Vaavanyisi 1:23 - Xitsonga (Bibele)

²³ Va yindlu ya Yosefa va rhumela ku ya kambela Betele (vito ro sungula ra muti wolowo a wu ri Luzi).

BIBELE Mahungu Lamanene

²³ Va rhuma tinhlori ti ya valanga muti wa Betele (khale muti lowu a wu tiviwa hi vito ra Luzi).

Vaavanyisi 1:23 Referans Kwoze

Genesa 28:19

Kutani a thya xivandla lexi vito ra Betele (yindlu ya Xikwembu); kasi eku sunguleni, vito ra muti a ri ri Luzi.

Genesa 48:3

Yakobo a ku eka Yosefa: “Xikwembu xa matimba hinkwawo xi tshama xi tikomba eka mina eLuzi, etikweni ra Kanana, xi ndzi katekisa,

Genesa 35:6

Yakobo, ni vanhu hinkwavo lava ngi a ri na vona, va fika eLuzi, a nga Betele, etikweni ra Kanana.

Vaavanyisi 18:2

Kutani vana va Dani va hlawula exikarhi ka vona hinkwavo vavanuna va ntlhanu va tinhenha, va huma eSora na Exitawulu, va va rhuma ku ya kambela tiko, ni ku ri lavisisa. Va ku eka vona: “Yanani mi ya kambela tiko.” Va ya, va ko va ta fika eka Mika, entshaveni ya Efrayimi, va etlela kona.

Yoxuwa 7:2

Yoxuwa, loko a a ri Yeriko, a rhuma vanhu eka Ayi, ekusuhi na Beta-Avene, evuxeni bya Betele, a ku eka vona: “Khandziyani mi ya kamba tiko. Kutani vanhu lava va khandziya, va ya kamba Ayi.

Yoxuwa 2:1

Yoxuwa, n'wana Nuni, a rhuma vakamberi vambirhi exihundleni, a ri eXitimi, a ku eka vona: “Fambani, mi ya kamba tiko ra Kanana na Yeriko.” Va suka, kutani va ya fika endlwini ya nghwavava, vito ra yena a a ri Rahava, va etlela kona.

Yoxuwa 18:13

Wu suka kona, kutani wu hundza eLuzi, edzongeni, eBetele; kutani wu rhelela eAtaroti-Adara, entshaveni leyi nga edzongeni ka Bet-Horoni wa le hansi.

Vaavanyisi 1:22

Va yindlu ya Yosefa va tlhandlukele eBetele, kutani Yehovha a va na vona.

Yoxuwa 16:1

Ku averiwa ka vana va Yosefa loku humeke hi vuhlolotwana, ku ve ku suka eYordani ni le Yeriko, ematini ya Yeriko, evuxeni, emananga lama sukaka eYeriko ku fika entshaveni ya Betele;

Yoxuwa 16:2

ku suka eBetele, ndzilakana wu ya eLuzi, wu hundza ekusuhi ni ndzilakana wa Vaariki, eAtaroti;