Tinhlayo 6:3 - Xitsonga (Bibele)

³ u ta titsona vhinyo ni byalwa; a nga ka a nga n'wi vhiniga ya byalwa; a nga ka a nga n'wi leswi humaka emihandzwini ya vhinya, a nga ka a nga dyi mihandzu ya vhinya hambi yi ri yimbisi, hambiloko yi omile.

BIBELE Mahungu Lamanene

³ ú ta fanela ku hambana ni vhinyo ni byalwa, a nga tshuki a nwa ntsuvi wihi ni wihi, naswona a nga tshuki a nwa dzova kumbe ku dya mihandzu ya vhinya leyi tsakamaka kumbe leyi omisiweke.

Tinhlayo 6:3 Referans Kwoze

Luka 1:15

hikuva u ta va nkulukumba emahlweni ka Hosi, a nga ka a nga nwi vhinyo ni byalwa, kambe u ta tala moya lowo kwetsima a ha ri ekhwirini ra mana wa yena.

1 Timotiya 5:23

U nga engeti u nwa mati ntsena, kambe u tipfuna hi vhinyonyana, hikwalaho ka le ndzeni ka wena, ni ku vabyanyana loku andzeke eka wena.

Vaefesa 5:18

Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

Amosi 2:12

“Kambe mi nwisile Vanaziri vhinyo; loko va ri vaprofeta, mi va lerisile, mi ku: ‘Mi nga tshuki mi profeta.’

Vaavanyisi 13:14

A nga tshuki a dya nchumu eka leswi humaka eka vhinya, a nga tshuki a nwa vhinyo, hambi xi ri lexi pyopyisaka, a nga tshuki a dya nchumu eka leswi nga tengangiki; a hlayisa hinkwaswo leswi ndzi n'wi leriseke swona.”

Levhitika 10:9

“Mi nga tshuki mi nwa vhinyo ni byalwa, hambi u ri wena, hambi va ri vana va wena, loko mi ta nghena etabernakeleni ya nhlengeletano, mi nga ta fa; i nawu lowu nga heriki etinxakeni hinkwato,

1 Vatesalonika 5:22

Chavani hinkwaswo leswi fanaka ni leswo biha.

Luka 21:34

“Kambe tivoneni leswaku timbilu ta n'wina ti nga tshuki ti tikeriwa hi madyo, ni ku pyopya, ni ku vilela hi swa vutomi lebyi, kutani siku lero ri mi khoma hi xipuku;

Vaheveru 9:10

yi nga milawu ya misava ntsena, leyi lerisaka swakudya, ni swakunwa, ni swa ku hlantswa leswo tala, ku ko ku fika nkarhi wa ku pfuxeta hinkwaswo.

Tinhlayo 6:4

Hi masiku hinkwawo ya vunaziri bya yena, a nga ka a nga dyi leswi humaka evhinyeni, ku sungula hi timbewu ku yisa eka makamba.

Vaavanyisi 13:4

Kutani sweswi, u nga tshuki u nwa vhinyo, hambi swi ri leswi pyopyisaka, u nga tshuki u dya xilo lexi nga tengangiki.

Amosi 2:11

Kutani ndzi pfuxile vaprofeta exikarhi ka vana va n'wina, ni le xikarhi ka majaha ya n'wina ndzi pfuxa Vanaziri. A swi tano xana, vana va Israele?” ku vula Yehovha.