Tinhlayo 22:6 - Xitsonga (Bibele)

⁶ Sweswi tana, ndza ku khongela, u ndzi rhukanela tiko leri, hikuva ri ndzi tlula hi matimba. Kumbe ndzi ta swi kota ku ri hlula, ni ku ri hlongorisa handle ka tiko, hikuva ndza swi tiva leswaku loyi u n'wi katekisaka u katekile, ni loyi u n'wi rhukanaka u rhuketeriwile.”

BIBELE Mahungu Lamanene

⁶ Hi kombela leswaku u hatlisa u ta, u ta hi rhuketelela vona, hikuva va hi tlula hi matimba. Kumbexana loko wo va rhuketela, hi nga kota ku va hlula, hi va hlongola va huma laha tikweni ra hina, hikuva ndza swi tiva leswaku loyi u n'wi katekisaka, wa kateka, ni loyi u n'wi rhuketelaka, wa rhukaniwa.”

Tinhlayo 22:6 Referans Kwoze

Tinhlayo 24:9

A khinsama, a khondla kukota nghala, kukotisa ntswele ya nghala: I mani la nga ta n'wi pfuxa? Ku katekile lava ku katekisaka, A ku rhukaniwe lava ku rhukanaka.”

Timhaka 16:16

Kambe, kakuloko hi ya exikhongelweni, ku humelela nandza un'wana wa wansati loyi ngi a ri ni moya wa pitona (wa vungoma), a hlangana na hina; a a fumisa veni va yena hi ku bvumbha.

Ezekiele 13:6

milorho ya vona i swahava; vuprofeta bya vona i byo hemba, va ri: ‘Ku vurile Yehovha!’ Kasi Yehovha a nga va rhumanga.

Nehemiya 13:2

hikuva a va yanga va ya hlangana ni vana va Israele hi vuswa ni mati kambe va hakela Balaama leswaku a va rhukana, ntsena Xikwembu xa hina hi xona lexi nga n'wi hlamula ku rhukana hi ku katekisa.

1 TIHOSI 22:13

Nandza la fambeke ku ya vitana Mikaya a ku eka yena: “Waswivo, vaprofeta va ve nomu wun'we ku bvumbhela hosi leswo saseka. Rito ra wena a ri fane ni rito ra un'wana wa vona, u vula swo saseka!”

1 TIHOSI 22:8

Hosi ya Israele yi ku eka Yoxafati: “Ka ha sele munhu un'we loyi hi nga vutisaka Yehovha ha yena; kambe ndza n'wi venga hikuva a nga ndzi bvumbheri swo saseka, kambe leswo biha: I Mikaya, n'wana Imila.” Yoxafati a ku: “Hosi yi nga tshuki yi vula sweswo!”

1 TIHOSI 22:6

Kavaloko hosi ya Israele yi hlengeleta vaprofeta, va lava ku va mune wa madzana, kutani a ku eka vona: “Xana ndzi nga ya hlasela Ramoto wa Giliyadi, kumbe ndzi nga yi xana?” Kutani va ku: “Tlhandluka, Yehovha u ta wu nyiketa emavokweni ya hosi.”

1 SAMIELE 17:43

Kavaloko Mufilista a ku eka Davhida: “Xana ndzi mbyana, leswi u taka ka mina hi tinhonga!” Kutani Mufilista a rhuketela Davhida hi swikwembu swa yena.

Duteronoma 23:4

hikuva a va hlangananga na n'wina hi vuswa ni mati endleleni, loko mi humile eEgipta, na swona hikuva va hakerile Balaama, n'wana Beyori, wa Petoro, muti wa Mesopotamiya, leswaku a ta eka wena a ku rhukana.

Tinhlayo 22:17

ndzi ta ku dzunisa ngopfu; kambe hinkwaswo leswi u nga ta ndzi byela, ndzi ta swi endla. Wa nga ta u ndzi rhukanela tiko leri!’ ”

Tinhlayo 22:12

Xikwembu xi ku eka Balaama: “U nga ka u nga fambi na vona. U nga ka u nga rhukaneli tiko leri hikuva ri katekisiwile.”

Genesa 27:29

Matiko a ma ku tirhele, tinxaka ti ku khinsamela. U va hosi ya vamakwenu, ni vana va mana wa wena a va ku khinsamele! A ku rhuketeriwe loyi a nga ta ku rhuketela! Ku katekisiwa loyi a nga ta ku katekisa!”

Genesa 12:3

Ndzi ta katekisa lava nga ta ku katekisa, ndzi rhuketela lava nga ta ku rhuketela, kambe ha wena ku ta katekisiwa tinxaka hinkwato ta misava.”

Swivuriso 26:2

Hilaha nyanyana yi hahelaka hala ni hala, na tona timbewulana ti wongawonga ntsena, Swi tano ni ku rhukana ka hava, a ku tirhi nchumu.

Pisalema 109:28

Vona va nga rhukana, wena u katekisa, Va nga tlakuka, kambe va ta khomiwa hi tingana, Kambe nandza wa wena u ta titsakela.

Yoxuwa 24:9

Kavaloko Balaka n'wana Siporo, hosi ya Mowabu, a pfuka a lwa na Israele; a rhuma vanhu ku ya vitana Balaama, n'wana Beyori, a ta ta n'wi rhuketelela.

Mikiya 6:5

Tiko ranga, anakanya makungu lawa Balaka, hosi ya Mowabu ingi a ma lunghisile, ni leswi Balaama, n'wana Beyori, a n'wi hlamuleke swona, ni leswi humeleleke Xitimi ku ya fika eGiligala, u ta tiva ku endla ka Yehovha loku lulameke.”

Tinhlayo 23:13

Balaka a ku eka yena: “Tana sweswi na mina, hi ya endhawini yin'wana laha u nga ta ri vona hitlhelo ntsena u nga tshuki u ri vona hinkwaro; u ta ri rhukana u ri kwalaha.”

Tinhlayo 23:27

Balaka a ku eka Balaama: “Tana sweswi na mina endhawini yin'wana; kumbe Yehovha u ta ku pfumelela ku ri rhukana.”