Tinhlayo 23:19 - Xitsonga (Bibele)

¹⁹ Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

BIBELE Mahungu Lamanene

¹⁹ Xikwembu a hi munhu, xana xi nga hemba ke? A hi n'wana wa munhu, xana xi nga tlhela emakungwini ya xona ke? Xana xi nga vula xanchumu, kutani xi nga xi endli xana? Kumbe xana xi nga tshembisa xanchumu, kutani xi nga hetisi xitshembiso xa xona xana?

Tinhlayo 23:19 Referans Kwoze

1 SAMIELE 15:29

Loyi a nga ku tshemba loku tiyeke ka Israele a nga hembi ni ku tilandzula, hikuva a hi munhu leswaku a nga tilandzula.”

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Malakiya 3:6

“Hikuva mina Yehovha a ndzi hundzukanga, hikwalaho n'wina, vana va Yakobo mi nga ka mi nga herisiwi.

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Varhoma 11:29

hikuva ku nyika ka Xikwembu, ni ku vitana ka xona, a ku na ku hundzuka.

Luka 21:33

Tilo ni misava swi ta hundza, kambe marito ya mina ma nga ka ma nga hundzi.

Habakuku 2:3

hikuva hlavutelo leyo ya ha tshamele nkarhi wa kona, kambe yi ta hatlisa eku heteleleni, yi nga ka yi nga xisi. Hambi yi nga hlwela, u yi langutela, hikuva yi ta endlakala swinene, yi nga ka vi nga hlweri.

Pisalema 89:35

“Ndzi hlambanyile kan'we hi ku kwetsima ka mina; Xana ndzi ta hembela Davhida-ke?

Hosiya 11:9

Ndzi nga ka ndzi nga endli hi ku pfurha ka vukari bya mina, ndzi nga ka ndzi nga tlheri ndzi lahla Efrayimi, hikuva mina ndzi Xikwembu, a ndzi munhu, hi mina la twalaka exikarhi ka wena; ndzi nga ka ndzi nga ti hi vukari.

Mikiya 7:20

U ta kombisa Yakobo vunene, na Abrahama tintswalo leti u nga ti hlayela vatatana hi ku hlambanya ka ha ri emikarhini ya khale.

1 TIKRONIKA 17:17

Oho! Xikwembu! I mhaka leyitsongo emahlweni ka wena; kambe u vurile ni mhaka ya yindlu ya nandza wa wena ya mikarhi leyi nga ta ta; kutani u ndzi langutile hi mukhuva wa vanhu, wee, Yehovha, Xikwembu, la nge henhlahenhla!

Varhoma 9:6

Hambiswiritano, a hileswaku rito ra Xikwembu ri wile; hikuva a hi hinkwavo lava humeke eka Israele lava nga Vaisraele;

2 Timotiya 2:13

Loko hi nga tshembeki, yena kambe wa tshembeka, hikuva a nga swi koti ku tilandzula.

Vaheveru 7:21

hikuva loko van'wana va vekiwile vaprista ku hlambanya ku nga ri kona, yena u vekiwile hi ku hlambanya, hi la u nga te eka yena: “Hosi yi hlambanyile kutani yi nga ka yi nga tlheri: U muprista hilaha ku nga heriki hi mukhuva wa Melkisedeke.”

Yakobo 4:5

Xana mi ringanisa leswaku Matsalwa ma vula swahava xana? Moya lowu akeke eka hina, xana wu ni ku navela loku yisaka eku kalaleni xana?

Genesa 28:15

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

Tinhlayo 14:35

Mina Yehovha ndzi vurisile, ndzi ta endlisa sweswo eka nhlengeletano leyo biha leyi hlengeletaneke ku lwa na mina, va ta hela emananga lawa, va fa kona.”

