Tinhlayo 6:15 - Xitsonga (Bibele)

¹⁵ U ta tisa ni xirhundzu xa swinkwa leswi nga riki na comela, swi ri swimbundzu swa mapa layo saseka lama pfuviweke hi mafurha, ni swinkwa leswo kala comela, leswi totiweke hi mafurha: ehenhla ka swona, u ta tisa nhlengo ni swakunwa.

BIBELE Mahungu Lamanene

¹⁵ Ú ta humesa ni xirhundzu xa xinkwa lexo-ke-comela, ni swimbhundzwa swa mapa lamanene lama pfuviweke hi mafurha, ni xinkwa lexo oma lexi totiweke mafurha, ni mapa ya gandzelo ni swakunwa swa kona.

Tinhlayo 6:15 Referans Kwoze

Levhitika 2:4

“ ‘Loko u humesa nhlengo wa leswi swekiwaka exitikweni, u ta teka mapa layo saseka, u ma pfuva hi mafurha, u endla swimbundzu leswi nga riki na comela, ni swimbhundzwana leswi nga riki na comela, leswi totiweke hi mafurha.

Eksoda 29:2

“U ta teka xinkuzana, ni makhuna mambirhi lama nga riki na xivati, ni xinkwa lexi nga riki na comela; ni swinkwanyana leswi kalaka comela leswi pfuviweke hi mafurha; ni swimbundzunyana leswi kalaka comela leswi totiweke hi mafurha; u swi endla hi mapa lama hleriweke ya koro;

Tinhlayo 15:10

u ta humesa ni hafu ya hini ya vhinyo, yi va ya vucheleto: i gandzelo leri phahliwaka hi ndzilo leri nga ni risema leri nun'hwelaka eka Yehovha.

1 Vakorinto 11:26

Hi masiku hinkwawo loko mi dya xinkwa lexi, ni loko mi nwela exinwelweni lexi, mi ta va mi vula rifu ra Hosi, a kondza a fika.

1 Vakorinto 10:31

Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Yuwele 1:13

N'wina vaprista, ambalani maxuka mi tiba swifuva! Rilani, n'wina lava mi tirhelaka alitari. Tanani mi tshama nivusiku, mi funengele maxuka, n'wina lava mi tirhelaka Xikwembu xa mina! Hikuva mihlengo ni magandzelo a swa ha fiki endlwini ya Xikwembu xa n'wina!

Yuwele 1:9

Mihlengo ni magandzelo swi susiwa endlwini ya Yehovha; vaprista lava tirhelaka Yehovha, va le nkosini.

Esaya 62:9

hikuva lava nga ta va va tshoverile va ta dya, va ri karhi va tlangela Yehovha; na swona, lava nga ta va va hlengeletile vhinyo, va ta nwa emakupakupeni ya yindlu ya mina ya ku kwetsima.”

Levhitika 9:4

ni nkunzi, ni khuna ra gandzelo ra ku khensa ku swi tlhavela Yehovha, ni nhlengo lowu nga pfuviwa hi mafurha; hikuva namuntlha Yehovha u ta tikombisa eka n'wina.’ ”

Levhitika 8:2

“Teka Aroni ni vana va yena, ni tinguvu, ni mafurha yo tola, ni nkunzi ya gandzelo ra nandzu, ni makhuna mambirhi, ni xirhundzu xa swinkwa leswi nga riki na comela,

Levhitika 7:12

Loko munhu a ri humesa ku kombisa ku khensa ka yena, u ta humesa swin'we ni gandzelo ra ku khensa, swinkwa leswi nga riki na comela, leswi pfuviweke hi mafurha, ni swimbhundzwana leswi nga riki na comela, leswi totiweke hi mafurha, ni swimbundzu swa mapa layo saseka lama katingiweke, lama nga pfuviwa hi mafurha.

Tinhlayo 6:16

Muprista u ta swi humesa emahlweni ka Yehovha, kutani u ta humesa mhamba ya yena ya nandzu, ni holokosta ya yena.