Tinhlayo 23:21 - Xitsonga (Bibele)

²¹ A nga voni nandzu eka Yakobo, A nga voni ku homboloka ka Israele. Yehovha, Xikwembu xa yena, u na yena, I hosi ya yena loyi va n'wi bumabumelaka.

BIBELE Mahungu Lamanene

²¹ Xikwembu a xi vonanga nchumu xo biha erixakeni ra Yakobo, hambi ma ri manyala, a xi ma vonanga eka Vaisraele. HOSI Xikwembu xa vona xi na vona, hi xona hosi ya vona leyi va yi belaka minkulungwana.

Tinhlayo 23:21 Referans Kwoze

Pisalema 23:4

Ni loko ndzi famba enkoveni wa ndzhuti wa rifu, A ndzi chavi ku biha ni kun'we, hikuva u na mina: Nhonga ya wena ni xongotelo ra wena, hi swona leswi ndzi tiyisaka.

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Yeremiya 50:20

Emikarhini yoleyo, ni le nguveni yeleyo, ku vula Yehovha, ku ta laviwa ku homboloka ka Israele, kambe a ku nga ha vi kona, ni swidyoho swa Yuda kutani a swi nga ha kumiwi, hikuva ndzi ta khomela lava ndzi va siyeke.

Esaya 38:17

Waswivo, mahlomulo yanga ma tirhile ku hlayiseka ka mina; hi rirhandzu ra wena u humesile moya wa mina esirheni ra swahava; hikuva u cukumetile swidyoho swa mina hinkwaswo endzhaku ka wena.

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Esaya 8:10

Kanelani makungu, ma ta hundzuka swahava! Lerisani milawu, kambe yi nga ka yi nga humeleri, hikuva Xikwembu xi na hina!

Esaya 1:18

“Tanani, hi tenga timhaka!” ku vula Yehovha. “Loko swidyoho swa n'wina swi tshwukile, swi kotisa xivunguvungu, xana swi nga basa tanihi gamboko? Loko swi tshwukile tanihi crimson, xana swi nga fana ni voya bya tinyimpfu?

Varhoma 6:14

Hikuva vudyoho byi nga ka byi nga mi fumi, hikuva a mi le hansi ka nawu, kambe mi le hansi ka tintswalo.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 118:15

Rito ra mihuvo ni ra ku ponisiwa Ri twakala emixaxeni ya lavo lulama: Voko ra xinene ra Yehovha ri tirhe hi matimba!

Pisalema 97:1

Yehovha wa fuma. Misava a yi tsake, Swihlale hinkwaswo a swi tsakisise!

Duteronoma 33:5

A a ri hosi ya Yexuruni (Israele). Siku tihosi ta tiko ti hlengeletene Ni tinyimba ta Israele.

Ezekiele 48:35

Loko ku tingiwa, va pima swisungunhu swa 18 000. Ku suka siku rolero, vito ra muti va ta ku: ‘Yehovha u kona la.’ ”

Pisalema 103:12

Hi laha vuxa byi hambaneke ni vupeladyambu, U hambanyisile sweswo ku dyoha ka hina kule na hina.

Pisalema 46:7

Yehovha wa mavandla u na hina, Xikwembu xa Yakobo i xichavelo xa hina lexi tlakukeke!

Pisalema 32:5

Ndzi ku tivisile xidyoho xa nga, A ndzi fihlanga ku homboloka ka nga; Ndzi te: “Ndzi ta tivula ka Yehovha ku dyoha ka mina,” Kutani u hlangurile nandzu wa xidyoho xanga.

Pisalema 32:2

Ku katekile munhu loyi Yehovha a nga n'wi hlayeriki ku biha ka yena, Loyi ku nga riki na mano embilwini ya yena!

2 TIKRONIKA 13:12

Kutani maswivo, Xikwembu xi na hina emahlweni ka hina, swin'we ni vaprista va xona, ni tinanga leti pfumaka ku ta pfumisela n'wina. Vana va Israele! Mi nga humi nyimpi ku lwa na Yehovha, Xikwembu xa vatata wa n'wina, hikuva mi nga ka mi nga hluli.”

Vaavanyisi 6:13

Gidiyoni a ku eka yona: “Yo! N'wini wanga, loko ngi Yehovha a ri na hina, leswo hinkwaswo a swi ta hi humelerisa ku yini? Ma kwihi masingita ya yena hinkwawo lawa vatata wa hina va hi byeleke wona va ku: ‘Xana a hi Yehovha la nga hi humesa eEgipta?’ Sweswi Yehovha u hi fularhele, u hi nyiketile emavokweni ya Vamidiyani.”

Eksoda 34:9

“Hosi, loko kunene ndzi vonile tintswalo ta wena, Hosi a yi fambe na hina, hikuva kunene i tiko ra tinhamu leto nonon'hwa, kambe u hi khomela ku dyoha ka hina, ni ku homboloka ka hina, kutani u hi fuwa, hi va ndzhaka ya wena.”

