Vaavanyisi 1:3 - Xitsonga (Bibele)

³ Kutani Yuda a byela makwavo Simiyoni, a ku: “A hi tlhandluke swin'we etikweni leri ndzi ri averiweke, hi ya pfuka Vakanana, hi lwa na vona. Kutani ndzi ta ya na wena eka leri averiweke wena.”

BIBELE Mahungu Lamanene

³ Kutani va ka Yuda va byela vamakwavo va ka Simiyoni va ku: “A hi fambeni swin'we endhawini leyi hina hi averiweke yona hi ya lwa ni Vakanana, kutani na hina hi ta famba na n'wina endhawini leyi mi averiweke yona.” Kutani va ka Simiyoni va famba na vona.

Vaavanyisi 1:3 Referans Kwoze

2 SAMIELE 10:11

Kutani a ku eka yena: “Loko Vasiriya va ndzi hlula, u ta ndzi ponisa, kambe loko vana va Amoni va ku hlula, ndzi ta ku ponisa.

Vaavanyisi 1:17

Kambe Yuda a famba swin'we na Simiyoni, makwavo, va ya hlula Vakanana lava akeke eSefata, va va endla lavo yila (anathema). Hikwalaho muti wolowo wu thyiwile vito ra Horma (anathema).

Yoxuwa 19:1

Ku averiwa ka vumbirhi ku humeseriwa Simiyoni, nyimba ya vana va Simiyoni, hi tindlu ta vona: ndzhaka ya vona yi ve exikarhi ka ndzhaka ya vana va Yuda.

Genesa 29:33

A engeta a xurha nyimba, a veleka n'wana wa wanuna, a ku: “Yehovha u swi yingisile leswaku ndza vengiwa, u engete a ndzi nyika na yena loyi.” A n'wi thya vito ra Simiyoni (ku yingisa).

Vaavanyisi 1:2

Yehovha a hlamula a ku: “Ku ta huma Yuda; vonani, ndzi nyiketile tiko emavokweni ya yena.”

Vaavanyisi 1:4

Simiyoni a famba na yena; kutani Yuda a tlhandluka, Yehovha a nyiketa Vakanana ni Vaperesi emavokweni ya vona, kutani va dlaya vavanuna va 10 000 eBezeki.

Nhlavutelo 7:7

va rixaka ra Simiyoni, 12 000; va rixaka ra Levhi, 12 000; va rixaka ra Isakara, 12 000: