Tinhlayo 6:23 - Xitsonga (Bibele)

²³ “Byela Aroni ni vana va yena, u ku: ‘Mi ta katekisa sweswo vana va Israele, mi ku eka vona:

BIBELE Mahungu Lamanene

²³ “Tivisa Aroni ni vana va yena leswaku, loko va kombelela Vaisraele eminkateko, va fanele ku vula marito lawa:

Tinhlayo 6:23 Referans Kwoze

1 TIKRONIKA 23:13

Vana va Amirama: Aroni na Muxe. Aroni a hlayiwa hitlhelo leswaku a hlawuriwa, a va loyi a kwetsimisiweke ngopfu, yena ni vana va yena hi masiku, ku humesa mirhi ya risuna emahlweni ka Yehovha, ku n'wi tirhela ni ku katekisa tiko hi vito ra yena hi masiku.

Duteronoma 21:5

Vaprista, vana va Levhi, va ta tshinela, hikuva hi vona lava Yehovha, Xikwembu xa wena, a va hlawuleke ku tirha ntirho wa yena, ni ku katekisa hi vito ra Yehovha, kutani milomu ya vona yi ta avanyisa ku tengisana hinkwako, ni timhaka hinkwato ta timbanga.

Vaheveru 7:1

Hikuva Melkisedeke yeloyi, hosi ya Salema, muprista wa Xikwembu lexi nge henhlahenhla, yeloyi a nga ya hlangana na Abrahama siku a vuyaka eku hluleni ka tihosi, a va a n'wi katekisa,

Genesa 48:20

A va katekisa sweswo hi siku lero, a ku: “Vaisraele a va vule ku kateka ha wena, va ku: ‘Xikwembu a xi ku endle kukotisa Efrayimi ni kukotisa Manase.’ ” Hi mukhuva wolowo, a veka Efrayimi emahlweni ka Manase.

2 Yohane 1:3

Tintswalo ni ku tsetselela, ni ku rhula a swi ve na n'wina; mi swi nyikiwa hi Xikwembu Tatana, na Hosi Yesu Kriste, N'wana Tatana, entiyisweni ni le rirhandzwini.

Genesa 47:7

Yosefa a tisa Yakobo, tata wa yena emahlweni ka Faro. Kutani Yakobo a katekisa Faro.

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

Vaheveru 7:7

Kasi a ku na ku ariwa loko va ku: Hi lontsongo, loyi a katekisiwaka hi lonkulu.

1 Vakorinto 1:3

tintswalo ni ku rhula a swi ve na n'wina, swi huma eka Xikwembu, Tata wa hina, ni le ka Hosi Yesu Kriste.

Varhoma 1:7

Eka n'wina hinkwenu mi nga le Rhoma, varhandziwa va Xikwembu mi vitaneriweke ku kwetsima: tintswalo ni ku rhula a swi ve na n'wina swi huma eka Xikwembu, Tata wa hina, ni le ka Hosi Yesu Kriste!

Yoxuwa 8:33

Kutani Vaisraele hinkwavo ni vakulukumba va vona, ni tindhuna ta vona, ni vaavanyisi va vona, va yima ematlhelweni mambirhi ya areka, va langutene ni vaprista ni Valevhi lava rhwalaka areka ya ntwanano wa Yehovha; valuveri va ri swin'we ni vanhu va tiko va ri hafu etlhelweni ra ntshava ya Gerizimi, ni hafu etlhelweni ra ntshava ya Ebali, hilaha Muxe, nandza wa Yehovha, a leriseke hakona ku katekisa tiko ra Israele eku sunguleni.

Duteronoma 10:8

Enkarhini wolowo, Yehovha a hlawula rixaka ra Levhi ku rhwala areka ya vumbhoni bya Yehovha, ni ku yima emahlweni ka Yehovha, ni ku n'wi tirhela, ni ku katekisa tiko hi vito ra yena, ku fika siku ra namuntlha.

Genesa 47:10

Yakobo a katekisa Faro, kutani a suka emahlweni ka Faro.

Duteronoma 33:1

Hi kona ku katekisa ka Muxe wanuna wa Xikwembu, loko a katekisa vana va Israele, a nga si fa, a ku:

Genesa 24:60

Kutani va katekisa Rhaveka va ku eka yena: “Wena, makwerhu, u ve mana wa madzana ya ntsanda vahlayi, ni vatukulu va wena a va fuwe nyangwa ya lava nga ta va venga.”

Eksoda 39:43

Kutani Muxe a vona ntirho hinkwawo, kutani maswivo, a va wu endlile hilaha Yehovha a nga lerisa hakona, va wu hetisile sweswo. Kutani Muxe a va katekisa.

Tinhlayo 6:22

Yehovha a byela Muxe, a ku:

1 TIHOSI 8:55

kutani a yima a katekisa hi rito lerikulu nhlengeletano hinkwayo ya Israele, a ku:

2 TIKRONIKA 30:27

Kavaloko vaprista va Valevhi va pfuka va katekisa tiko; kutani rito ra vona ri yingisiwa hi Yehovha, xikhongelo xa vona xi fikela evuakweni bya ku kwetsima ka yena etilweni.