Vaavanyisi 1:19 - Xitsonga (Bibele)

¹⁹ Yehovha a va na Yuda, kutani a hlongorisa lava akeke etintshaveni, kambe a tsandzeka ku hlongorisa lava akeke erivaleni, hikuva a va ri ni tigolonyi ta nsimbhi.

BIBELE Mahungu Lamanene

¹⁹ Kutani HOSI Xikwembu xi pfuna va ka Yuda, va kota ku teka ndhawu ya le magangeni yi va ya vona. Kambe va ka Yuda a va kotanga ku hlongola Vakanana lava a va akile etimbaleni, hikuva Vakanana lava a va ri ni makalichi ya nsimbhi.

Vaavanyisi 1:19 Referans Kwoze

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 60:12

Hi Xikwembu hi ta hlula. Hi xona lexi nga ta phyandlasa valala va hina.

Vaavanyisi 1:2

Yehovha a hlamula a ku: “Ku ta huma Yuda; vonani, ndzi nyiketile tiko emavokweni ya yena.”

Vafilipiya 4:13

Ndzi nga endla hinkwaswo ha Kriste la ndzi haka matimba.

Varhoma 8:31

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Esaya 8:10

Kanelani makungu, ma ta hundzuka swahava! Lerisani milawu, kambe yi nga ka yi nga humeleri, hikuva Xikwembu xi na hina!

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Eklesiasta 9:11

Ndzi tlherile kambe ndzi vona ehansi ka dyambu leswaku eku siyisaneni, switsutsumi a swi siyi van'wana hi masiku kumbe tinhenha a ti hluri hi masiku ni swakudya a hi swa lavo tlhariha hi masiku, ni rifuwo a hi ra lava nga ni ku twisisa hi masiku, ni ku fundziwa a hi ka tintlhari hi masiku, hikuva nkarhi ni khombo, i swa hinkwavo.

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Pisalema 46:9

U herise tinyimpi ku yisa emakun'wini ya misava, U tshovile mavurha, u fayetele matlhari, U hise tigolonyi endzilweni.

Pisalema 46:7

Yehovha wa mavandla u na hina, Xikwembu xa Yakobo i xichavelo xa hina lexi tlakukeke!

2 TIHOSI 18:7

Yehovha a a ri na yena; a endla swinene etimhakeni hinkwato leti a ti endlaka. A ala ku tirhela hosi ya Asiriya, kutani a nga ha luvanga eka yena.

2 SAMIELE 5:10

Davhida a a ri karhi a ya emahlweni a kula, kutani Yehovha, Xikwembu xa mavandla a a ri na yena.

Yoxuwa 14:12

Sweswi, ndzi nyike ntshava leyi Yehovha a nga yi vula siku rolero; hikuva u swi yingisile u ri wena siku rolero, leswaku Vaanaka va kona, ni miti leyikulu leyi biyeriweke. Kumbe Yehovha u ta va na mina, kutani ndzi ta va hlongola, hilaha Yehovha a nga vula hakona.”

Yoxuwa 7:12

Hikwalaho, vana va Israele va nga ka va nga tiyi emahlweni ka valala va vona, va ta fularhela valala va vona hikuva va yila. Ndzi nga ka ndzi nga ha vi na n'wina loko mi nga herisi leswo yila exikarhi ka n'wina.

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Yoxuwa 1:5

A ku na munhu la nga ta tiya ku yima emahlweni ka wena hi masiku hinkwawo ya vutomi bya wena; hilaha ndzi byeleke Muxe hakona, ndzi ta va na wena, ndzi nga ka ndzi nga ku tshiki, ndzi nga ka ndzi nga ku siyi.

Genesa 39:21

Kambe Yehovha a va na Yosefa, a n'wi endla hi nsovo, a n'wi kumisa tintswalo emahlweni ka n'wini wa khotso.

Genesa 39:2

Kutani Yehovha a va na Yosefa; a a ri munhu wa nkateko; a tshama endlwini ya n'wini wa yena.

Yoxuwa 6:27

Yehovha a a ri na Yoxuwa, kutani ku twala ka yena a ku hangalaka etikweni hinkwaro.

Vaavanyisi 4:3

Kutani vana va Israele va huwelela eka Yehovha hikwalaho ka tigolonyi ta nsimbhi ta Sisera ta 900; kambe vana va Israele va xanisiwa hi yena hi malembe ya makume mambirhi.

Vaavanyisi 4:13

Kutani Sisera a hlengeleta tigolonyi ta yena hinkwato ti nga tigolonyi ta nsimbhi ta 900, ni tiko ra yena hinkwaro ku sukela eHaroxete-Goyimi ku ya fika enambyeni wa Kixoni.

1 SAMIELE 18:5

Kutani Davhida a huma a famba hinkwako laha Sawulo a n'wi rhumaka kona; kambe a a tlharihile; kutani Sawulo a n'wi veka ndhuna ya vanhu va nyimpi; kutani a a tsakisa tiko hinkwaro, hambi ma ri malandza ya Sawulo.

1 SAMIELE 18:12

Kutani Sawulo a chava Davhida, hikuva Yehovha a a ri na Davhida, kambe a sukile eka yena.

1 SAMIELE 18:14

Davhida a a endla hi vutlhari etimhakeni hinkwato, kutani Yehovha a a ri na yena.