Tinhlayo 23:12 - Xitsonga (Bibele)

¹² A hlamula, a ku: “Xana a ndzi faneri ku vula ntsena lexi Yehovha a ndzi vekeleke enon'wini xana?”

BIBELE Mahungu Lamanene

¹² Balaama a hlamula a ku: “Xana a ndzi fanelanga ku yingisa HOSI Xikwembu, ndzi vula leswi xi ndzi leriseke swona, xana?”

Tinhlayo 23:12 Referans Kwoze

Tinhlayo 22:38

Balaama a ku eka Balaka: “Wa swi vona, ndzi tile eka wena; kambe sweswi xana ndzi ta swi kota ku vula lexi ndzi xi rhandzaka xana? Rito leri Xikwembu xi nga ta veka enon'wini wa mina, hi rona leri ndzi nga ta ri vula.”

Tinhlayo 24:13

‘Hambiloko Balaka a ndzi tatisela yindlu ya yena hi silivhere ni nsuku, a ndzi nyika swona, ndzi nga ka ndzi nga tluli ku lerisa ka Yehovha hi ku tisungulela ndzi ri mina, xilo lexo saseka, kumbe lexo biha, leswi Yehovha a nga ta ndzi lerisa swona, ndzi ta swi vula’?

Tinhlayo 23:26

Balaama a hlamula, a ku eka Balaka: “Xana a ndzi ku byelanga leswaku hinkwaswo leswi Yehovha a nga ta swi vula, ndzi ta swi endla xana?”

Tinhlayo 23:20

Kunene, ndzi lerisiwe ku katekisa; U katekisile, ndzi nga ka ndzi nga hundzuli.

Tito 1:16

Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.

Varhoma 16:18

Hikuva lavo tano a va tirheli Hosi ya hina, Yesu Kriste, kambe va tirhela makhwiri ya vona ntsena; kutani va hambukisa timbilu ta lavo rivala hi marito lama tsakisaka, ma ku lwandla enon'wini.

Swivuriso 26:25

Loko a vulavula hi vunene, u nga kholwi ha yena, Hikuva manyala ya ntlhanu na mambirhi ma le mbilwini ya yena.

Tinhlayo 22:20

Kutani Xikwembu xi ta eka Balaama nivusiku, xi ku eka yena: “Leswi vanhu lava va teke ku ku vita, famba na vona, ntsena u ta endla lexi ndzi nga ta ku byela xona.”

Eksoda 4:15

U ta vulavula na yena, u veka marito enon'wini wa yena, kutani ndzi ta va ni milomu ya n'wina, ndzi mi dyondzisa leswi mi nga ta swi endla.

Tinhlayo 23:13

Balaka a ku eka yena: “Tana sweswi na mina, hi ya endhawini yin'wana laha u nga ta ri vona hitlhelo ntsena u nga tshuki u ri vona hinkwaro; u ta ri rhukana u ri kwalaha.”

Tinhlayo 23:3

Kutani Balaama a ku eka Balaka: “Yima ekusuhi ni holokosta ya wena mina ndzi ta ya etlhelo, swimbe Yehovha u ta hlangana na mina, kutani ndzi ta ku byela leswi a nga ta ndzi kombisa.” Kavaloko a ya exivandleni lexi ngi rivala.