Tinhlayo 24:14 - Xitsonga (Bibele)

¹⁴ Kutani sweswi ndzi tiyela eka rikwerhu. Tana, ndzi ta ku tivisa leswi tiko leri ri nga ta swi endla eka tiko ra wena masiku man'wana.”

BIBELE Mahungu Lamanene

¹⁴ Kutani sweswi ndzi fanele ku tlhelela ekarikwerhu; kambe loko ndzi nga si suka, tana ndzi ta ku tivisa leswi vanhu lava va nga ta swi endla eka vanhu va ka n'wina, eminkarhini leyi taka.”

Tinhlayo 24:14 Referans Kwoze

Mikiya 6:5

Tiko ranga, anakanya makungu lawa Balaka, hosi ya Mowabu ingi a ma lunghisile, ni leswi Balaama, n'wana Beyori, a n'wi hlamuleke swona, ni leswi humeleleke Xitimi ku ya fika eGiligala, u ta tiva ku endla ka Yehovha loku lulameke.”

Genesa 49:1

Kavaloko Yakobo a vitana vana va yena, a ku: “Hlengeletanani, ndzi ta mi tivisa leswi nga ta mi humelela emikarhini leyi taka.

Nhlavutelo 2:14

Kambe ndzi ni timhaka ti nga ri tingani ehenhla ka wena: Kwalaho, u ni lava khomeke dyondzo ya Balaama, a nga dyondzisa Balaka ku veka xikhunguvanyiso emahlweni ka vana va Israele, va ta dya leswi nga tlhaveriwa swifaniso swa swikwembu, ni ku endla vuoswi;

2 Timotiya 3:1

U nga tiva mhaka leyi, leswaku emasikwini ya makumu, ku ta humelela mikarhi yo nonon'hwa.

Daniele 2:28

Kambe xi kona Xikwembu ematilweni, lexi hlavutelaka swihundla, kutani xi tivisile hosi Nebukadnetsara leswi nga ta humelela emikarhini leyi nga ta ta. Norho wa wena, ni leswi u swi voneke, leswi tikombiseke enhlokweni ya wena ebyetlelweni bya wena, hi swo leswi:

Nhlavutelo 2:10

U nga chavi nchumu eka leswi u nga ta xanisiwa ha swona. Vona, Diyavulosi u ta nghenisa van'wana va n'wina ekhotsweni leswaku mi ringiwa kutani mi ta va ni nhlomulo wa masiku ya khume. U va u tshembeka ku yisa eku feni, kutani ndzi ta ku nyika harhi ya vutomi.

Timhaka 2:17

‘Hi masiku ya makumu, ku vula Xikwembu, ndzi ta chela nyama hinkwayo hi Moya wa mina; vana va n'wina va xinuna ni va xisati va ta bvumbha, lavantshwa va n'wina va ta vona mahlori; ni swidyuhati swa n'wina swi ta lorha milorho.

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Daniele 10:14

Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

Yeremiya 49:39

Hambiswiritano, enkarhini wa ku hetelela ndzi ta tlherisa eku bohiweni va ka Elamu, ku vula Yehovha.”

Yeremiya 48:47

Hambiswiritano, ndzi ta tlherisa va le ku bohiweni va Mowabu enkarhini wa le ndzhaku, ku vula Yehovha.” Hi kona ku avanyisiwa ka Mowabu.

Esaya 24:22

Ti ta pfaleriwa swin'we erindzini, ti ta khotsiwa ekhotsweni; kuteloko ku hundze nkarhi wo leha, ti ta biwa.

Tinhlayo 24:17

Ndzi n'wi vona, kambe a hi sweswi, Ndza n'wi hlalela, kambe ku nga ri kusuhi. Nyeleti yi hume eka Yakobo, Nhonga ya vuhosi yi hume eIsraeleni. Yi tlhava matsheve ya Mowabu, Yi heta vana hinkwavo va dzolonga.

Tinhlayo 24:25

Kavaloko Balaama a pfuka, kutani a tlhelela karikwavo; na yena Balaka a tifambela hi ndlela ya yena.

Yoxuwa 13:22

Vana va Israele a va dlayile hi tlhari Balaama n'wana Beyori, mungoma; va engetela ha yena lava dlayiweke.