Tinhlayo 5:18 - Xitsonga (Bibele)

¹⁸ Muprista u ta yimisa wansati emahlweni ka Yehovha, kutani u ta funungula nhloko ya wansati, kutani a veka eswandleni swa yena nyiko ya xitsundzuxo, leyi nga nyiko ya rilondzo, kutani muprista u ta tamela evokweni ra yena mati yo dzunga lama nga ni ndzhukano.

BIBELE Mahungu Lamanene

¹⁸ Loko muprista a yimisile wansati emahlweni ka mina, ú ta n'wi funungula nhloko, a n'wi tamerisa mapa ya gandzelo ro paluxa timhaka, ri nga gandzelo ra wanuna wo ehleketela nsati; muprista ú ta tamela mati layo bava lama tisaka ndzhukano,

Tinhlayo 5:18 Referans Kwoze

Vaheveru 13:4

Ku tekana a ku ve loku tengeke ematlhelweni hinkwawo, ni masangu a ma pfumale vuoswi; hikuva Xikwembu xi ta avanyisa timbhisa ni vaoswi.

1 Vakorinto 11:6

Hikuva loko wansati a nga funengeli nhloko, u fanele ku tsemela misisi. Kambe loko swi ri ni tingana eka wansati ku tsemeleriwa, kumbe ku byewuriwa, a a funengete nhloko kwalaho.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Esaya 38:17

Waswivo, mahlomulo yanga ma tirhile ku hlayiseka ka mina; hi rirhandzu ra wena u humesile moya wa mina esirheni ra swahava; hikuva u cukumetile swidyoho swa mina hinkwaswo endzhaku ka wena.

Eklesiasta 7:26

Kutani ndzi kuma leswaku wansati loyi mbilu ya yena yi fanaka ni rikoka, ni mitlhamu, loyi mavoko ya yena swi nga swiboho, u bava ku tlula rifu. La lulameke emahlweni ka Xikwembu, u ta n'wi chupukela, kambe mudyohi u ta phasiwa hi yena.

Swivuriso 5:4

Kambe eku heteleleni, timhaka ta yena ti bava kukota nkaka, Ti tlhava kukotisa tlhari lero kariha ematlhelo mambirhi.

1 SAMIELE 15:32

Kutani Samiele a ku: “Ndzi tiseleni Agaga hosi ya Amaleke.” Agaga a ta eka yena a tsakile; hikuva Agaga a te: “Kunene mbitsi ya rifu yi hundzile.”

Duteronoma 29:18

“Ku nga tshuki ku va xikarhi ka n'wina wanuna, hambi wansati hambi yindlu, ni loko ri ri rixaka leri mbilu ya rona yi hambukaka namuntlha eka Yehovha, Xikwembu xa hina, ku ya tirhela swikwembu swa matiko lawa; ku nga tshuki ku va xikarhi ka n'wina, ni rimitsu leri humesaka tsefu, ni ku pyopya;

Tinhlayo 5:22

ni mati lawa ya ndzhukano a ma nghene emarhumbyini ya wena, a kukumukisa khwiri ra wena, ni ku ondzisa matsheve ya wena”; wansati u ta ku: “Kunene, kunene.”

Tinhlayo 5:17

Muprista u ta teka mati lama hlawuriweke embiteni ya vumba, a teka ni ntshuri lowu nga ehansi endzeni ka yindlu, kutani a wu chela ematini.

Tinhlayo 5:15

nuna loyi u ta yisa nsati wa yena emahlweni ka muprista, a tisa nyiko hikwalaho ka wansati, ku nga ku pambula ka vukhume bya efa ya mapa ya barley; ntsena a nga ka a nga cheli mafurha eka wona, hambi yi ri mirhi ya risuna, hikuva i nyiko ya rilondzo, i nyiko ya xitsundzuxo leyi tsundzuxaka xidyoho.

Levhitika 13:45

“Wa nhlokonho la nga ni vuvabyi lebyi, u ta ambala tinguvu leti handzuriweke, a nga funengeti nhloko; a tisirhelela malebvu, kutani u ta tshama a huwelela: ‘La yilaka, la yilaka!’

1 Vakorinto 11:15

kasi wansati loko a ri ni misisi yo leha, i ku kwetsima ka yena, hikuva u nyikiwile misisi ku va xisirhelelo.

Tinhlayo 5:19

Kutani muprista u ta hlambanyisa wansati, a ku eka yena: “Kungakuloko wanuna ni un'we a nga sivamanga na wena, ni loko u nga hungukanga ku endla xivi, leswi u nga ehansi ka nuna wa wena, u nga tshuki u twa ku vaviseka hi mati lawa yo dzunga ya ndzhukano.