Tinhlayo 21:7 - Xitsonga (Bibele)

⁷ Kavaloko tiko ri ta eka Muxe, ri ku: “Hi dyohile hikuva hi dzumadzumele Yehovha na wena; hi khongelele eka Yehovha leswaku a hlongola tinyoka ekule na hina.” Kutani Muxe a khongelela tiko.

BIBELE Mahungu Lamanene

⁷ Hiloko Vaisraele va tsutsumela eka Muxe, va fika va ku ka yena: “Hi dyohile, hikuva hi sandzile HOSI Xikwembu, hi tlhela hi sandza na wena; sweswi hi kombela leswaku u hi khongelela eka HOSI Xikwembu leswaku xi hi susela tinyoka leti.” Kutani Muxe a va khongelela.

Tinhlayo 21:7 Referans Kwoze

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo xin'we xa leswi mi swi vuleke.”

Pisalema 78:34

Loko xi ri karhi xi va dlaya, a va xi lava, A va tlhela, a va hatla ku lava, Xikwembu;

Tinhlayo 11:2

Kavaloko tiko ri huwelela eka Muxe; Muxe a khongela Yehovha, kutani ndzilo wu timeka,

Eksoda 8:8

Kutani Faro a vitana Muxe na Aroni, a ku eka vona: “Khongelani Yehovha leswaku a susa mitlambya eka mina ni le ka tiko ra mina, hi kona ndzi nga ta tshunxa tiko, ri ya gandzela Yehovha.”

1 TIHOSI 13:6

Kutani hosi yi vulavula yi ku eka munhu wa Xikwembu: “Wa nga khongela Yehovha, Xikwembu xa wena, u ndzi khongelela leswaku voko ra mina ri tlhela eka mina!” Munhu wa Xikwembu a khongela Yehovha, kutani voko ra hosi ri tlhela eka yena, ri va kukotisa khale.

Eksoda 8:28

Kutani Faro a ku: “Ndzi ta mi tshunxa mi ya gandzela Yehovha, Xikwembu xa n'wina emananga, kambe mi nga tshuki mi ya ekule; ndzi khongeleleni.”

Yakobo 5:16

Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

Varhoma 10:1

Vamakwerhu, ku navela ka mbilu ya mina ni mikhongelo leyi ndzi yi endlelaka Vaisraele eka Xikwembu, hileswaku va ponisiwa.

Matewu 27:4

a ku eka vona: “Ndzi dyohile hi ku xenga ngati leyi nga riki na nandzu.” Va ku: “Swi na yini ka hina? Tilangutele u ri wena kwalaho.”

Hosiya 5:15

Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.

Yeremiya 37:3

Hosi Sedekiyasi a rhuma Yuhukali n'wana Xelemiya, na Sofoniya n'wana Maaseya, muprista, eka muprofeta Yeremiya a ku: “U hi khongelela eka Yehovha Xikwembu xa hina.”

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

Pisalema 106:23

Xi vurile leswaku xi ta va herisa, Kambe Muxe, muhlawuriwa wa yena, a va lamulela, Leswaku vukari bya xona byi miyela, va nga ti herisiwa.

Ntirho 42:10

Kutani Yehovha a humesa Yobo eku bohiweni ka yena, loko a khongelerile vanakulobye, Yehovha a n'wi andzisela kambirhi hinkwaswo leswi ngi a ri na swona.

Ntirho 42:8

Hikwalaho, humesani tinkunzi ta ntlhanu na timbirhi, ni makhuna ya ntlhanu na mambirhi, mi ya eka nandza wa mina Yobo, mi ya titlhavela magandzelo, kutani Yobo, nandza wa mina, u ta mi khongelela; hikwalaho ka yena swakwe, ndzi nga ka ndzi nga mi bi hi ku hunguka ka n'wina, hikuva a mi vulavulanga swa mina hi ku lulama, kukotisa nandza wa mina, Yobo.”

1 SAMIELE 15:30

Kutani Sawulo a ku: “Ndzi dyohile! Wa nga ndzi dzunisa sweswi emahlweni ka vakulukumba va tiko ra mina, ni le mahlweni ka Israele, u ta tlhela na mina, kutani ndzi ta khinsama emahlweni ka Yehovha, Xikwembu xa wena!”

1 SAMIELE 15:24

Kavaloko Sawulo a ku eka Samiele: “Ndzi dyohile, hikuva ndzi tlurile ku lerisa ka Yehovha ni marito ya wena; hi leswi ndzi chaveke tiko, ndzi yingiseke rito ra rona.

Duteronoma 9:20

Na yena Aroni, Yehovha u n'wi kariherile a lava ku n'wi dlaya, kutani enkarhini wolowo, na yena Aroni ndzi n'wi khongelerile.

Eksoda 32:30

Kuteloko byi xile, Muxe a ku eka tiko: “Mi dyohile hi ku dyoha a lokukulu. Kambe sweswi ndzi ta tlhandlukela eka Yehovha, kumbe ndzi ta kuma ku rivaleriwa ka ku dyoha ka n'wina.”

Eksoda 32:11

Kambe Muxe a khongela Yehovha, Xikwembu xa yena, a ku: “Oho Yehovha! U ri karihela yini tiko leri u ri humeseke eEgipta hi matimba lamakulu?

Genesa 20:7

Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

Genesa 20:17

Kutani Abrahama a khongela Xikwembu, Xikwembu xi hanyisa Abimeleke, ni nsati wa yena, ni makhumbi ya yena, va ta tlhela va tiva ku veleka vana.

2 TIHOSI 13:4

Kutani Yowahazi a khongela Yehovha, Yehovha a n'wi yingisa, hikuva a a vonile ku xaniseka ka Vaisraele hilaha hosi ya Siriya yi va xaniseke hakona.

Esaya 26:16

Yehovha, va langutile eka wena emaxangwini ya vona. Loko u va ba, a va rilela eka wena.

Eksoda 8:4

Mitlambya yi ta khandziya ehenhla ka wena, ni le henhla ka tiko ra wena, ni le henhla ka malandza hinkwawo ya wena.’ ”

Eksoda 10:17

Kambe sweswi u ndzi rivalela ku dyoha ka mina hi siku leri ntsena, kutani mi khongela Yehovha, Xikwembu xa n'wina, leswaku a susa ntungu lowu eka mina.”