Tinhlayo 28:11 - Xitsonga (Bibele)

¹¹ “Eku sunguleni ka tin'hweti ta n'wina, mi ta humesela Yehovha holokosta ya tinkunzi timbirhi, ni khuna, ni swinyimpfana swa 7 swa lembe rin'we, leswi nga riki na xivati;

BIBELE Mahungu Lamanene

¹¹ “Hi siku ro sungula ra n'hweti yin'wana ni yin'wana, va ta ndzi tlhavela swinkuzana swimbirhi mina Hosi, ni khuna rin'we, ni swinyimpfana swa 7 swa xinuna swa lembe rin'we leswi nga solekiki; va ndzi humesela magandzelo lama hisiwaka.

Tinhlayo 28:11 Referans Kwoze

Tinhlayo 10:10

Emasikwini ya ku tsaka ka n'wina, ni le mikhubyeni ya n'wina, ni le ku sunguleni ka tin'hweti, mi ta yimba tinanga mi ri karhi mi humesa tiholokosta, ni magandzelo ya n'wina ya ku khensa, swi ta va xitsundzuxo emahlweni ka Xikwembu xa n'wina. Hi mina Yehovha, Xikwembu xa n'wina.”

Ezekiele 46:6

“Siku ra n'weti loko wu tshama, va ta humesa nkuzana leyi kalaka xivati, ni swinyimpfana swa ntlhanu na xin'we, ni khuna swi nga leswi pfumalaka xivati.

Vakolosa 2:16

Hikwalaho, munhu a nga tshuki a mi sola emhakeni ya ku dya ni ya ku nwa, hambi ku ri emhakeni ya mikhuvo, ni ya tin'weti letintshwa ni ya Tisavata;

Hosiya 2:11

Ndzi ta herisa mitsako ya yena hinkwayo ndzi herisa mikhuvo ya yena ni mitlango ya ku vonaka ka n'weti, ni Tisavata ta yena, ni tinhlengeletano ta yena hinkwato.

Ezra 3:5

Kambe ku humesiwa holokosta ya masiku, ni ya n'weti loko yi tshama, ni ya tinhlengeletano hinkwato leto kwetsima ta Yehovha ni ya munhu un'wana ni un'wana la swi rhandzaka ku tlhavela Yehovha mhamba.

2 TIKRONIKA 2:4

Waswivo, ndzi lava ku akela vito ra Yehovha Xikwembu xanga, yindlu ku n'wi hlawulela yona, ku hisa emahlweni ka yena mirhi ya risuna, ni ku veka hi masiku emahlweni ka yena swinkwa swa xikombiso, ni ku n'wi humesela tiholokosta ta mixo ni ta madyambu, ni ta Tisavata, ni ta tin'weti letintshwa, ni ta mikhuvo ya Yehovha, Xikwembu xa hina: hi yona mfanelo eka Israele hilaha ku nga heriki.

1 TIKRONIKA 23:31

va fanele ku humesela Yehovha tiholokosta hinkwato, hi Tisavata, ni le mikarhini ya n'weti leyintshwa, ni ya tinhlengeletano hi ntsengo wa tona, hilaha ku lerisiweke hakona, hi mikarhi hinkwayo emahlweni ka Yehovha.

1 SAMIELE 20:5

Davhida a ku eka Yonatani: “N'weti yi ta vonaka mundzuku, ndzi ta fanela ku tshamisa eku dyeni ni hosi; ndzi tshike ndzi famba, ndzi ya tumbela emasin'wini ku fika siku ra vunharhu nimadyambu.

Vakolosa 2:6

Kutani sweswi, kukota leswi mi amukeleke Hosi Yesu Kriste, fambisani xisweswo eka yena;

Vagalatiya 4:10

Mi hlaya masiku, ni tin'hweti, ni mikarhi, ni malembe!

Amosi 3:5

Xana xinyanyana xi nga wela erisingeni leri nga ehansi, ku nga ri na xilo lexi rhiyiweke? Xana ntlhamu lowu vekiweke ehansi wu nga wachuka, wu nga phasi nchumu xana?

