Tinhlayo 24:7 - Xitsonga (Bibele)

⁷ Mati ma huma eswikutswini swa yena, Mbewu ya yena yi ni mati layo tala. Hosi ya yena yi titlakusile ehenhla ka Agaga, Ku fuma ka yona ku ni matimba.

BIBELE Mahungu Lamanene

⁷ Makhuwana ya Vaisraele ma ta khapa-khapa hi mati, timbewu ta vona ti nge pfumali ndzhongo. Hosi ya vona yi ta dzunisiwa ku tlula Agaga, mfumo wa yona wu ta duma ngopfu.

Tinhlayo 24:7 Referans Kwoze

1 TIKRONIKA 14:2

Kutani Davhida a tiva leswaku Yehovha u tiyisile vuhosi bya yena ehenhla ka Israele, ni leswaku vuhosi bya yena byi tlakukile hikwalaho ka tiko ra yena ra Israele.

2 SAMIELE 5:12

Kutani Davhida a tiva leswaku Yehovha u n'wi tiyisile evuhosini bya Israele, ni leswaku u tlakusile vuhosi bya yena hikwalaho ka tiko ra yena ra Israele.

Nhlavutelo 17:1

Ntsumi yin'wana ya leta ntlhanu na timbirhi leti tameleke swimbitana swa ntlhanu na swimbirhi yi ta, yi vulavula na mina, yi ku: “Tana, ndzi ta ku kombisa ku avanyisiwa ka muoswi lonkulu, la tshamiseke ehenhla ka mati layo tala,

Yeremiya 51:13

Wena la akeke ekusuhi ni mati lamakulu, la teleke xuma, makumu ya wena ma fikile, ni vukhamba bya wena byi ta hela.

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

Nhlavutelo 17:15

Kutani a ku eka mina: “Mati lawa u ma voneke, lawa muoswi a tshamiseke eka wona, i swivongo, ni vunyingi, ni matiko, ni tindzimi.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Yohane 1:49

Nataniele a hlamula, a ku eka yena: “Rabi, u N'wana wa Xikwembu, u Hosi ya Israele.”

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Esaya 48:1

Yingisani, n'wina va yindlu ya Yakobo, lava mi thyiweke hi vito ra Israele, lava mi humeke exihlobyeni xa Yuda; n'wina lava mi hlambanyaka hi vito ra Yehovha, lava mi dzunisaka vito ra Xikwembu xa Israele, lava mi nga ni ku kanganyisa ni ku pfumala ku lulama,

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Esaya 2:2

Emikarhini ya makumu, ku ta humelela leswaku ntshava ya yindlu ya Israele yi ta vekiwa enhlohlorhini ya tintshava, yi tlakusiwa ehenhla ka switsunga, kutani matiko hinkwawo ma ta talela kona.

Pisalema 68:26

“Khensani Xikwembu etinhlengeletanweni, Khensani Hosi, n'wina va rixaka ra Israele!”

Pisalema 18:43

U ndzi lwerile eku kanetaneni ka tiko, Kambe u ndzi vekile hosi ya matiko; Tiko leri ingi ndzi nga ri tivi, ra ndzi tirhela.

Ezra 4:20

Kambe Yerusalema, i muti lowu tshamaka wu fumiwa hi tihosi ta matimba leti nga fuma matiko hinkwawo ehase ka nambu, leti muthelo, ni ndzuvo, ni nhlengo swi nga humeseriwa tona.

1 TIHOSI 4:21

Solomoni a a fuma kambe ematikweni hinkwawo, ku suka enambyeni wa Yufrata ku fika etikweni ra Vafilista, ni ku fika endzilakaneni wa Egipta; a va luva eka Solomoni, va n'wi tirhela hi masiku hinkwawo ya ku hanya ka yena.

Tinhlayo 24:20

Balaama a vona Amaleke, a bvumbha, a ku: “Amaleke i xirhangana xa matiko, Kambe siku rin'wana u ta herisiwa.”

Pisalema 89:27

Mina ndzi ta n'wi endla mativula ya mina, La tlulaka tihosi hinkwato ta misava.

1 TIHOSI 5:1

Hiramu, hosi ya Tiri, a rhumela malandza ya yena eka Solomoni, hikuva a a twile leswaku va n'wi vekile hosi ematshan'weni ya tata wa yena, hi ku n'wi chela mafurha; hikuva Hiramu a a ri nakulobye wa Davhida hi masiku hinkwawo.

Estere 3:1

Endzhaku ka sweswo, hosi Ahasuwerusi a tlakusa Hamani, n'wana Hamedata Muagaga; a n'wi kurisa, a tlakusa xitshamo xa yena ku tlurisa swa tihosana hinkwato leti ngi a ri na tona.

Pisalema 72:11

Tihosi hinkwato ti ta khinsama emahlweni ka yona, Matiko hinkwawo ma ta yi tirhela.

Esaya 30:25

Kutani ehenhla ka ntshava yin'wana ni yin'wana leyi leheke, ni le henhla ka ntsunga wun'wana ni wun'wana lowu tlakukeke, milambyana ya mati lama khulukaka yi ta va kona siku ra ku dlawa lokukulu siku makhokholo ma waka.