Tinhlayo 23:22 - Xitsonga (Bibele)

²² Xikwembu xi va humesile eEgipta; Xi va nyikile matimba ya nyarhi,

BIBELE Mahungu Lamanene

²² Xikwembu xi va humesile etikweni ra Egipta, kutani loko va ri na xona, va tiyile ku fana ni tinyarhi.

Tinhlayo 23:22 Referans Kwoze

Duteronoma 33:17

Nkunzi ya yena ya mativula i ku kwetsima ka yena, Timhondzo ta yona i timhondzo ta nyarhi; U ta tlhava ha tona matiko hinkwawo swin'we, Ku ya fika emakun'wini ya misava. Hi byona vunyingi bya Efrayimi, Hi wona madzanadzana ya Manase.”

Tinhlayo 24:8

Xikwembu xi n'wi humese Egipta, A heta matiko, va nga valala va yena; A faya marhambu ya vona, a khandla miseve ya vona.

Pisalema 22:21

U ndzi ponisa enon'wini wa nghala, Kambe u ndzi lwela etimhondzweni ta tinyarhi!

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Pisalema 92:10

U tlakusa rimhondzo ra mina kukota ra nyarhi; Ndzi totiwile hi mafurha lamantshwa ya munyatsi.

Pisalema 68:35

Wa chaveka, oho Xikwembu! Exikarhi ka vukwetsimelo bya wena. Xikwembu xa Israele, hi xona lexi nyikaka tiko ra xona matimba ni ku fuma. A ku khensiwe Xikwembu!

Tinhlayo 22:5

A rhuma tintsumi eka Balaama, n'wana Beyori, emutini wa Petoro, enambyeni, etikweni ra vana va tiko ra yena, ku ya n'wi vita; va ku eka yena: “Waswivo, tiko ri humile eEgipta, ri funengeta misava, kambe ri akile ri langutene na mina.

Eksoda 14:18

Vaegipta va ta tiva leswaku hi mina Yehovha, loko ndzi ta tidzunisa ha Faro ni makalichi ya yena ni lava khandziyaka tihanci.”

Eksoda 9:16

Kambe ndzi ku tshikile hikwalaho leswaku u vona matimba ya mina, ni leswaku vito ra mina ri twakala emisaveni hinkwayo.

Yoxuwa 2:10

Hikuva hi twile hilaha Yehovha a omiseke mati ya Lwandle ro Tshwuka emahlweni ka n'wina, loko mi huma eEgipta, ni laha mi endleke hakona eka tihosi timbirhi ta Vaamori ehase ka Yordani, a nga Sihoni na Ogo, lava mi nga va yirisa.

Esaya 34:7

Tinyarhi, ni tinkunzi, ni tihavi ti wa na tona kutani tiko ri ta cheleriwa hi ngati, ni misava yi ta nyuka hi mafurha.

Eksoda 12:41

Eku heteleleni ka malembe ya 430, hi siku lero, mavandla hinkwawo ya Yehovha ma huma etikweni ra Egipta.

Eksoda 12:51

Ha rona siku rero, Yehovha a humesa vana va Israele etikweni ra Egipta hi mavandla ya vona.