Biblia Todo Logo
Bib sou entènèt

- Piblisite -




Tito 3:5 - Xitsonga (Bibele)

5 u hi hanyisile, ku nga ri hi mitirho leyinene leyi tirhiweke hi hina, kambe hi tintswalo ta xona, hi ku hlantswa ka ku tswariwa ra vumbirhi, ni vuntshwa bya Moya lowo Kwetsima,

Gade chapit la Kopi

BIBELE Mahungu Lamanene

5 xi hi ponisile. A ku nga ri hi mhaka ya mintirho leyo lulama leyi hina hi hexe hi yi endleke, kambe xi hi ponisile hi tintswalo ta xona, hi ku hlantswiwa loku endlaka leswaku Moya lowo Kwetsima wu hi nyika ku tswariwa ra vumbirhi, ni vutomi lebyintshwa.

Gade chapit la Kopi

Testamente Leyimpsha Xichangana

5 xihiponisile. Kungali hi mhaka ya mintirho leyolulama leyi hina hi hoxe hiyiyendleke, kambe xihiponisile hi timpsalu ta xona, hi kuhlampsiwa loku kuyendlaka lesvaku Moya Lowokwetsima wuhinyika kupsaliwa ra vumbirhi, ni vutomi lebzimpsha.

Gade chapit la Kopi




Tito 3:5
46 Referans Kwoze  

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,


Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.


kutani wa hi ponisa ni namuntlha hi ku khuvula, yi nga mhaka leyi nga fanisiwa khale, ku nga ri hi ku hlantswa thyaka ra miri, kambe ku ri ku tiboha hi ripfalo lerinene eka Xikwembu, hi ku pfuka ka Yesu Kriste,


A ku khensiwe Xikwembu Tata wa Hosi ya hina Yesu Kriste, la nga hi tswala ra vumbirhi hi tintswalo ta yena letikulukumba, leswaku hi va ni ku tshemba loku hanyaka hi ku pfuka ka Yesu Kriste exikarhi ka vafi,


Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.


Kambe Xikwembu lexi teleke tintswalo, hikwalaho ka rirhandzu lerikulu ra xona, leri xi hi rhandzeke ha rona,


leswaku a yi kwetsimisa, loko a yi basisile hi ku yi khuvula hi mati hi rito ra yena,


Oho Xikwembu! Vumba endzeni ka mina mbilu leyo tenga. U tlhela u pfuxa endzeni ka mina moya lowo tiya.


Kambe loko ku ri hi tintswalo, a ka ha ri hi mitirho; hikuva loko ku ri hi mitirho, tintswalo a ti nga ha vi tintswalo.


Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.


mi va mi funengele munhu lontshwa la dzuvulaka eku tiveni, hi xifaniso xa la n'wi tumbuluxeke.


Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.


hambiswiritano, hi ku tiva leswaku munhu a nga hlayiwi la lulameke hi mitirho ya nawu, kambe hi ku pfumela eka Yesu Kriste, na hina hi pfumele ka Yesu Kriste, hi ta hlayiwa lava lulameke hi ku pfumela eka Kriste, ku nga ri hi mitirho ya nawu; hikuva a ku na munhu la nga ta hlayiwa la lulameke hi mitirho ya nawu.


Hikwalaho a ku na nyama ni yin'we, leyi nga ta khana emahlweni ka xona hi mitirho ya nawu; hikuva xidyoho xi tiviwa hi nawu.


n'wina lava khale a mi nga ri tiko, kambe sweswi, mi tiko ra Xikwembu; n'wina lava nga tsetseleriwangiki, kambe sweswi, mi tsetseleriwile.


ni leswaku mi hundzuka lavantshwa emoyeni wa miehleketo ya n'wina;


Hikwalaho hi heta mhaka hi ku vula leswaku munhu u hlayiwa la lulameke hi ku pfumela, ku nga ri hi mitirho ya nawu.


hikuva, kuteloko mahahla ma nga si velekiwa, ma nga si endla swo saseka ni swo biha, leswaku ku ta vonaka leswaku makungu ya Xikwembu ma tiyile, loko xi hlawurile munhu ku nga ri hi mitirho, kambe ku ri hi ku rhandza ka la vitanaka,


hikwalaho ka tintswalo letikulu ta Xikwembu hi dyambu ra vuxa,


U londzovotile Israele, nandza wa yena, a ta anakanya tintswalo ta yena hilaha a byeleke vatata wa hina,


Vito ra yena ra kwetsima, ni tintswalo ta yena ti le tinxakeni ta tinxaka eka lava n'wi chavaka.


Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.


U nga tengisani na nandza wa wena! Hikuva a ku na munhu eka lava hanyaka, La nga kumiwaka a lulamile emahlweni ka wena.


Israele, tshemba Yehovha! Hikuva tintswalo ti le ka Yehovha, Ku kutsula ku kona ka yena hi ku tala.


Munhu la faka a nga lulamisa ku yini emahlweni ka Xikwembu? La velekiweke hi wansati a nga tenga hi ku yini xana?


Kambe siku ku vonakalaka vunene bya Xikwembu, Mulondzovoti wa hina, ni rirhandzu ra xona eka vanhu,


Xana hi ta ku yini-ke? Hi ta ku: “Vamatiko lava ngi va nga lavi ku lulama, va ku kumile, ku nga ku lulama loku humaka eku pfumeleni;


Hikwalaho a hi mhaka ya loyi a rhandzaka, ni ya la tsutsumaka; kambe i ya Xikwembu lexi tsetselelaka.


Kutani la nga tirhiki, kambe a pfumela ntsena eka la khanisaka mudyohi, ku pfumela ka yena ku hlayiwa leswaku i ku lulama.


leswaku a hi tsetselela swin'we ni vatata wa hina, ni ku anakanya ntwanano wa yena lowo kwetsima,


Ndzi ta vula ku lulama ka wena, kutani mitirho ya wena, a yi nga ku pfuni nchumu.


kutani va khunguvanyeka, swi nga ka swi nga endleki leswaku va nga tlhela va hundzuka hikuva va engeta va tivambela n'wana wa Xikwembu, va ri karhi va n'wi endla xisandzu.


Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.


Ni tintswalo ti na wena, Hosi; Hikuva u tlherisela un'wana ni un'wana hi ku ringana ka mitirho ya yena.


Munhu i yini leswaku a basa? La velekiweke hi wansati i yini, leswaku a lulama?


Hambi ndzi lulamile, nomu wa mina wu fanele ku ndzi vula lowo biha; Loko ndzi nga ri na nandzu, u ta ndzi vula ndzi ri mbabva.


A hi ku lulama ka wena, ni vunene bya mbilu ya wena lebyi ku ngheniseke etikweni ra vona, kambe Yehovha u ta teka tiko ra vona emahlweni ka wena hikwalaho ka ku biha ka matiko lawa, ni ku tiyisa rito leri Yehovha a ri hlambanyeleke vatata wa wena, Abrahama, na Isaka, na Yakobo.


ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.


Loko ndzi ri mina, ndzi mi khuvula hi mati ntsena leswaku mi tshika swo biha, kambe loyi a taka endzhaku ka mina, wa ndzi tlula hi matimba, kutani a swi ndzi faneri ku n'wi rhwalela tintanghu; hi yena la nga ta mi khuvula hi moya lowo kwetsima ni ndzilo.


leswaku, kumbe ndzi ta pfuxa va nyama ya mina hi rilondzo, ndzi ponisa van'wana va vona.


a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,


Swiv nou:

Piblisite


Piblisite