Tinhlayo 28:5 - Xitsonga (Bibele)

⁵ ni nyiko ya vukhume bya efa ya mapa layo saseka, lama pfuviweke hi ku avanyisa ka vumune bya hini ya mafurha lamanene.

BIBELE Mahungu Lamanene

⁵ Va ta tlhela va humesa ni xintewana xin'we xa mapa lamanene lama pfanganyisiweke ni xikhudza xin'we xa mafurha layo tenga.

Tinhlayo 28:5 Referans Kwoze

Levhitika 2:1

“ ‘Loko munhu a humesela Yehovha nhlengo wa nyiko, nhlengo wa yena wu ta va wa mapa layo saseka; u ta chela mafurha ni mirhi ya risuna ehenhla ka wona.

Eksoda 16:36

Mpimo wa homere, loko wu hlayiwa eka khume, wu endla efa.

Tinhlayo 28:4

U ta humesa xinyimpfana nimixo, ni xinyimpfana xin'wana nimadyambu;

Tinhlayo 28:6

I holokosta ya masiku leyi humesiweke entshaveni ya Sinayi, i gandzelo leri nga ni risuna, leri hiseriwaka Yehovha.

Ezekiele 46:14

Loko wu ri nhlengo, u ta wu humesa swin'we ni xinyimpfana xolexo mixo wun'wana ni wun'wana, ku ta va ku pambula ka vuntlhanu na kan'we eka efa; mafurha wona, u ta teka ku pambula ka vunharhu eka hino ya wona ku olovisa mapa ya mhamba ya Yehovha; hi yona milawu ya ku tiya ya magandzelo lama nga heriki.

Tinhlayo 7:13

Nhlengo wa yena a wu ri nkamba wa silivhere; ku tika ka wona a ti ri tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi a yi tele hi mapa layo saseka lama pfuviweke hi mafurha, ma va ya nyiko;