Tinhlayo 21:8 - Xitsonga (Bibele)

⁸ Yehovha a ku eka Muxe: “Tiendlele nyoka leyi hisaka u yi hayeka emhandzeni; leswaku, mani na mani la lumiweke, loko a languta nyoka, a ta hanya.”

BIBELE Mahungu Lamanene

⁸ Kutani HOSI Xikwembu xi ku ka Muxe: “Vumba xifaniso xa nyoka leyi nga ni vuxungu, u xi hayeka emhandzeni; un'wana ni un'wana loyi a nga ta lumiwa hi nyoka kutani a languta leyi u yi vumbeke, ú ta hanya.”

Tinhlayo 21:8 Referans Kwoze

Yohane 3:14

Kukotisa Muxe loko a hayekile nyoka emananga, N'wana wa Munhu u fanekele ku hayekisiwa sweswo;

Pisalema 145:8

Yehovha u ni tintswalo u ni nsovo, U hlwela ku kariha u tsetselela ngopfu.

2 TIHOSI 18:4

A susa switsunga, a faya swifaniso, a mbundzuxa swifaniso swa Axera, a fayetela nyoka ya koporo leyi endliweke hi Muxe; hikuva ku fika masiku lawa, vana va Israele a va hisela mirhi ya risuna emahlweni ka yona; a yi thya Nehuxitani (xiphemu xa koporo).

Esaya 14:29

“Wena tiko ra Vafilista, u nga tshuki u tsaka ku tlurisisa hi leswi nhonga leyi ngi yi ku ba yi tshovekeke; hikuva erimitswini ra nyoka ku ta huma mhiri, kutani mbhandzu wa yona yi ta va dragona leyi hahaka.

Esaya 30:6

Va rhwexa swifuwo ku ya le dzongeni, etikweni ra makhombo, ra nhlomulo, ra nghala ya ntswele, ni leya matsune, ya mhiri, ni dragona leyi hahaka; va rhwexa vukosi bya vona etimbhongolweni, ni rifuwo ra vona emihlaneni ya tikamela, ku ya etikweni leri va nga tiki kuma nchumu eka rona.

Esaya 45:22

Hundzulekani eka mina, mi va mi ponisiwa, n'wina hinkwenu va le emakun'wini ya misava, hikuva ndzi Xikwembu, ku hava xin'wana.