yimela;

Nhlavutelo 16:6

Hikuva leswi va nga halata ngati ya vakwetsimi ni ya vaprofeta, u va nyikile ngati ku nwa; va lulamele hi yona.”

Esaya 33:1

U ni khombo wena muonhi la nga siki onhiwaka! Wena muyivi, ku nga siki yiviwaka swa wena! Kutakuloko u hetile ku onha, u ta onhiwa, loko u hetile ku yiva, ku ta yiviwa swa wena.

Eksoda 29:20

kutani u ri tlhava, u teka ngati yin'wana, u yi tota emakumu ka ndleve ya xinene ya Aroni, ni makumu ka ndleve ya xinene ya vana va yena, ni le nkudzwini ra nenge ra swinene ra vona, ni le nkudzwini ra nenge wa xinene wa vona; ngati yin'wana u yi chela ematlhelweni hinkwawo ya alitari.

Vaavanyisi 1:6

Kambe Adoni-Bezeki a baleka, kutani va n'wi hlongorisa, va ya n'wi khoma, va n'wi tsema makhudzu ya mavoko ni ya milenge.

Vaavanyisi 9:24

swi ri leswaku nandzu wa ku dlaya, vana va Yerubaali va 70, ni ngati ya vona yi tlheriseriwa eka Abimeleke, makwavo wa vona la nga va dlaya ni ka vini va Xikeme lava nga n'wi pfuna ku dlaya vamakwavo.

Vaavanyisi 9:57

Xikwembu xi tlherisela ni le tinhlokweni ta vavanuna va Xikeme ku biha hinkwako loku va ku endleke. Ku rhuketela ka Yotamu, n'wana Yerubaali, ku va wele ehenhla hi sweswo.

1 TIHOSI 21:19

U ta ku eka yena: ‘Yehovha u vurisa sweswo, a ku: “A hi wena mudlayi ni muyivi xana?” ’ Kutani u ta ku eka yena: ‘Yehovha u ri: “Laha timbyana ti nantsweke ngati ya Naboto, hi kona timbyana ti nga ta nantswa ngati ya wena kunene!” ’ ”

Sofoniya 3:19

Vona, enkarhini wolowo, ndzi ta va ni mhaka ni vaxanisi va wena hinkwavo, ndzi hanyisa [nyimpfu] leyi khwitaka, ndzi hlengeleta leyi hlongoriweke, kutani ndzi ta va endla lava twarisiwaka ni lava twaleke ematikweni hinkwawo, laha va nga khomiwa hi tingana.