Eksoda 13:21

Yehovha a va rhangela emahlweni hi ku nembelela ka papa ninhlekanhi, ku va komba ndlela, ni ku pfurha ka ndzilo nivusiku ku va voningela leswaku va famba nhlekanhi ni vusiku.

2 Vakorinto 6:16

Tempele ya Xikwembu yi ni ku pfumelelana kwihi ni swifaniso leswi khongeriwaka? Hikuva hi n'wina mi nga tempele ya Xikwembu lexi hanyaka, kukotisa leswi Xikwembu xi nga te: “Ndzi ta tiakela exikarhi ka vona, ndzi tifambela kona, ndzi ta va Xikwembu xa vona, kutani vona va ta va tiko ra mina.”

2 Vakorinto 5:19

Hikuva Xikwembu a xi ri eka Kriste, loko xi hlanganisa misava na xona, hi leswi vanhu va nga ha hlayeriwiki swidyoho swa vona kutani xi nghenise eka hina marito ya ku hlangana.

2 Vakorinto 2:14

A ku dzunisiwe Xikwembu lexi hi nyikaka ku hlula ha Kriste hi mikarhi hinkwayo, lexi nga eka hina ku nun'hwela ka ku tiva ka xona hinkwako.

Varhoma 8:1

Kutani sweswi, a ka ha ri na ku avanyisiwa eka lava nga ka Yesu Kriste.

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Eksoda 3:12

Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Tinhlayo 14:18

‘Yehovha u hlwele ku kariha, u tele tintswalo, wa khomela nandzu ni ku dyoha; kambe xidyohi, a nga xi vuri la nga riki na nandzu, kutani a londza ku dyoha ka vatatana ehenhla ka vana va vona, ku fika erixakeni ra vunharhu ni ra vumune.’

Tinhlayo 14:19

Wa nga rivalela tiko leri nandzu wa rona hi vukulu bya tintswalo ta wena, kukotisa leswi u rivaleleke tiko leri ku suka eEgipta, ku fika kwala.”

Duteronoma 9:24

Mi tshama mi pfuka Yehovha ku suka siku leri ndzi sunguleke ku mi tiva.

Duteronoma 31:23

Yehovha a lerisa Yoxuwa, n'wana Nuni, a ku eka yena: “Tiyisa mbilu, u tiya, hikuva hi wena la nga ta nghenisa vana va Israele etikweni leri ndzi va hlambanyeleke rona; kambe mina, ndzi ta va na wena.”

Duteronoma 32:5

Leswi va tionheke, a nga na nandzu ka vona, Tingana ti ni vana va yena, I rixaka ro homboloka ni ro hemba.

Levhitika 9:24

Ndzilo wu huma emahlweni ka Yehovha, wu hisa holokosta, ni mafurha ealitarini; tiko hinkwaro ri wu vona, kutani va huwelela hi ku tsaka, va tiwisa ehansi hi mimombo ya vona.

Tinhlayo 9:22

Hambi papa ri yima ehenhla ka Yindlu masiku mambirhi, kumbe n'hweti, kumbe nkarhi lowo leha ku tlurisa, vana va Israele va tshama emixaxeni, a va nga suki; kutani loko ri suka, a va suka.

Tinhlayo 16:3

Kutani va hlengeletana va rhendzela Muxe na Aroni va ku eka vona: “Swi ringene, hikuva nhlengeletano hinkwayo yi kwetsimile, kutani Yehovha u le xikarhi ka vona! Xana mi tikurisela yini ehenhla ka nhlengeletano ya Yehova-ke?”

1 SAMIELE 25:28

Wa nga rivalela nandza wa wena nandzu, hikuva Yehovha u ta tiyisa kunene yindlu ya hosi yanga, hikuva hosi yanga yi lwa tinyimpi ta Yehovha, kutani ku biha ku nga ka ku nga kumiwi eka wena hi masiku hinkwawo ya wena.

Pisalema 99:2

Yehovha u lonkulu eSiyoni, U tlakukile ehenhla ka matiko hinkwawo.

Pisalema 135:21

Yehovha la tiakeleke Yerusalema, a a khensiwe eSiyoni! Dzunisani Yehovha!

Esaya 33:21

Hikuva kona Yehovha i Mukwetsimi eka hina; u fana ni milambu, ni mativa lamakulu eka hina, laha ku nga ngheniki mabyatso lama tlutiwaka laha ku nga fikiki ngalava ni yin'we.

Yuwele 2:27

Mi ta tiva leswaku ndzi le xikarhi ka Israele, ni leswaku mina Yehovha ndzi Xikwembu xa n'wina; a ku na xin'wana; tiko ra mina ri nga ka ri nga ha tshami ri khomiwa hi tingana, ni siku ni rin'we.