Tinhlayo 27:21 - Xitsonga (Bibele)

²¹ U ta yima emahlweni ka Eliyazara, muprista, kutani yena u ta n'wi kombelela hi nawu wa Urimi, emahlweni ka Yehovha: hi ku lerisa ka yena, vana va Israele hinkwavo va ta huma, kambe hi ku lerisa ka yena, va ta tlhela va nghena.”

BIBELE Mahungu Lamanene

²¹ Yoxuwa ú ta pfuniwa hi muprista Eliyazara loyi a nga ta n'wi vutisela timhaka eka mina HOSI, hi ku tirhisa ‘Urimi’. Muprista hi yena la nga ta letela mavuthu leswaku ma ya enyimpini, kumbe ma nga yi; Yoxuwa ni ntshungu hinkwawo va ta yingisa yena.”

Tinhlayo 27:21 Referans Kwoze

1 SAMIELE 28:6

Sawulo a vutisa Yehovha, kambe Yehovha a nga n'wi hlamulanga nchumu, hambi ku ri milorhweni, hambi hi Urimi, hambi hi vaprofeta.

Yoxuwa 9:14

Kutani vanhu va Israele va pambula timbuva ta vona, kambe va nga vutisanga nomu wa Yehovha.

Eksoda 28:30

“Kutani u ta veka Urimi na Thumimi engubyeni ya xifuva ya ku avanyisa leswaku swi tshama exifuveni xa Aroni loko a ya emahlweni ka Yehovha; kutani Aroni u ta rhwala ku avanyisa ka vana va Israele exifuveni xa yena, emahlweni ka Yehovha, hi laha ku nga heriki.

Nehemiya 7:65

Mufumi, a va byela leswaku va nga dyi swilo leswo kwetsima, ku kondza ku fika muprista la nga ta vutisa Urimi na Thumimi.

Ezra 2:63

Kutani hosi yi va byela leswaku va nga ka va nga dyi swilo swo kwetsima, ku fikela siku ku humelelaka muprista la nga ta yima emahlweni ka Xikwembu, a tamele Urimi na Thumimi.

1 SAMIELE 30:7

Davhida a ku eka Abiyatara, muprista, n'wana Ahimeleke: “Wa nga ndzi tisela efodi.” Kavaloko Abiyatara a tisa efodi eka Davhida.

1 SAMIELE 23:9

Kambe Davhida a swi tiva leswaku Sawulo a a n'wi lava, kutani a ku eka Abiyatara, muprista: “Tisa efodi!”

Vaavanyisi 20:23

Kutani vana va Israele va tlhandluka va ya rila emahlweni ka Yehovha, ku fika madyambu, va engeta va vutisa Yehovha, va ku: “Xana hi ta engeta hi ya lwa ni vamakwerhu, vana va Benjamini xana?” Yehovha a ku: “Tlhandlukani mi ya lwa na yena.”

Vaavanyisi 20:18

Kutani vana Vaisraele va suka, va tlhandlukela eBetele ku ya vutisa Xikwembu, va ku: “I mani eka hina la nga ta hi rhangela emahlweni ku lwa ni vana va Benjamini?” Yehovha a ku: “A ku rhange Yuda.”

Vaavanyisi 1:1

Kuteloko Yoxuwa a file vana va Israele va vutisa Yehovha va ku: “I mani exikarhi ka hina la nga ta rhanga a khandziya eka Vakanana, a lwa na vona?”

Duteronoma 33:8

Eka Levhi, a ku: “Mathumimi ni Maurimi ya wena a ma vekiwe ka muhlawuriwa wa wena, Loyi u n'wi ringeke Masa, Loyi u n'wi tengiseke ematini ya Meriba,

Tinhlayo 27:17

loyi a va humesaka, ni loyi a va nghenisaka; nhlengeletano ya Yehovha yi nga vi ku kotisa ntlhambi lowu nga riki na murisi.”

Levhitika 8:8

A n'wi ambexa ni nguvu ya xifuva, a veka eka yona Urimi na Thumimi.

Tinhlayo 27:5

Muxe a yisa mhaka ya vona emahlweni ka Yehovha.

Tinhlayo 27:20

U ta n'wi pambulela vukulukumba bya wena, leswaku nhlengeletano hinkwayo ya vana va Israele yi n'wi yingisa.

Tinhlayo 27:22

Muxe a endla hilaha Yehovha a n'wi leriseke hakona a teka Yoxuwa a n'wi yimisa emahlweni ka Eliyazara muprista, ni le mahlweni ka nhlengeletano hinkwayo;

1 SAMIELE 14:19

Kakuloko Sawulo a ha vulavula ni muprista, nkitsikitsi a wu ri karhi wu kula emixaxeni ya Vafilista. Kutani Sawulo a ku eka muprista: “Tlherisa voko ra wena!”

2 SAMIELE 21:1

Emikarhini ya Davhida a ku ri ni ndlala ya malembe manharhu; lembe ri landza lembekulobye; Davhida a lava mombo wa Yehovha, kutani Yehovha a ku: “Hikwalaho ka Sawulo ni ka yindlu ya ngati, hikuva u dlayile va Gibiyoni.”

Malakiya 2:7

Hikuva milomu ya muprista yi fanekela ku hlayisa ku tiva, nawu wu ta laviwa enon'wini wa yena, hikuva i ntsumi ya Yehovha wa mavandla.

Tinhlayo 27:2

va ya humelela emahlweni ka Muxe na Eliyazara, muprista, ni le mahlweni ka tihosi ta nhlengeletano, enyangweni ya tabernakela ya nhlengeletano, va ku:

Duteronoma 31:3

Yehovha, Xikwembu xa wena, u ta va loyi a pelaka emahlweni ka wena, ni la nga ta heta matiko lawa emahlweni ka wena, leswaku u ma fuma. Yoxuwa u ta va loyi a pelaka emahlweni ka wena, hilaha Yehovha a vuleke hakona.