Ezekiele 46:1

“Hosi Yehovha u ri: Nyangwa ya rivala ra le xikarhi, leyi langutaka tlhelo ra vuxa, yi ta pfariwa hi masiku ya ntlhanu na rin'we ya mitirho. Kambe hi siku ra Savata yi ta pfuriwa ni siku ra n'weti loko wu tshamisa.

Esaya 66:23

Kutani ku ta humelela leswaku n'weti yin'wana ni yin'wana ni Savata rin'wana ni rin'wana, nyama hinkwayo yi ta ta ku ndzi khinsamela,” ku vula Yehovha.

Pisalema 81:3

Hi n'weti lowuntshwa, yimbani nanga, Ni loko n'hweti wu be mahlampfu, hi siku ra nkhuvo wa hina!

Pisalema 40:8

Xikwembu xanga, ndzi tsakela ku endla ku rhandza ka wena! Kutani nawu wa wena wu le mbilwini ya mina.”

Pisalema 40:6

A ku tsakelangi magandzelo ni tinyiko; U pfurile tindleve ta mina. A ku lavanga holokosta ni magandzelo ya xidyoho.

Nehemiya 10:33

xi va xa swinkwa swa xikombiso, ni nyiko leyi nga heriki, ni tiholokosta ta masiku, ni Tisavata, ni swa tin'weti loko ti tshama ni swa mikhuvo, ni swa swilo swo kwetsima, ni swa magandzelo ya swidyoho lama humeseriwaka Vaisraele, ni swa mitirho hinkwayo ya yindlu ya Xikwembu xa hina.

2 TIHOSI 4:23

Yena a ku: “U yela yini eka yena namuntlha-ke? N'weti a wu si vonaka, naswona a hi Savata.”

Tinhlayo 28:19

Mi ta humesela Yehovha magandzelo lama hisiwaka, ti va tiholokosta: mi humesa tinkunzi timbirhi, ni khuna, ni swinyimpfana swa 7 swa lembe rin'we; mi swi teka swi nga ri na xivati;

Levhitika 1:3

“ ‘Loko nhlengo wa yena yi ri holokosta ya xifuwo lexikulu, u ta humesa nkunzi leyi nga riki na xivati; u ta yi humesa enyangweni ya tabernakela ya nhlengeletano, yi ta amukeriwa emahlweni ka Yehovha.

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 1:13

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

1 SAMIELE 9:12

“Xana Muvoni u kona xana?” Va va hlamula, va ku: “U kona le mahlweni ka wena. Hatlisa sweswi, hikuva namuntlha u tile emutini leswi ku nga ni gandzelo leri phahleriwaka tiko exivandleni lexi tlakukeke.

2 TIKRONIKA 8:13

a humesa magandzelo ya siku rin'wana ni rin'wana, hilaha Muxe a leriseke hakona, ma ri ya Tisavata, ni ya tin'weti letintshwa, ni ya mikhuvo, kanharhu hi lembe, enkhubyeni wa swinkwa leswo kala comela, ni le nkhubyeni wa mavhiki, ni le nkhubyeni wa mitsonga.

Ezekiele 46:7

Loko yi ri nyiko ya swona, yi ta humesa efa hi khuna; loko swi ri swinyimpfana, yi ta endla hilaha yi nga ta swi kota hakona; loko ma ri mafurha, hino yin'we hi efa.

Amosi 8:5

Ni Savata yi ta hundza rini, hi ta pfula swivuya, hi ta hunguta mpimo, hi kurisa nxavo, hi hoxisa xikalo hi ku kanganyisa?

2 TIKRONIKA 2:3

Solomoni a rhuma eka Hiramu hosi ya Tiri, a ku eka yena: “Leswi u swi endleleke tatana Davhida, loko u n'wi rhumerile mirhi ya kedari leswaku a tiakela yindlu ku tshama kona, u ndzi endlela na mina.

Pisalema 81:4

Hikuva i nawu lowu nyikiweke Israele, I ku lerisa ka Xikwembu xa Yakobo;