Tinhlayo 4:11 - Xitsonga (Bibele)

¹¹ Va ta funengeta alitari ya nsuku hi nguvu ya xivunguvungu; va yi funengeta kambe hi madzovo ya tintini lama rhungiweke, kutani va ta nghenisa mimpingu ka yona.

BIBELE Mahungu Lamanene

¹¹ “Ehenhla ka alitari ya nsuku, va ta andlala nceka wa muhlovo wa rihlaza ra tilo, va tlhandlekela hi xifunengeto xa madzovo ya timbuti, kutani va tlhoma timhandze to yi rhwala ha tona.

Tinhlayo 4:11 Referans Kwoze

Eksoda 40:5

U ta veka alitari ya nsuku ya mirhi ya risuna emahlweni ka areka ya vumbhoni, kutani u ta vamba nguvu enyangweni ya Tabernakela.

Eksoda 39:38

ni alitari ya nsuku, ni mafurha ya ku tota, ni mirhi ya risuna, ni nguvu ya nyangwa ya tabernakela;

Nhlavutelo 8:3

Kutani ku ta ntsumi yin'wana yi yima ealitarini, yi tamele ximbitana xa nsuku, yi nyikiwa mirhi ya risuna leyo tala ku yi humesa ni swikhongelo swa vakwetsimi hinkwavo ealitarini ya nsuku leyi nga emahlweni ka xiluvelo.

Tinhlayo 4:6

va ta veka ehenhla ka yona nkumba wa madzovo ya tintini, va andlala ehenhla ka wona nguvu leyikulu ya xivunguvungu, va nghenisa ni mimpingu.

Tinhlayo 4:10

va ta yi veka swin'we ni swibya hinkwaswo swa yona emadzobyeni lama rhungiweke ya tintini; kutani va ta yi veka erihlakeni.

Tinhlayo 4:12

Va ta teka swibya hinkwaswo swa ntirho, leswi va tirhaka ha swona ntirho evukwetsimelweni, va ta swi veka engubyeni ya xivunguvungu, va engeta va swi funengeta hi madzovo ya tintini lama rhungiweke, kutani va ta swi veka erihlakeni.