Tito 3:1 - Xitsonga (Bibele)

¹ U va tsundzuxa ku yingisa vuhosi ni tindhuna, ni ku ya hi nawu, ni ku tilunghisela mitirho hinkwayo leyo saseka;

BIBELE Mahungu Lamanene

¹ Tsundzuxa lava u va dyondzisaka ku tiveka ehansi ka tihosi ni tindhuna, hi ku ti yingisa, va tshama va tilunghisela ku tirha mintirho hinkwayo leyinene;

Testamente Leyimpsha Xichangana

¹ Tsundzuxa lava uvajondzisaka kutitsongahata ka vafumi ni ka tihosi, ni kutiyingisa, vatshama vatilungiselile kutirha mintirho hinkwayu leyinene;

Tito 3:1 Referans Kwoze

Eklesiasta 10:4

Loko mbilu ya mufumi vi ku karihela, u nga tshuki u fularhela vutshamo bya wena, hikuva ku rhula ku sivela swidyoho leswikulu.

Swivuriso 24:21

N'wananga, chava Yehovha ni hosi, U nga toloveli va timholovo;

Matewu 22:21

Va ku eka yena: “I swa Khezari.” Kutani a ku eka vona: “Tlheriselani Khezari leswi nga swa Khezari, ni Xikwembu leswi nga swa Xikwembu.”

Vaheveru 13:21

a swi xi mi lunghise ku tirha ntirho wun'wana ni wun'wana lowo saseka, mi ta endla ku rhandza ka xona, xi ri karhi xi endla eka n'wina, leswi xi tsakisaka ha Yesu Kriste; ku kwetsima a ku ve eka yena hilaha ku nga heriki.

2 Timotiya 2:21

Loko-ke, munhu a tibasisa eka swilo leswo, xi ta va xibya lexi twarisiwaka, lexi kwetsimisiweke, lexi pfunaka swinene n'wini wa xona, xi lunghiseriwile ntirho wun'wana ni wun'wana lowunene.

2 Timotiya 1:6

Hikwalaho, ni sweswi, ndza ha ku tsundzuxa ku pfuxa, u kondletela ku nyika ka Xikwembu loku nga eka wena hi ku tlhandleka ka mavoko ya mina.

1 Timotiya 5:10

a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

1 Timotiya 4:6

Loko u hlamusela timhaka leti, u ta va nandza lonene wa Yesu Kriste, ni la kurisiweke hi marito ya ku pfumela, ni dyondzo leyinene, leyi u yi landzeleleke swinene.

1 Timotiya 2:2

ni tihosi, ni hinkwavo lava nga ni vukulukumba, leswaku hi tihanyela hi ku rhula ni ku tsaka, hi vukhongeri hinkwabyo, ni xichavo.

1 Vakorinto 15:58

Hikwalaho, vamakwerhu lava rhandziwaka, tiyani swinene, mi nga tsekatsekeni, mi tirhela Hosi hi masiku, mi ri karhi mi swi tiva leswaku mitirho ya n'wina yi nga ka yi nga hundzuki swahava eHosini.

Yeremiya 27:17

Mi nga tshuki mi va yingisela. Tirhelani hosi ya Babilona, kutani mi ta hanya. Mi rhandzela yini leswaku muti lowu wu endliwa rhumbi?

Duteronoma 17:12

Kambe munhu la nga ta tikurisa, a nga yingisi muprista la yimaka ku tirhela Yehovha Xikwembu xa wena, kumbe muavanyisi, munhu loyi u ta fa. U ta susa lowo biha eIsraeleni.

2 Petro 1:12

Hikwalaho ndzi nga ka ndzi nga tshiki ku mi tsundzuxa hi masiku timhaka leti, hambi mi ti tiva, hambi, na swona, mi tiyile entiyisweni lowu nga kona.

Tito 3:8

Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.

Vakolosa 1:10

leswaku mi famba hi mukhuva lowu fanelaka Hosi, mi n'wi tsakisa hinkwako, mi veka mihandzu emitirhweni leyo saseka hinkwayo, mi va mi kula eku tiveni ka Xikwembu,

Vafilipiya 1:11

mi ri karhi mi veka mihandzu ya ku lulama leyi vekiwaka ha Yesu Kriste, leswaku ku va eku twakaleni ni le ku dzuniseni ka Xikwembu.

Vaefesa 2:10

Hikuva hina hi mitirho ya xona, hikuva eka Yesu Kriste, hi vumberiwile mitirho leyinene, leyi Xikwembu xi yi lunghiseke khale leswaku hi ta famba ka yona.

Esaya 43:26

Ndzi tsundzuxe, a hi kaneleni swin'we, vulavula u ri wena, ku tibasisa.

Yuda 1:5

Kambe ndzi rhandza ku mi tsundzuxa mhaka leyi mi yi tivaka, hileswaku Hosi, kuteloko yi ponisile tiko ra yona etikweni ra Egipta, yi engete yi lovisa lava nga pfumelangiki;

Tito 3:14

Varikwerhu a va dyondze, na vona, eku chivirikela mitirho leyinene va ta pfuna emasikwini ya ku pfumala, va nga tshuki va pfumala mihandzu.

2 Timotiya 2:14

Tsundzuxa vanhu timhaka leti, u va khongotela hi matimba emahlweni ka Hosi, va nga tshuki va lwa hi marito, hikuva a swi pfuni nchumu, loko ku nga ri ku hambukisa lava swi twaka.

Tito 1:16

Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.