Tinhlayo 34:2 - Xitsonga (Bibele)

² “Lerisa vana va Israele, u ku eka vona: Kutakuloko mi nghenile etikweni ra Kanana, hi rona tiko leri nga ta va ndzhaka ya n'wina: i tiko ra Kanana, hi mindzilekana ya rona.

BIBELE Mahungu Lamanene

² “Byela Vaisraele leswaku ndzi ri: Loko mi nghenile etikweni ra Kanana, ri nga tiko leri mi nga ta nyikiwa rona hinkwaro ka rona, ri va ndzhaka ya n'wina, mindzilekana ya rona yi ta va leyi:

Tinhlayo 34:2 Referans Kwoze

Genesa 17:8

Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Pisalema 105:11

A ku: “Ndzi ta ku nyika tiko ra Kanana, Ri va ndzhaka ya n'wina.”

Vaefesa 1:18

a xi voninge mahlo ya timbilu ta n'wina, mi ta tiva ku tshemba loku nga kona eku vitaniweni ka n'wina ha xona, ni rifuwo ra ku kwetsima ka ndzhaka ya xona, leri nga lunghiseriwa vakwetsimi,

Vaefesa 1:14

moya lowu, i xirhangana xa ndzhaka ya hina, hi kondza hi kuma ku kutsuriwa ka lava Xikwembu xi tifuweleke vona, ku va eku dzuniseni ka ku kwetsima ka xona.

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Timhaka 17:26

Kambe xi endlile vanhu va tinxaka hinkwato hi ngati yin'we, ku aka ehenhla ka misava hinkwayo; xi lerisile tinguva leti hlawuriweke hi xona ni mindzilekana ya ku aka ka vona,

Ezekiele 47:14

Hinkwenu mi ta nyikiwa ku averiwa kun'we ka tiko leri ndzi yimiseleke vatata wa n'wina voko ra mina, ndzi ku: Ndzi ta va nyika rona, tiko rolero mi ta avelana, yi va ndzhaka ya n'wina.

Yeremiya 3:19

Mina a ndzi ku: Ndzi nga ku vekisa ku yini exikarhi ka vana va mina? Kambe ndzi nga ku nyikisa ku yini tiko leri rhandzekaka, rifuwo lero saseka ra tinyimpi ta matiko xana? Kambe a ndzi ku: Mi ta ndzi vula “tatana,” mi nga ka mi nga ha ndzi tshiki.

Genesa 10:19

Kutani maavana ya Vakanana ma suka eSidoni ku ya fika eGerara na Gaza, ni hitlhelo ra Sodoma na Gomora, na Adama na Seboyimi, ku fika eLaxa.

Tinhlayo 34:1

Yehovha a byela Muxe, a ku:

Ezekiele 47:13

Hosi Yehovha u ri: “Nkova wu ta va ndzilakana wa misava leyi yi nga ta averiwa eka tinxaka ta khume na timbirhi ta Israele. Yena Yosefa u ta averiwa matiko mambirhi.

Eksoda 23:31

Ndzi ta veka mindzilekana ya wena ku suka eLwandle-ro-Tshwuka, ku fika elwandle ra Vafilista, ni ku suka emananga ku fika enambyeni hikuva ndzi ta mi hlulela vaaki va tiko leri, mi ta va hlongorisa emahlweni ka n'wina.

Yoxuwa 11:23

Yoxuwa a teka tiko hinkwaro hilaha Yehovha a byeleke Muxe hakona, kutani Yoxuwa a ri nyika Israele, yi va ndzhaka ya yena, a nyika nyimba yin'wana ni yin'wana hi ku averiwa ka vona; kutani tiko ri wisa, ri nga vi na ku lwa.

Yoxuwa 13:1

Yoxuwa loko a dyuhele, a andzeriwe masiku, Yehovha a ku eka yena: “U dyuharile, u tsaleriwe masiku, kambe ku sele tiko lerikulu, leri fanelaka ku fumiwa.

Yoxuwa 21:43

Yehovha a nyika Israele tiko hinkwaro leri a hlambanyeleke vatata wa vona ku va nyika rona, kutani va ri fuma, va aka eka rona.