Tinhlayo 8:21 - Xitsonga (Bibele)

²¹ Valevhi va tibasisa, va hlantswa tinguvu ta vona; Aroni a va humesa, wu va nhlengo lowu ndziwitiweke emahlweni ka Yehovha, kutani a va phahlela mhamba ku va basisa.

BIBELE Mahungu Lamanene

²¹ Valevhi va tibasisa va susa swidyoho, va hlantswa swiambalo swa vona; kutani Aroni a va nyiketa emahlweni ka HOSI va va nyiko leyo hlawuleka, a tlhela a humesa mhamba ya ku basisiwa ka vona.

Tinhlayo 8:21 Referans Kwoze

Tinhlayo 8:7

Lexi u nga ta va endlela xona ku va basisa, hi lexi: U ta va xuva hi mati lama hlantswaka swivi, kutani va ta fambisa rikari emirini hinkwawo wa vona; va hlantswa tinguvu ta vona, kutani va ta tibasisa.

Tinhlayo 19:19

La tengeke u ta xuva la yilaka hi siku ra vunharhu ni ra ntlhanu na mambirhi, kutani ku yila ka yena ku ta susiwa hi siku ra ntlhanu na mambirhi, U ta hlantswa tinguvu ta yena, a hlamba ematini, kutani nimadyambu u ta tenga.

Tinhlayo 8:15

“Endzhaku ka swona va ta tiva ku tirha ntirho wa tabernakela ya nhlengeletano. U ta va basisa, kutani u va humesa wu va nhlengo lowu ndziwitiweke;

Tinhlayo 19:12

U ta tibasisa hi mati lawa hi siku ra vunharhu, ni siku ra ntlhanu na mambirhi, kutani u ta tenga; kambe loko a nga tibasisi hi siku ra vunharhu ni ra ntlhanu na mambirhi, a nga ka a nga tengi.

Tinhlayo 3:12

“Waswivo, ndzi tekile vana va Levhi exikarhi ka vana va Israele, ematshan'weni ya mativula hinkwawo lama velekiweke hi vamana va vana va Israele, hi mukhuva lowu Valevhi va ta va va mina.

Eksoda 19:10

Yehovha a ku eka Muxe: “Yana eka tiko, u ri basisa namuntlha ni mundzuku, va hlantswa tinguvu ta vona;

Tinhlayo 8:20

Muxe na Aroni ni nhlengeletano hinkwayo ya vana va Israele va endlela vana va Levhi sweswo; va va endlela hinkwaswo hilaha Yehovha a leriseke Muxe hakona.

Tinhlayo 8:22

Kavaloko Valevhi va ta, va tirha ntirho wa vona etabernakeleni ya nhlengeletano, emahlweni ka Aroni ni le mahlweni ka vana va yena, hilaha Yehovha a leriseke Muxe hakona ehenhla ka vana va Levhi; va va endlela sweswo.

Levhitika 14:11

Muprista la basisaka, u ta yisa munhu la tibasisaka swin'we ni swilo leswi emahlweni ka Yehovha, enyangweni ya tabernakela ya nhlengeletano.