Tinhlayo 23:9 - Xitsonga (Bibele)

⁹ Ndzi ta karihela yini, loko Yehovha a nga karihanga? Ndzi n'wi vona ndzi ri enhlohlorhini ya ribye, Ndzi n'wi languta ndzi ri etintshaveni. Vonani, i tiko leri tshamaka hitlhelo, Leri nga hlayiwiki ni matiko.

BIBELE Mahungu Lamanene

⁹ Vanhu lava, ndzi va vona ndzi ri laha nhlohlorhini ya ntshava, ndzi va languta ndzi ri eswintshabyaneni: I vanhu va rixaka leri titshamelaka ri ri roxe, leri tihambanyiseke ni tinxaka tin'wana.

Tinhlayo 23:9 Referans Kwoze

Duteronoma 33:28

Israele u akile hi ku rhula, Xihlovo xa Yakobo xi pfelela Etikweni ra koro ni ra vhinyo; Kunene tilo ra yena ri tshona mberha.

Duteronoma 32:8

La nge henhla loko a nyikile matiko ndzhaka ya wona, Ni loko a avanyisile vana va vanhu, U tsarile mindzilekana ya matiko Hi ntsengo wa vana va Israele,

Eksoda 33:16

Swi ta tiviwa ha yini leswaku ndzi vonile tintswalo ta wena, mina ni tiko ra wena? Xana a hi loko u famba na hina? Hi sweswo hi nga ta hlawuriwa, mina ni tiko ra wena eka matiko hinkwawo lama nga emisaveni.”

Estere 3:8

Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

Ezra 9:2

Hilaha va tekeke vana va vona, va va tekanisa ni vana va vona, kutani rixaka ra ku kwetsima, va ri hlanganisile ni vamatiko, ku dyoha koloko ku sungurile hi tihosana ta tiko ni valerisi va rona.”

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

2 Vakorinto 6:17

Hikwalaho, humani exikarhi ka vona, mi tihlawula, ku vurisa sweswo Hosi; mi nga tshuki mi khumba swa thyaka, kutani ndzi ta mi amukela.

Amosi 9:9

“Hikuva, vonani, ndzi ta lerisa, kutani ndzi ta hlela yindlu ya Israele exikarhi ka matiko hinkwawo, ku kota loko ku hlunguriwa mavele hi rihlelo, ku nga sali ni ndzhoho leyi welaka ehansi.

Yeremiya 46:28

Wena u nga chavi nandza wanga, Yakobo, ku vula Yehovha, hikuva ndzi na wena; hikuva ndzi ta herisa matiko hinkwawo lawa ndzi ku hangalaseleke exikarhi ka wona; loko u ri wena ndzi nga ka ndzi nga ku herisi, ndzi ta ku holovela hi mpimo; hikuva ndzi tsandzeka ku ku tshika u nga layiwi.”

Yeremiya 49:31

“Sukani, mi tlhandlukela eka tiko leri rhuleke, laha va akeke hi ku tshemba, ku vula Yehovha. A ku na tinyangwa, hambi tinghole eka vona, va ake swavo.

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.