Tinhlayo 23:18

Kavaloko Balaama a bvumbha, a ku: “Pfuka Balaka, u yingisa, Rhiya ndleve n'wana Siporo:

Pisalema 89:34

Ndzi nga ka ndzi nga onhi ntwanano wa mina, Ni ku hundzuluxa rito leri nga huma emilon'wini ya mina.

Pisalema 110:4

Yehovha u hlambanyile a nga ka a nga hundzuki, U te: “U muprista hi laha ku nga heriki, Hi mukhuva wa Melkisedeke.”

Esaya 21:17

Eka mavurha layo tala ya tinhenha ta Kedari, ku ta sala xitsanana ntsena; hikuva Yehovha, Xikwembu xa Israele u vurisile.”

Esaya 31:2

Kasi na yena u ni vutlhari; hikwalaho a tisaka maxangu, a nga tlherisi marito ya yena; u ta pfukela yindlu ya vadyohi, ni ku pfuna ka lava tirhaka swo homboloka.

Esaya 40:8

Byanyi bya oma, xiluva xa vuna, kambe rito ra Xikwembu xa hina ri ta tshama hilaha ku nga heriki.

Esaya 46:11

Ndzi vitana gama hi le vuxeni, ni munhu la nga ta endla ku rhandza ka mina le tikweni leri nga ekule. Hilaha ndzi vuleke hakona, ndzi ta endlisa sweswo; ndzi kanerile mhaka, ndzi ta yi hetisa.

Esaya 55:11

swi tano ni rito ra mina, le ri humaka enon'wini wa mina: Ri nga ka ri nga tlheleri eka mina ri nga si tirha nchumu, ri nga si endla ku rhandza ka mina, ri nga si hetisa makungu ya mina.

Yeremiya 4:28

Hikwalaho tiko ri ta rila, ni matilo lama nge henhlahenhla ma ta hundzuka ntima, hikuva ndzi vula leswi ndzi swi anakanyeke, ndzi nga ka ndzi nga tshiki, ndzi nga ka ndzi nga hundzuki eka swona.”

Daniele 4:28

Timhaka leti hinkwato ti humelerile hosi Nebukadnetsara.

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

Yoxuwa 21:45

A ku wanga na rito rin'we ra marito hinkwawo yo saseka lawa Yehovha a ma byeleke yindlu ya Israele: hinkwaswo swi humelele.

1 SAMIELE 3:12

Hi siku lero ndzi ta hetisa henhla ka Heli hinkwaswo leswi ndzi swi vuleke hikwalaho ka yindlu ya yena; ndzi ta sungula, ndzi va ndzi heta.

1 TIHOSI 14:11

Munhu wa Yerobuwamu la nga ta fa emutini, u ta dyiwa hi timbyana, ni loyi a nga ta fa enhoveni u ta dyiwa hi tinyanyana ta le tilweni; hikuva Yehovha u vurisile.” ’

2 TIHOSI 7:2

Kutani ndhuna ya hosi leyi yi tiseketelaka evokweni ra yona, yi hlamula yi ku eka munhu wa Xikwembu: “Hambi Yehovha a nga boxa mafasitere etilweni, mhaka leyo tano yi nga ka yi nga humeleli.” Elixa a hlamula, a ku: “U ta swi vona hi mahlo, kambe u nga ka u nga dyi swona.”

2 TIHOSI 15:12

Hi rona rito ra Yehovha leri a ri byeleke Yehu loko a ku: “Vana va wena va ta tshama exiluvelweni xa Israele, ku fika erixakeni ra vumune”; swi va tano.

Pisalema 77:9

Xana Xikwembu xi rivele ku twela vusiwana? Kumbe evukarini bya xona xi pfarile xihlovo xa tintswalo ta xona xana?”

Pisalema 132:11

Yehovha u endlile nhlambanyo lowunene ka Davhida, A nga ka a nga hundzuki ka yona, u te: “Ndzi ta veka exiluvelweni xa wena n'wana la velekiweke hi wena.