Tinhlayo 9:15 - Xitsonga (Bibele)

¹⁵ Siku va yimiseke Yindlu, papa ri ungamela Yindlu, yi nga tabernakela ya vumbhoni; nimadyambu kambe ku va ni leswi fanaka ni ndzilo ehenhla ka Yindlu ku fika nimixo.

BIBELE Mahungu Lamanene

¹⁵ Hi siku leri Ntsonga lowu nga ni Areka ya Ntwanano wu yimisiweke ha rona, papa ri wu khubumeta; nivusiku a ri fana ni ndzilo, ri funengeta Ntsonga dyambu ri kondza ri xa.

Tinhlayo 9:15 Referans Kwoze

Eksoda 13:21

Yehovha a va rhangela emahlweni hi ku nembelela ka papa ninhlekanhi, ku va komba ndlela, ni ku pfurha ka ndzilo nivusiku ku va voningela leswaku va famba nhlekanhi ni vusiku.

Eksoda 40:34

Kutani papa ri funengeta Yindlu ya nhlengeletano, kutani ku kwetsima ka Yehovha ku tata Yindlu.

Pisalema 78:14

Ninhlekanhi xi va fambisa hi papa, Nivusiku hinkwabyo hi ku voninga ka ndzilo.

Nehemiya 9:19

hi ku tsetselela ka wena lokukulu, a ku va tshikanga mananga; ku nembelela ka papa a ku tshikangi ku va ungamela ninhlekanhi loko va famba hi ndlela, nivusiku, ku nembelela ka ndzilo a ku tshikanga ku voninga ndlela leyi va faneleke ku famba ha yona.

1 Vakorinto 10:1

A ndzi swi rhandzi, vamakwerhu, loko mi nga swi tivi leswaku vatatana hinkwavo va tshamile ehansi ka papa, hinkwavo va perile lwandle;

Esaya 4:5

kavaloko empfhukeni hinkwawo wa ntshava ya Siyoni, ni le henhla ka nhlengeletano ya yena, Yehovha u ta humelerisa papa ni musi ninhlekanhi, hi ku vangama ka malangavi ya ndzilo nivusiku.

Pisalema 105:39

U phurumule papa ku va sirhela, Ni ndzilo ku va voningela nivusiku.

Nehemiya 9:12

u va fambisile hi ku nembelela ka papa ninhlekanhi, ni ku nembelela ka ndzilo nivusiku, u va voningela ndlela leyi va faneleke ku famba ha yona.

Tinhlayo 14:14

kutani va swi byerile vaaki va tiko leri. Va swi twile leswaku wena Yehovha u le xikarhi ka tiko leri, ni leswaku u va kombisa mombo wa wena; ni leswaku papa ra wena ri tshama ehenhla ka vona, ni leswaku u famba emahlweni ka vona u ri epapeni ninhlekanhi, nivusiku kambe u ri mbulukweni wa ndzilo.

Eksoda 40:38

Hikuva papa ra Yehovha a ri tshama ehenhla ka tabernakela ninhlekanhi, kutani nivusiku, a ku voninga ndzilo epapeni emahlweni ka yindlu hinkwayo ya Israele, eku fambeni hinkwako ka vona.

Eksoda 40:2

“Hi siku ro rhanga ra n'hweti yo sungula, u ta dzima yindlu, yi nga Tabernakela ya nhlengeletano,

Eksoda 14:24

Hi nkarhi wa mixo, Yehovha a languta nyimpi ya Vaegipta a ri epapeni ra ndzilo, kutani a pfulunganya nyimpi ya Vaegipta,

Eksoda 13:22

Ku nembelela ka papa ninhlekanhi, ni ku pfurha ka ndzilo nivusiku, a ku sukanga emahlweni ka tiko.

Tinhlayo 10:34

Papa ra Yehovha a ri ri ehenhla ka vona ninhlekanhi eku sukeni ka vona emixaxeni.

Tinhlayo 17:7

Kutani Muxe a veka tinhonga emahlweni ka Yehovha, etabernakeleni ya vumbhoni.

Duteronoma 1:33

lexi fambeke emahlweni ka n'wina, endleleni, ku mi lavisa magovela, ni ku mi kombisa ndlela, xi ri endzilweni nivusiku, kambe ninhlekanhi xi ri epapeni.

Eksoda 40:35

Swi tsandza na Muxe a hluleka ku nghena endlwini ya nhlengeletano hikuva papa a ri le henhla ka yona ni ku kwetsima ka Yehovha a ku tata Yindlu.