Tinhlayo 23:5 - Xitsonga (Bibele)

⁵ Kavaloko Yehovha a veka rito enon'wini wa Balaama a ku: “Tlhela eka Balaka, u n'wi byela leswo karhi ni swo karhi.”

BIBELE Mahungu Lamanene

⁵ Kavaloko HOSI Xikwembu xi hlamusela Balaama emakungu, kutani xi n'wi byela leswaku a tlhelela laha Balaka a a ri kona, a fika a vulavula hilaha a lerisiweke hakona.

Tinhlayo 23:5 Referans Kwoze

Yeremiya 1:9

Ku va laha Yehovha a tshambulutaka voko ra yena, kutani a khumba nomu wa mina, a ku eka mina: “Vona, ndzi veka marito ya mina enon'wini wa wena.

Duteronoma 18:18

Ndzi ta va pfuxela muprofeta kukotisa wena exikarhi ka vamakwavo, ndzi ta nghenisa marito ya mina enon'wini wa yena, kutani u ta va byela hinkwaswo leswi ndzi nga ta n'wi lerisa swona.

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!

Esaya 51:16

Ndzi vekile marito ya mina enon'wini wa wena, ndzi ku vekile endzhutini wa voko ra mina, ku andlala matilo lamantshwa ni ku sungula misava leyintshwa, ni ku byela Siyoni: ‘U tiko ra mina!’ ”

Tinhlayo 23:16

Kavaloko Yehovha a ya hlangana na Balaama, a veka rito enon'wini wa yena, a ku: “Tlhela eka Balaka, u ta n'wi byela leswo karhi ni swo karhi.”

Yohane 11:51

Kambe a nga vurisanga sweswo a tisungulela, kambe, hikuva a a ri muprista lonkulu hi lembe rero, a bvumbha leswaku Yesu u fanele ku fela tiko;

Luka 12:12

hikuva Moya lowo Kwetsima wu ta mi dyondzisa enkarhini wolowo, leswi mi fanelaka ku swi vula.”

Swivuriso 16:9

Mbilu ya munhu yi tikanelela ndlela; Kambe i Yehovha la lulamisaka mikondzo ya yena.

Swivuriso 16:1

Makungu ya mbilu i ya munhu; Loko ku ri ku hlamula ka ririmi ku huma eka Yehovha.

Tinhlayo 22:35

Ntsumi ya Yehovha yi ku eka Balaama: “Famba ni vanhu lava, kambe u ta vula ntsena lexi ndzi nga ta ku byela xona.” Kutani Balaama a famba ni tindhuna ta Balaka.

Tinhlayo 22:20

Kutani Xikwembu xi ta eka Balaama nivusiku, xi ku eka yena: “Leswi vanhu lava va teke ku ku vita, famba na vona, ntsena u ta endla lexi ndzi nga ta ku byela xona.”

Eksoda 4:15

U ta vulavula na yena, u veka marito enon'wini wa yena, kutani ndzi ta va ni milomu ya n'wina, ndzi mi dyondzisa leswi mi nga ta swi endla.

Tinhlayo 23:4

Xikwembu xi ya hlangana na Balaama kutani Balaama a ku eka xona: “Ndzi lunghisile tialitari leti ta 7, ndzi humesile nkunzi ni khuna ehenhla ka alitari yin'wana ni yin'wana.”

Tinhlayo 23:6

A tlhelela eka yena, kutani a n'wi kuma a yimile ekusuhi ni holokosta ya yena, a ri ni tihosi hinkwato ta Mowabu.