Vaavanyisi 1:4 - Xitsonga (Bibele)

⁴ Simiyoni a famba na yena; kutani Yuda a tlhandluka, Yehovha a nyiketa Vakanana ni Vaperesi emavokweni ya vona, kutani va dlaya vavanuna va 10 000 eBezeki.

BIBELE Mahungu Lamanene

^4-5 Va ka Yuda va ya eku lweni, kutani HOSI Xikwembu xi nyiketa Vakanana ni Vaperesi emavokweni ya vona, va va hlula eBezeki, va dlaya vanhu vo ringana 10 000 loko va ri eBezeki, va kuma na Adoni-Bezeki, va lwa na yena.

Vaavanyisi 1:4 Referans Kwoze

1 SAMIELE 11:8

Sawulo a va hlaya eBezeki: kutani vana va Israele a va ri 300 000, ni vanhu va Yuda a va ri 30 000.

1 TIHOSI 22:15

Kuteloko a fikile ehosini, hosi yi ku eka yena: “Wee Mikaya, xana hi nga ya hlasela Ramoto wa Giliyadi kumbe hi nga yi-ke?” A hlamula a ku eka yena: “Tlhandluka, u hlula, kutani Yehovha u ta wu nyiketa emavokweni ya hosi.”

1 TIHOSI 22:6

Kavaloko hosi ya Israele yi hlengeleta vaprofeta, va lava ku va mune wa madzana, kutani a ku eka vona: “Xana ndzi nga ya hlasela Ramoto wa Giliyadi, kumbe ndzi nga yi xana?” Kutani va ku: “Tlhandluka, Yehovha u ta wu nyiketa emavokweni ya hosi.”

1 SAMIELE 14:10

Kambe loko va ku: ‘Tanani ka hina!’ Hi ta tlhandluka, hikuva Yehovha u va nyiketile emavokweni ya hina; hi xona xikombiso xa hina.”

1 SAMIELE 14:6

Yonatani a ku eka jaha leri ngi ri tamele matlhari ya yena a ku: “Tana, a hi ye, hi ya fika ekhokholweni ra lava nga yimbangiki, kumbe Yehovha u ta hi lwela, hikuva a ku na xilo lexi sivelaka Yehovha ku ponisa, hambi vanhu va tele, hambi va nga ri vangani.”

Duteronoma 9:3

Tiva namuntlha leswaku Yehovha, Xikwembu xa wena, u ta hundza a ri yena emahlweni ka wena, a kotisa ndzilo lowu pfurhaka, hi yena la nga ta va heta; a va tsongahata emahlweni ka wena; kutani u ta teka swa vona, u va heta kan'we hilaha Yehovha a ku byeleke hakona.

Duteronoma 7:2

ni loko Yehovha, Xikwembu xa wena, a va nyiketile emahlweni ka wena, kutani u va hlurile, u ta va heta, u va yirisa; u nga tshuki u endla xinakulobye na vona, ni ku va tsetselela.

Vaavanyisi 1:3

Kutani Yuda a byela makwavo Simiyoni, a ku: “A hi tlhandluke swin'we etikweni leri ndzi ri averiweke, hi ya pfuka Vakanana, hi lwa na vona. Kutani ndzi ta ya na wena eka leri averiweke wena.”

Vaavanyisi 1:5

Kutani va kuma Adoni-Bezeki emutini wa Bezeki, va lwa na yena, va hangalasa Vakanana ni Vaperesi.

Pisalema 44:2

Hi voko ra wena u hlongorise vamatiko ku va akisa, U herise vamatiko ku va anamisa.

Pisalema 78:55

Xi hlongorisa matiko emahlweni ka vona, Xi va avanyisela ku averiwa ka ndzhaka ya vona hi pindza, Kutani xi akisa tinxaka ta Israele emitsongeni ya vona.

Vaavanyisi 3:5

Loko swi ri tano, vana va Israele va sala va akile exikarhi ka Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Vaavanyisi 11:32

Kutani Yefta a hundzela emahlweni eka vana va Amoni ku ya lwa na vona, kutani Yehovha a va nyiketa emavokweni ya yena.