Tinhlayo 6:12 - Xitsonga (Bibele)

¹² U ta hlawulela Yehovha masiku ya Vunaziri bya yena, kutani u ta humesa xinyimpfana xa lembe rin'we yi va mhamba ya ku riha; masiku lama hundzeke ma nga ka ma nga hlayiwi, hikuva Vunaziri bya yena byi nyamisiwile.

BIBELE Mahungu Lamanene

¹² a tiveka etlhelo leswaku a tirhela HOSI Xikwembu, a sungula hi vuntshwa vunaziri bya yena; kutani ú ta ta ni xinyimpfana xa khuna xa lembe rin'we xi va xa gandzelo ro riha, kambe masiku lama hundzeke ya ku tiveka ka yena etlhelo a ma nga ha hlayiwi, hikuva ma nyamisiwile.

Tinhlayo 6:12 Referans Kwoze

Levhitika 5:6

u ta humesela Yehovha hikwalaho ka nandzu wa yena, ntswele ya xifuwo lexitsongo, hambi yi ri nyimpfu, hambi mbuti leswaku yi va mhamba yo susa nandzu, kutani muprista u ta n'wi phahlela mhamba hikwalaho ka nandzu wa yena.

2 Yohane 1:8

Tivoneleni, leswaku mi nga tshuki mi lahlekeriwa hi leswi mi swi tirheleke, kambe mi amukela hakelo leyi teleke.

Yakobo 2:10

Hikuva mani na mani la nga ta hlayisa milawu hinkwayo, kambe a khunguvanyeka eka wun'we, u ta va ni nandzu wa hinkwayo.

Matewu 24:13

Kambe la nga ta tiyisela ku fikela emakumu, hi yena la nga ta hlayiseka.

Matewu 3:15

Yesu a n'wi hlamula, a ku: “Ndzi pfumelele sweswi, hikuva hi fanele ku heta leswo lulama hinkwaswo.” Kutani Yohane a n'wi pfumelela.

Ezekiele 18:24

“Kambe loko la lulameke a tshika ku lulama ka yena, e endla leswo biha, a ri karhi a landza manyala hinkwawo lama endliwaka hi lowo biha, xana u ta hanya xana? Ku lulama ka yena hinkwako loku a ku endleke ku ta rivariwa, hikuva u tinyiketile eku hombolokeni ni le manyaleni; hikwalaho ka swona, u ta fa kunene.

Levhitika 14:24

Muprista u ta teka xinyimpfana xa gandzelo ra nandzu ni loga ya mafurha, kutani u ta swi ndziwita, yi va nyiko leyi ndziwitiweke emahlweni ka Yehovha.

Eksoda 12:5

Xi va xinyimpfana lexi nga riki na vulema, xa khuna, xa lembe rin'we; mi ta xi hlawula exikarhi ka tinyimpfu ni timbuti.

Levhitika 5:7

“ ‘Kungakuloko a pfumala nyimpfu, kumbe mbuti, u ta humesela Yehovha hikwalaho ka nandzu wa yena, matuva mambirhi, kumbe mavondlo mambirhi ya magugurhwana, rin'wana ra mhamba yo susa nandzu, rin'wana ra gandzelo leri hisiwaka.

Tinhlayo 6:11

Muprista u ta humesa yin'wana yi va mhamba ya nandzu, yin'wana yi va holokosta; u ta tiendlela sweswo mhamba hikuva u tinyamisile hi mufi; hi siku rolero u ta kwetsimisa nhloko ya yena.

Tinhlayo 6:13

“ ‘Hi wona nawu wa Munaziri. Siku a nga ta heta nkarhi wa Vunaziri bya yena, va ta n'wi yisa enyangweni ya tabernakela ya nhlengeletano,