Tinhlayo 5:19 - Xitsonga (Bibele)

¹⁹ Kutani muprista u ta hlambanyisa wansati, a ku eka yena: “Kungakuloko wanuna ni un'we a nga sivamanga na wena, ni loko u nga hungukanga ku endla xivi, leswi u nga ehansi ka nuna wa wena, u nga tshuki u twa ku vaviseka hi mati lawa yo dzunga ya ndzhukano.

BIBELE Mahungu Lamanene

¹⁹ kutani ú ta hlambanyisa wansati hi ku vula leswi a ku: ‘Loko u nga si tshama u etlela ni wanuna un'wana, ni loko u nga si tshama u sukela nuna wa wena u ya tinyamisa, mati lawa yo bava lama tisaka ndzhukano, ma nga tshuki ma ku endla nchumu.’

Tinhlayo 5:19 Referans Kwoze

Varhoma 7:2

Swi tano ni wansati la tekiweke, u bohiwile hi nawu eka nuna wa yena loko a ha hanya, kambe loko nuna a file, u tshunxiwile enawini wanuna.

Tinhlayo 5:12

“Byela vana va Israele, u ku eka vona: ‘Kungakuloko wansati a hunguka, u dyohele nuna wa yena;

Matewu 26:63

Kambe muprista lonkulu a engeta a vulavula, a ku eka yena: “Ndzi ku hlambanyisa hi Xikwembu lexi hanyaka, leswaku u hi byela swinene xana u Kriste, N'wana wa Xikwembu-ke?”

Tinhlayo 5:18

Muprista u ta yimisa wansati emahlweni ka Yehovha, kutani u ta funungula nhloko ya wansati, kutani a veka eswandleni swa yena nyiko ya xitsundzuxo, leyi nga nyiko ya rilondzo, kutani muprista u ta tamela evokweni ra yena mati yo dzunga lama nga ni ndzhukano.

Tinhlayo 5:28

“ ‘Kambe, kungakuloko nsati loyi a nga tinyamisanga, ni loko a tengile, a nga ka a nga twi ku vaviseka ha nchumu, a ta engeta a veleka.